رواية { افهم انا لايقين على بعض }

البارت التــآسع عشر .....

الساعه 3 الليل ...المزاحميه ....
نسيم المزرعه البارد مالي المكان تسند سعود على المركه بعد ماراح هشام وهو يطالع القمر كان مكتمل ومعطي جو شاعري تذكر ان حاتم يعرف رقم ابو خالد من زمان لاكن كيف ياخذه منه بعد اللي صار
جت على باله فكره يرسل له من رقم ثاني يستفسر عنه لعل تنجح هاالخطه ويجيه الرقم نطق بهمس :اخ ياشين لاصارت حاجتك بين نذل
مد يده ياخذ جواله يسليه هاالوقت حتى يأذن الفجر ويجي يوسف ياخذ مكانه كانت المزرعه مليانه محاصيل ويخاف ابوه احد يخربها او يتعرض لها
فتش بجواله بملل وهو يغني وفي باله ريم ويتذكر كلامها لما شافها باالكفي
بعدها ارسل لها ...(تكفى ..
لاصار قلبي بين يديك[ لاتكسره] انتظر دقايق عنده امل انها ترد لاكن خاب دق عليها ولافي رد ارسل من جديد(تصدقين يابعد كلي اني جالس في مكان حلو والله العظيم تمنيتك في حضني ..)
ريم نايمه ولاهمها الجوال اللي عند راسهــآ ...

يوم الثلاثــآء..الساعه 2 الظهر ...

وليد على الفراش عجز يجيه النوم بعد مارجع من الدوام جلس على حيله وهو يتأفف مالقى حل يرضي الطرفين ابد استحاله اخذ العنود وندى وانا مسافر ومستحيل اخلي العنود هنا واروح عنها حط يده على راسه محتاج يفكر الف مره ..
مكالمات العنود ماوقفت من طلع من عندها بعد عنها حتى يقدر ياخذ القرار اللي يريحه تكلم بهمس : لازم أأجل سفرتي وبعدها اشوف ايش اسوي ابكلم ياسر واعطيه خبر <<
باالبنك .عند ياسر..
منشغل بتخزين المعلومات على الحاسب انتبه لجواله اتصال وليد:هلاومرحبا وليد
وليد:كيف الحال ياسر
ياسر:والله بخير ونعمه شخباررك انت
وليد بأستعجال:الحمدالله بخير دقيت عليك ابي اقولك شي
ياسر:امر ياالحبيب
وليد:تراني أجلت سفرتي ...
ياسر:عسى ماشر يااخوي ليش تأأجلت
وليد بكل صراحه:والله ياياسرام العيال معزمه تروح معي للسفر وانا ماابي اظلم وحده منهم
ياسر مافهم:ام العيال .؟
وليد:زوجتي استقالت من شغلها علشان تطلع معي للسفر فقلت ااجل سفرتي حتى اشوف ايش الحل بعدين؟
ياسر منصدم:زوجتك..؟انت متزوج..؟
وليد مستغرب:اي متزوج ؟
ياسر:من جدك انت
وليد:اي يااخوي متزوج لي فتره.شسالفه.!
ياسر:وكلام امك..؟!
وليد:امي ايش قالت؟
ياسر:ووليد ليش ماقلت من قبل انك متزوج اايش اقول لاختي هااا قوول انا لو داري انك متزوج قسم بالله ماتاخذها
وليد ساكت مصدووم ان ياسر مايعرف انه متزوج عرف ان امه كاذبه عليهم
ياسر:شايفينا صغار تخبي امك علينا علشان جيران جداد ولانعرف بعض كثير لاكن والله انا الغبي اللي مارحت اسئل الا ابو سعد اسمع ياوليد اختي مااتوقع بترضى تاخذ واحد متزوج الحين هي القرار بيدها اذا مارضت رح بطريقك والله يعوضها بأخير منك
وليد حس بقهر:والله الحمدالله انها جت منك وطلعتني من هاالهم على العموم ترضى ولاماترضى خلها على قولتك تاخذ اللي اخير مني وورقه طلاقها توصل لها بكره
ياسر يسمع الكلام اللي يقوله وليد وهو مصدوم بعدها صكر ياسر السماعه عض على شفايفه بقهرمن وقاحته وهو يفرك يده ويتعوذ من الشيطان

