رواية { افهم انا لايقين على بعض }

البارت الخامس


دخل سعود البيت حس بأرهاق فضيع وصداع رمى العبايه على الكنب قبل لاتدري عنه مها اتجه لغرفته باالدور الثاني
ام يوسف واقفه تأمر الشغاله التفتت على ..سعود.: هلا بوليدي تعال سلم على جدتك و خالاتك
سعود يحب راس امه : ان شاءالله يمه بس اروح ابدل لبسي وانزل
ام يوسف : عسى مافيك شي
سعود :مافي الا العافيه مصدع شوي

حست لمياء ان بدت تهدا نوف قربت عندها

..لاتزعلين نفسك ياروحي ..
نوف تضم لمياء ودموعها تحرق خدها الناعم : يكرهني يالمياء ماابيه والله ماابيه !
لمياء: ماعليك بس هو كان معصب صدقيني سعود لاعصب يقول كلام كبير لاكن قلبه طيب ويعتذر دايم
نوف : مقهوره من امي مراح تخلي لي عنده قدر معقوله في ام تتساهل في بنتها وتخطب هي لها لها الدرجه انا رخيصه ؟!
لمياء : خالتي تمون على امي وعلاقتهم كويسه لايجي على بالك هاالتفكير..خلتها ترتاح وطلعت تنزل تحت

صعد لغرفته وعلى الدرج قابلته لمياء

لمياء :سعود؟
سعود عاجز يتكلم:همم
لمياء تمسك يده: شصار ماقالت لك امي شي؟
سعود :لا
لمياء برجاء: سعود اعتذر لنوف؟
سعود : ها ,,ليش ؟
لمياء : سمعت اللي قلته عنها في الصاله وهي جالسه تبكي والله قطعت قلبي ماارضى عليها
سعود يتأفف : اعتذري لها باالنيابه
لمياء معصبه : حرام عليك ماتدري كيف نوف تغليك ماعندك احساس
سعود اتجه لغرفته : قلت اعتذري لها باالنيابه
لمياء ودها تذبحه وتبرد غيضها تركته و نزلت تحت تساعد امها,,

تسند سعود على الاريكه يسترخي ويريح جسمه من زمان ترك الرياضه وصاير جسمه مايتحمل اي مجهود كبير..
مرر يده على شعره بتعب راح تفكيره لبعيد بعيد هناااك عند ريم ..و بعدها راح بسابع نومه ,,


.......
ندى منسجمه مع ياسر باالسوالف ..
دخلت ريم بخطوات سريعه بدون ماتلتفت عليهم وصعدت لغرفتها
ياسر بأعلى صوت:ياااااهووو نحن هنا ..!
ريم ميته من البكى ودموعها على خدها دخلت لغرفتها وقفلت الباب وراها
ندى بأستغراب:افا شصاير بريوم؟
ياسر واقف : طالع لها اشوف

(في غرفه ريم )


رمت العبايه والكيس بكل ضيق على الارض كان الموقف صعب عليها حست برجفه بجسمها جلست على طرف السرير تحاول تستوعب اللي صار,,
ضرب الباب عليها ياسر :ريوووم..
ريم ماودهايحس بشي :ياسر شوي مشغوله
ياسر : طيب اول ماتخلصين تعالي في غرفتي بس بسرعه قبل لااطلع

خذت روبها ودخلت للحمام تهدي اعصابها بماء دافي ,,..


عند نوف اللي غرقانه في تفكيرها تعشق سعود تحب كل شي فيه احتارت في نفسها (ياربي اصدق كلام لمياء بأنه قال هاالكلام لانه معصب ولا ايش ؟!