سعود بسيارته استغرب وهو يطالع رقم الحارس اللي يدق عليه تذكر منااار؟؟؟
:نعم
الحارس :ايوه سعود انتا فينك من امبارح
سعود: انا طالع للبيت في شي..؟
الحارس:اصل شفت منار
سعود وهو مستغرب:منااااااااار جت..؟
الحارس:ايوه فتحت باب الشقه بالليل لها لاكن دقايق وطلعت تمشي بسرعه وركبت مع سياره وراحت
سعود منقهر:ليش خليتها تروح
الحارس :والله مشيت وراها لاكن مامعيش عربيه
سعود وهو يصكر :خلاص خلاص
حط الجوال بيده وهو يسأل نفسه :منار جت وين كانت فيه؟؟؟!!لازم اروح للشقه يمكن ترجع زاد على سرعه السيااره واتجه للشقه...

انتظرت العجوز تنهي شغلها حتى تسألها اذا نفذت اللي طلبت منهاا امس
فتحت الغرفه تشوف اذا في احد جالس ينتظر دوره او لا لاكن مافي احد استغلت الفرصه وجلست عند الجدار وهي خايفه تقطع العجوز من شغلها
لاكن حماسها زاد :خاله
العجوز :لفت راسها عليها
منار بأرتباك:خاله ايش صار بخالد
العجوز:خلاص سويت اللي قلت ولاتنسين الشرط اللي بينا
حست باالفرحه وابتسمت ابتسامه بارده وهي تهز راسها بعدها سحبت نفسها وطلعت :تعذب ياخالد تعذب اكثر مني حست ان لها رغبه تضحك وتسمع العالم ضحكتهاا

ساره وعهد يجهزون اغراض ام راشد واوراقها حتى تطلع
ساره وهي تبعد يد عهد:له ثقيل عليك خليه بأخذه انا
اخذت الاغراض وركبتها بسياره نواف اخوها
هديل من طلعت من عند ام ياسر وهي ماتكلم احد ولاحتى تشتهي تاكل ابد
ساره تلتفت على هديل تعالي ساعديني علشان نركب خالتي باالسياره
هديل وقفت تطالع ساره بعدها قربت وملامحها جامده حتى ماتحمدت لامها باالسلامه صعب تنصدم في شخص اللي ماتحس الامان الا معه
عهد حاسه بأختها لاكن ماتبي تكبر الامور غير ماهي كبيره حاولت تخفي كل شي عن امها وتتبسم بوجهها بحنان
وصلوا للبيت وودعت عهد ساره بعد مااشكرتها دخلت للبيت وهي تطالع امها اللي على العربه قربت عندها تحب راسها وتفصخ عبايتها
دخلت هديل لغرفتها تتمنى تنعزل عن النااس كلهم ماتبي تقابل احد ابد قفلت الغرفه عليها
اخذت عهد اغراضها وصعدت فوق لغرفتها
كان البيت مليان غبار ومكتوم تلفتت تطالع المكان وهي تتمنى تنظفه لاكن تحس بألم بظهرها متعبها طلعت لغرفه هديل حتى تنزل عند امها
:هدوول
هديل :هممم
عهد:افتحي ليش مقفله الباب
هديل بعصبيه:ماابي اشوف احد خلوني لحالي
عهد خلتها براحتها حتى هي ماتقل عنها صدمه دخلت لغرفه امها تجيب لها فراش تنزله باالغرفه تحت بدل ماترقى فوق تعب عليها
دخلت الغرفه اللي بالصاله فرشت الفراش على الارض وفتحت الشبابيك تتهوى طلعت تجيب امها ترتاح
ام راشد تحاول تنطق وتمنع عهد تدفها لاكن لسانها ثقيل عاجزه عن الكلام استسلمت لعهد ودخلت الغرفه
عهد تقرب عند امها :يممه ابنزلك هنا ترتاحين وانا بكون عندك دايم مدت يدها تنزل امها كانت ثقيله وهديل رافضه تنزل تساعدها سحبت امها ونزلتها ببطئ على فراشها وهي تعدل المخده بعدها قامت للمطبخ تجيب كاس المويه تعطي امها علاجها

دخل ياسر للبيت وقابله بدر :ياسر عندي لك مفاجأه
ياسر :مو وقته يابدر وين امي
بدر :طيب باالاول اسمع جاسم جاي الاسبوع الجاي خلاص وافقوا يناقشون رسالته قريب
ياسر وهو يمشي : ارسلت ندى لي وعلمتني
بدر :طيب جاملني مخسر نفسي هالخطوات علشان اعلمك
ياسر:ليه تمشي ببنزين انت علشان اخسرك< دخل للمطبخ حصل امه قرب عندها:يمه مشغوله
ام ياسر:اغسل الرز واخلص
ياسر: ابي اكلمك بموضوع انا جالس بالصاله

خالد فاتح الجريده من صارت السالفه بينه وبين اخته وهي ماتكلمه لف راسه عليها وهي مندمجه مع فلم ومطنشه وجوده
قام وجلس جنبها :سمر ..؟
سمر بيدها كوب القهوه رفعت عينها عليه ببرود ورجعت تكمل الفلم
خالد:ابوي جاي بعد كم يوم
سمر بفرحه نست زعلها:بااابا حبيبي واو مااصدق
خالد فرح لفرحتها:عنده شغل هنا
سمر : راح اسوي له احلى باارتي
خالد: مبسوطه كويس نسيتك الزعل
سمر ماردت عليه
خالد: سمر انتي كبيره واكيد تعرفين الصح والغلط
سمر كشرت بوجهها بأسلوب طفولي ورجعت تكمل متابعتها
ضحك خالد عليها وجلس يتابع معها الفلم
مرت عشر دقايق وسمر تضحك على تعليقات خالد للفلم بدل ماهو حزين قلبه كوميدي فجأه سكت حس بألم فضيع بجسمه فتح فمه ياخذ نفس صرخت سمر وهي تطالع خالد طاح على الارض عند رجلها مغمي عليه نزلت من الكنب وهي تنادي عليه وتصرخ خاااالد خلووود لاتسوي لي مقلب زي كذا مااااااحب.. خاااااااالد لاكن مثل الجثه بين يديها وهي تهزه ركضت وهي تنادي الخدم ينقلونه للسياره حتى تطلع المستشفى