,,اففف لازم اتصرف وانهي هذا الشي مدت يدها على دفترلمياء قطعت ورقه
بدت تكتب كلام بداخلها .طوت الورقه رشت شوي من عطرها
اتجهت لغرفه سعود
مشت بداخل الغرفه عطره المنتشر في الغرفه يزيد من ضربات قلبها
قربت للمكتب ..
التفتت بخوف من سعود اللي نايم على الاريكه ماتدري عن وجوده حركت رجلها بخفيف تطلع من الغرفه حست ان سعود تعبان تسمع انينه وهو نايم جلست تتأمل ملامح وجه عيونه رموشه جذاب وهو نايم اعلن قلبها بجنونه فيه..
ضلت فتره تطالع فيه ملامحه ودموعها على خدها حست على نفسها وطلعت بسرعه قفلت بابه بهدوء

دخلت غرفه لمياء رمت الورقه على الارض وداستها برجلها بقوه : احبك قسم بربي احبك بدت ترجع لها حالاتها الهستيريه من البكاء


.....
ساره بيدها الجوال كسرته من كثر مكالماتها لسامي اللي مغلق جواله
طلعت في الساحه لعل احد يعطيها بصيص امل من امس مغلق ولااحد يدري عنه من ربعه ولاحتى داوم في الجامعه تحاول تهدي جدتها اللي تحبه اكثر واحد من عيالها اللي تزوجوا وبقى سامي
خذت نفس قوي ودخلت داخل,,تستأذن من امها تطلع لريم يمكن تهدي قلبها

ريم تجفف شعرها وبداخلها تدعي عليه ماكانت ريم تحب حركات التعارف بنت متربيه احسن تربيه
انتبهت لضرب الباب
اتجهت له وفتحت : سااااره
ساره تضم ريم وتبكي وريم تبكي بعد
ريم : ريم ليش الدموع.؟
كانت كل وحده تبكي على الشي الثانيه ماتدري عنه ؟
ريم على الموقف وساره على عمها
ريم تمسح دموعها وتحاول تهدي ساره
ريم :خلاص لاتبكين ياحبك تشاركيني في كل شي
ساره :انتي اللي شاركتيني ورجعت تكمل صياح
ريم : خلاص سوسو ترى بطردك من الغرفه فيني ضيقه وابيك تواسيني وتجين تزيدين علي
ساره: ليش ايش صار
ريم تغمض عيونها تطرد صوره المجهول اللي شافته :طلع رجال ياساره الوقح الخسيس
ساره مفهيه: من
ريم :اللي كانت تكلمني بأسم تولين
ساره :شوي شوي فهميني السالفه






الصباح الساعه 10.21
طلع من الحمام بعد ماأخذ له شاور حس بنشاط اليوم اول يوم له بوظيفته الجديد بشركه خالد بعد ماكان متوظف عند صديق ..

ابوه لبس بنطلون اسود وقميص ابيض فاتح نص ازاريره خذى جواله ونظارته ونزل تحت

ام يوسف جالسه عند التلفزيون في الصاله
...صباح القشطه ياقشطه التاج انتي
ام يوسف :لا خلها الصافي احسن
سعود يبوس راس امه وبأبتسامه : مايخالف الصافي علشان خاطر هاالخدود الورديه
سعود :الا وين العسل طيب
ام يوسف : توه طالع
سعود يصفق ويصفر :والله يعني داريه اني اقصد ابوي الله الله الله على الحب يايمه
ام يوسف استحت :ابروح اقول للخدامه تجهز لك الفطور واقعد ابيك بموضوع
سعود يضحك على امه ويبي يتهرب من موضوع نوف :لايمه ابفطر مع خالد تامرين شي ياقشطتي
ام يوسف :انتبه لنفسك زين ولاتسرع باالسياره
سعود يأشر على خشمه >يعني على خشمي وطلع
فتح الباب قابله هندي معه سطل المويه واقف عند سيارته يبي يغسلها له
قرب سعود عنده وعطاه ميه ريال وركب سيارته الهندي :بابا وقف انا في غسل الحين
سعود :لا نظيف وحرك السياره وراح
الهندي يطالع في الميه وجالس يبوسها بقوه وفرحان :هزا كووول سعودي كويس>وقت المصالح ابو هنود

نوف في الفصل سرحانه تشخبط باالورق على الورق وتفكيرها بسعود (في نفسها) لازم تنفذ خطتها اللي مقرره عليها اليوم لازم تتقرب من سعود وتخليها يحبها غصب
.
...
الساعه 12 الظهر نهايه الدوام