بعد نص ساعه ياسر بغرفه ندى ..
ندى : كان عندي احساس من بعد ماشفت اخوه الصغير امس مو متحسفه عليه دام بها السهوله تخلى عنى الحمدالله كشفت معدنه قبل لااعاشره
ياسر حس براحه ان ندى متقبله الامر : بس حاس اني لي ذنب بهاالموضوع
ندى :الذنب على امه ياياسر انت ماقصرت عزوتي وسندي وواثقه منك
قرب ياسر عندها وباسها مهما كان تظل البنت منكسره لاتطلقت :الله يعوضك بواحد احسن منه ياندى تستاهلين كل الخير
بعدها قام وطلع لامه ..
طالعت ندى الغرفه وهي سرحانه لفت عيونها على اغراضها وملابسها الجديده اللي ماليه الغرفه تنهدت بحزن وهي تشوف فرحتها تلاشت بهاالسرعه حاولت تخفف الامر بين وبين نفسها وتحاول تتكابر
ريم عند امها في الغرفه باين عليهم الضيق وخصوصا ام ياسر ماتوقعت ام وليد بتكذب هاالكذبه بس علشان توافق عليهم
دخل ياسر عليهم وجلس
ريم :ها ياسر قلت لها
ياسر بحزن: صحيح انصدمت لاكن ماتوقعت رده فعلها
ريم:من تملكت وانا احس بداخلها شي وكاتمته ماحبيت اضغط عليها
ياسر يلتفت على امه:يمه لاتضيقين نفسك ياالغاليه وام الوليد لاعاد اشوف رقعه وجهها هنا
ام ياسر ودموعها على خدها:انكسر خاطر بنيتي توها صغيره وتتطلق اه ياحر قلبي عليها حسبي الله ونعم الوكيل عليها وعلى ولدها
ريم: على الاقل انتظر رد ندى يمكن ترضى فيه حتى لو متزوج لها الدرجه تخلى عنها بهاالسهوله
ام ياسر:يمه لاتزيدين على ندى يكفي اللي فيها طلبتك مسحي دموعك وخلونا نروح الشرقيه هااليومين عندي اجازه نغير جو على ندى شوي قومي ريم روحي عند ندى ماابيها تجلس لحالها ونسيها وخلي الامر عادي عندها وعندكم ريم وقفت وطلعت لندى
ندى اللي جالسه على السرير وماده رجلها وباين عليها سرحانه
ريم:ندى
ندى :همم
ريم تجلس عندها وهي تحاول تغير الجو: شرايك نروح الشرقيه هااليومين
ندى تبتسم بحزن:ياليته والله
ريم :ندى صدقيني هذا وليد مايستاهل حتى التفكير فيه انا لو بشوف امه توطيت في بطنها هاالحماره
ندى سكتت وهي تلعب بأصابعها بقلق
ريم بأبتسامه عريض:ندوو وه بس بنرجع وياك للعزوبيه مره ثانيه ههه
ندى تضحك عليها: ريم تبين نذبح امي بدال مانطلع من البيت متزوجات نقعد على قلبها مطلقات علشان خاطري بطلي هاالتفكير
ريم : مو قادره ياندى غصب عني
ندى : انتي ترفسين النعمه برجلينك سعود باين عليه يحبك مره ولا ليش متحمل وحده طويله لسان مثلك لحد الحين
ريم توقف وهي تمسك يد ندى :طيب قوومي ياعسووله لاتجلسن هنا خلينا ننزل تحت
ندى :لاريم خليني شوي لحالي
ريم : ندى علشان خاطري
ندى :الله يخليك ريم شوي وراح انزل
ريم حاسه بندى ضايق صدرها باالحيل ابتسمت لها:خلاص شوي واجي انط عليك بعدها طلعت وهي تصكر الباب وراها
ندى حطت راسها على المخده وهي تهدي نفسها حست ان نفسها ضعيفه ولاقدرت تتكابر اكثر من كذا بعد مانزلت دموعهااا ...
نزلت ريم وجلست عند بدر اللي يلعب بلاستيشن حاسدته على تطنيشه كانت مثله باالضبط لاكن الظروف اجبرتها تشيل الهم بقلبها
حطت رجل على رجل وجلست على الكنب طالعت جوالها وهي تقرا مسجات سعود رفعت راسها تفكرحست انها بدت تتردد بقرارها مو علشانه لاكن علشان امها ماتبي تزيد عليها الهم اكثر:بس احس بخوف تجاه سعود ياربي ارحمني والطف فيني
بدر : ريووم
ريم بملل :نعم
بدر : شفيك ساكته وتحركين حواجبك بسم الله
ريم انحرجت انه باين عليها: مسويه حوار بيني وبين نفسي
بدر :مريضه الحمدالله تعالي العبي معي
ريم : بدر عندي لك خطه يحبها قلبك بتنفذها
بدر :قدااام
ريم :اسمع ياسر بغرفته نايم ابدخل اخذ مفتاح سيارته واطلع وياك لثمامه باالدباب
بدر يرمي اللي بيده : فكره ابليسيه من وين جبتيها
ريم: افا عليك من عقلي الموقر يله جهز الدباب بره وانا بجيب المفتاح
طلع بدر واخذ الدباب وريم اسرعت تجيب المفتاح مرت من غرفه ندى فتحتها بهدوء تطمن عليها حصلتها على السرير ووجهاا على المخده طالعت فيها ثواني بحزن بعدها نزلت لبدر

خالد بين الاجهزه فااقد الوعي سمر ومحمد ينتظرون الدكتور مرت سااعه ولاحد الحين محد مطمنهم
لمح محمد سمر تقووم وهي تسرع بخطواتها فرح انه الدكتور لاكن انقهر وهو يشوف جوون ركضت سمر تضمه وهي تصيح على حال خالد وجون يمسح على راسها نزل محمد راسه يتجاهلهم .. دقايق طلع الدكتور قربت له سمر ومحمد
محمد يخاطبه باالانجليزي ان يطمنه على خالد
الدكتور يمشي مستعجل : جميع التحاليل سليمه هذا شي عجيب ومستغرب لازال فاقد الوعي نتمنى الشفاء له
سمر بخوف:محمد كان يضحك بجنبي مافي شي ابد والله ماادري ايش اللي صار
محمد: راح اتصل بأبوي ينقله بأفضل مستشفى هنا ..
بعد ساعه طلع محمد وجون وظلت سمر عند الباب ماهان عليها تروح وتخليه تمشي بين الممرات وهي تايهه وتدعي بداخلها له
خالد رجع لوعيه طالع نفسه بالمستشفى وهو مستغرب ايش اللي جابه حاول يحرك يده ماقدر حاول يحرك رجله حاول يرفع راسه يتأكد اذا رجله فيها شي لاكن حتى راسه مايحركه
ركض الممرض للدكتور بعد ماشاف خالد فتح عيونه بعد هالساعات
دخل الدكتور وهو يطمن عليه مسك يده ويسأله عن حاله ..؟
خالد طالع الدكتور بعيون تعبانه وهو بيسأله عن اللي جابه هنا لاكن حتى النطق فقده الدكتور يكلم خالد ينتظره يجاوب عليه ماقدر يسمع الدكتور يشوف شفايفه تتحرك لاكن مايسمع ايش يقول حس بتعب قوي يجي ويروح بجسمه غمض عيونه وهو يتألم بدون مااحد يحس عليه الاجهزه تبين كل شي سليم يتعذب لاكن مااحد يحس فيه
طلع الدكتور يكلم سمرويطمنها دقايق ودخلت سمرتبكي عنده طالعها خالد بأستغراب وهو مايدري ايش فيه
سمربخوف :طمني عليك خالد خوفتني عليك
خالد يطالعها وهو مصدوم مو قادر يتكلم
سمر :خلودي رد علي لاتخوفني اكثر
سمر تقرب لدكتور تسأله عن صحته
الدكتور : سليمه جميع التحاليل
سمر تبتسم وترجع لخالد:تدلع علينا
خالد نزل دمعه من عيونه حس ان وده يموت ولايعيش هذا الالم
سمر تطالع دموعه :خالد يألمك شي..؟
مافي اي ملامح بوجه تدل انه يتألم
غمض عيونه ..سألت سمر الدكتور انه ليش مايرد ولاعطاها الرد لانه مايعرف ايش فيه باالضبط ...
خالد يصرخ بداخله ويتألم من هاالالم اللي يجيه يفتح عيونه ويغمضها كأنه يطلب منهم يساعدونه لاكن ماحد فهم عليه سوى انهم يطالعون دموعه ...

العصر ..جهزت عهد الغدا وطلعت لغرفه هديل تناديها تنزل لاكن كانت رافضه تطلع من الغرفه
عهد:هديل امي الحين محتاجه لنا
هديل: مااقدر احط عيني بعيونها ماااقدر صدقيني
عهد تتنهد:هدول علشان خاطري لاتزيدين على امي
هديل بعناد: خليني ماراح انزل ابد
عهد بعصبيه: براحتك
دخلت لامها وهي ترفعها حتى تجلس وتأكلهاا كان بداخلها كلام كثير لامها لاكن ووين وامها ماتنطق بأي حرف
اشرت عليها امها انها تبي تروح للحمام(اكرمكم الله) احتارت عهد كيف تساعدها ركضت للعربه وقربتها لامها نزلت لعندها وهي تحاول توقفها ام راشد تهز براسها معنى لا لاكن اصرت عهد عليها حتى رفعتها على الكرسي

ام ياسر تدور على ريم في البيت كله ولاحصلتها دخلت على ياسر تصحيه للصلاه ياسر مارد عليها هزت بقوه :قوم ياسر يله الحق على الجماعه ترى اختك ريم ماهي باالبيت شكلها طالعه مع بدر مفتاح السياره معك ..؟
ياسر يدوره على الطاوله :وينه كان هنا اكيد هو ماخذه وطالع معها
قام للغساله يتوضى ويدق على بدر
ريم مع بدر على الدباب كان يفحط فيها وهي تصرخ وتضحك ولاهمهم هاالشمس اللي تصقع فوق روسهم
بدر :ريوم ياسر قام هذه يتصل
ريم :يله خلاص خل نرجع صار لنا ساعه وانا طالعين
بدر :يوه ارجع وانا ماامداني اجي يله بس طنشيه ضغط على الدباب واسرع بأعلى سرعه
ريم :هيييه لاتسرع كذا ياالدب خفف بطير
بدر يضحك على صراخها وبفحط بااعلى سرعه فجأه انقلب الدبااب وريم وبدر عليه تقلب على التراب كم مره حتى وقف
صرخت ريم من الالم الدباب طاح على رجلها وبدر فوقها
بدر تحرك وهو يرفع الدباب وقام وهو يضحك على ريم اللي كلها تراب
ريم وهي تصيح:ليش تضحك وخر عني اه رجلي تألمني
بدر يقرب عندها ويمسك يدها :قومي
ريم وهي تتألم:مااقدر رجلي
بدر يرفع عبايتها ويطالع رجلها :اي وحده تألمك
ريم:اليمين
بدر يسحب بنطلونها وهي يدور اذا فيه جرح اولا
بدر:مافي دم ..؟
ريم تصيح وهي تبعد يده لايضغط عليها
بدر :طيب خلاص بنرجع للبيت قام ودخل الدباب للسياره وقرب لريم يحاول يخليها توقف
ريم ترجع تجلس :مااقدرر
بدر :ياربي طيب شلون نرجع شوفي ياسر كسر جوالي ابرد عليه :الو
ياسر:ماتقول لي وين طالعين
بدر: طالعين للثمامه
ياسر بصراخ:ثماامه وانت وريم بس صاحي ولامجنون
بدر : ياسر ريم رجلها تألمها
ياسر:عطني ريم اكلمها
بدر :تصيح ماتقدر تكلمك
ياسر:ليش ايش فيها
بدر:انقلب فينا الدباب
ياسر:ياارب ثبت العقل فيني وماخذ الدباب بعد طيب يابدر ان ماخذت هالدباب وبعته مااكون ياسر تعال بسرعه الحين
بدر :مالي دخل هي اللي قالت ودني والحين ابرجع بس ماتقدر تمشي وش اسوي
ياسر:ودها المستشفى يمكن فيها كسر
بدر :طيب
ركض للسياره وقربها لريم حتى تقدر تركب...