رجع سعود من الدوام لشقه ومعه الغدا مايدري عن منار من امس
الخادم مسافر وينتظر خالد الخادم الجديد الشقه فاضيه ولافيه احد الا منار دخل الصاله
استغرب من وجود منار وهي ماعليها حجابها كانت نايمه على الكنب
في نفسه (شكلها تطالع التلفزيون ونامت )
كأنها طفله وهي نايمه بشرتها الوريه وملامحها الجميله شد انتباه سعود
احتار يصحيها او لا ,, ماحب يحرجها جلس على الكنبه اللي قريبه منها وهو يتأملها انوثه ودلع مايدري ليش جت على باله ريم ضحك بخاطرهوهو يقول( فرق كبير بين منار وريم من ناحيه الدلع ههه)
وقف واتجهه للمغاسل يغسل يده

فتحت عيونها وريحه الغدا تدغدغ خشمها جوعااانه من امس ماكلت الاغداها
عرفت ان سعود اللي جايب لها ومن غيره يهتم فيها قربت للطاوله وبدت تاكل

طلع سعود وشاف منار والابتسامه على خده ..
منار تمنت الارض تنشق وتبلعها انحرجت من سعود ماتدري ليش سعود يسبب له احراج وربكه

طلب منها سعود تجلس وهو طلع من الشقه علشان تاخذ راحتها

صارت تسب في نفسها احتارت من نفسها ماتدري ليه بدت تميل لسعود هل من تعاملها او شي ثاني ..؟؟؟؟؟؟

ــــــــــــــــــــــــــــــــــــــــــــــ

في المدرسه ..


دانه : يله نوف البوابه انفتحت
نوف : لحظه اروح اكلم واجي
استخدمت نوف تلفون المدرسه علشان تنفذ الشي اللي في بالها,,
سعود :يامرحبا
نوف بجرائه وهذي عادتها :الو سعود انت فاضي
سعود :من انتي
نوف تدلع صوتها :انا نوف في المدرسه تقدر تمرني اخوي مشغول ومالي الاانت
سعود :طيب امرك بعد شوي
نوف بفرحه بس تخفيها:اوكي باي

,,,,,,,,
في المطبخ تزين لها الشاهي رفعت بريق المويه المغليه سمعت صوت باب الشقه ينفتح ارتبكت ومن غير ماتنتبه انكبت المويه على يدها ..
رمت البريق على الارض وجلست تصيح من المويه اللي تحرق يدها
خالد ركض للمطبخ متجهه للصوت

منار على الارض تبكي بقوه
خالد واقف يطالع منار ولايدري ايش يسوي :ايش فيك؟
منار ماردت وبكاها يزيد وجلدها ينشال من يدها
خالد بتطنيش :لاتصيري زي البيبي وتبكي كذا مافيك الا العافيه راح وخلاها تغلي من داخلها

جلس عند التلفزيون زاد من درجه بروده المكيف الرياض درجه حرارتها في هاالصيف عاليه
وقفت منار وهي تكتم صوت المها طلعت من المطبخ لغرفتها

خالد بأحتقار:مره ثانيه مااشوفك طالعه من غرفتك وجهك هذا ماابي اشوفه
منار تمنت لو تكب الماء على وجه مغرور وجماله يزيده غرور ( بداخلها تدعي عليه )

دخلت غرفتها وهي بتموت من الالم
الم يشبه الم جرح قلبها ...
بدون شعور خذت جوالها وكلمت سعود اللي عطاها رقمه اذا احتاجت شي



في السياره بين الزحمه واقف عند الاشاره ومعه نوف في الكرسي اللي وراء
نوف تحاول تلفت انتباه سعود بدلعها
جوال سعود يرن
رفع السماعه
:ايوه
منار بصوت مخنوق :سعود ابي المستشفى
سعود :منار صار شي
منار تبكي ولاقدرت تتكلم صكت السماعه بوجهه
انجن سعود لايكون صار لها شي اسرع باالسياره ركب فوق الرصيف متجاوز الزحمه قطع الاشاره متجهه لشقه,,,

قريتها كامله مممممممممممره تحزن وحلوه بس اتمنا تكمليها