عهد بعد مارجعت امها لفراشها حست بألم يدها على بطنها :آآآهـ مشت بسرعه وجلست على الكرسي اللي عند الدرج ترتاح بدا الالم يزيد طالعت الدرج كيف ترقى مافيها حيل حتى توقف تمالكت نفسها وقاامت تمشي وترقى درجه درجه بخفيف حتى وصلت لغرفه هديل ضربت الباب وصوتها وهي تتألم وصل لهديل هديل قامت بسرعه
فتحت الباب :عهد شفيك
عهد:ماادري احس بمغص وظهري يألمني
هديل :بسم الله عليك تعالي ارتاحي
عهد :لاامااقدر هديل ابي اروح لدكتورتي مااقدر اتحمل
هديل:لك موعد باالمستشفى
عهد:المفروض امس لاكن مارحت لها
هديل :خلاص هيا نروح
عهد:بس امي من يجلس عندها
هديل:ماراح نطول نرجع بسرعه خذت عباتها ونزلت على الدرج وهي ماسكه عهد
عهد ماقدرت تكمل جلست وهي تصيح ويدها على بطنها
هديل :خلاص ياقلبي تحملي بنطلع للمستشفى الحين
عهد: مااقدر هديل ..
هديل ارتبكت اسرعت لجوال عهد تدق على الاسعاف
بعد مادخلت المستشفى انتظرتها ...دقايق وطلعت الممرضه معها كيس دم
هديل :ايش فيها ..؟
الممرضه : الجنين نزل ومحتاجه دم ضروري هديل تتأكد من اللي سمعته عهد سقطت غمضت عيونها مب مصدقه سندت راسها على الجدار وهي تتنهد انتظرت حتى الدكتوره تخلص وتدخل تتكلم معها مرت عشر دقايق وبعدهــآ دخلت
الدكتوره تكلم هديل :انا حذرتها ماتشيل شي ثقيل وتهتم بالغذاء الصحي لاكن مااتبعت كلامي ابد الجنين ضعيف باالمره واجهضته
هديل بضيق : والله يادكتوره حاولت معها طمنيني على صحتها..؟
الدكتور:راح نسوي تنظيف لها وتطلع ان شاءالله بصحه وسلامه
قربت هديل لعهد: الله يعوضك حبيبتي والحمدالله على السلامه
عهد تفتح عيونها بتعب طالعت هديل ورجعت تغمض عيونهااا
هديل تبوس راسهاا وجلست بجنبهاا وهي تتمنى ترسم السعاده بطريق عهد لاكن مافي يدها اي شي
رجعت تنام عهد من الابره المهدءه ...
قامت هديل تتصل على ساره لاجل تجي عند عهد وهي تروح لامهااا..

الساعه 5 م
رجع بدر للبيت وهو ماسك ريم اللي ملفوف على رجلها بسبب الكسر دخلو للصاله
ام ياسر شهقت وهي تشوف ريم :ياويلي شصار على بنتي
بدر ماسك ريم تركها بسرعه وهو خايف من امه ...ريم ماقدرت تسيطر على نفسها وطاحت على الارض
بدر ماقدر يمسك ضحكته على شكلها وهي تطيح
قرب ياسر وهو يمسك اذن بدر: خبل خبل تتركها شفها طاحت على الارض بسببك
بدر يوخر يده عنه :شدراني خفت من امي تعطيني كف على وجهي وتركتها
ريم على الارض تصيح :يالدب الله ياخذك
ياسر يرفعها من الارض وهو ماسك ضحكه لايضحك عندها وتزيد صياح: تحملي اللي جالك هذا جزاء اللي يطلع من دون اذن احد
جلسها على الكنب وقرب لبدر عطني مفتاح الدباب
بدر:لاياسر الله يخليك اخر مره والله كله من راس ريم
ياسر بجديه:قلت عطني المفتاح قبل لااشب باالنار فيه
ريم تطلع لسانه من بعيد تبي تقهر بدر
بدر :والله لو تبيعه ان انتحر
ياسر وهو يسحب المفتاح منه:روح اقرب عماره وانتحر ماعاد فيه دباب من زمان وانا متحملك وداري عن تفحيط باالشوارع والكل يشتكي وانا صابر بس لحد هنا يكفي
بدرعينه على ريم اللي تزيد عليه بحركاتها اللي تقهره قرب عندها بضيق ومسك رجلها بقووه وهي تصرخ
ياسر:بدرررررر
طلع بدر بسرعه من البيت وهو زعلان

الساعه 11 الليل ...في بيت ام ياسر

ريم جالسه تحت ممنوع ترقى لفوق بسبب رجلها دخل ياسر وبيده العكاز اللي جابها لريم
ام ياسر : الله يعطيك العافيه ياوليدي
ياسر وهو يجلس : يله خذي هاالعكاز ياالعجوز هههه
ريم تعطيه نظره : قاتل الله الشماته هذا وانا اختك الغاليه وتقول كذا اجل ايش يقولون الحساد فيني تأشر على بدر
بدر ضايق ولاكلم احد معترض على الدباب مطنش الجميع وعينه على البلاك
دخلت ندى اللي من الظهر بغرفتها واجبرتها امها تنزل تحت
ياسر يرحب فيها بصوت عالي:هللااااا بالغاليه هلا باللي لها فقده اليووم
ندى تحط يدها على فمها :ريييم
ريم تمثل انها تصيح على حالهااا
ندى :يوه ايش جاك امي تقول انها ملفوفه رجلك ماتوقعت كذا
ياسر وهو يضحك :ماعليك منها حصان هذي بعد كم يوم تشوفينها تنطط
ريم ترفع عكازه وتضرب به رجل ياسر:قول ماشاءالله ياالسخيف

ندى تجلس وباين على وجهها ان بكت كثير : قولي لي السالفه باالتفصيل
ريم :ماعندي تفصيل عندي جاهز وبس
ياسر :هاها ياسمجك ياشيخه
بدر يوقف :يوووه ازعااج
ريم ترفع عينها عليه:خير ياابو الشباب علشان ماحد عطاك وجه وراضاك معصب
بدر :انقلعي عني ليتني مكمل وكاسر لسانك لك
ريم بصوت عالي:يامال الكسر في رجلينك الثنتين
ياسر :بس بس ياالعجيز يااعليك ادعيه جااهزه ماشاءالله اتركيه ضايق لاتردين عليه
ريم فيها العبره : النذل حرمني اتهنى مثل الناس باالعطله
بدر رجع يطل براسه يقهرها:حتى الشرقيه ماراح تروحين لها ها ها هااااي

ياسر :معليش ياريم ولاتزعلين علينا تراني طالع وياندى وبدر الشرقيه
ريم بصراخ:والله لااروح لو اني ازحف على بطني

ام ياسرتدخل وبيدها العشاء :بس ياياسر لاتضايق اختك
ياسر: يمه تفاهمي وياها هههه
ام ياسر :تعال تعشى وراك سفر الصبح
قامت ندى وياسر يتعشون
اخذت ام ياسر عشاء بصحن وحطته لريم :يله حبيبتي كلي علشان تتقوى عظامك
ريم :ماابي
ياسر : ماينفعك العناد انا رايحين رايحين
ريم تصيح مثل الصغار واخوانها يضحكون عليهااا ...

ساره يدها على خدهاا تطالع عهد وجهها مصفر وشاحب نايمه بعد مااخذت المهدء وتتذكر كلامها مع سامي راح اسميه سامي وسامي يقول اسميها عهد ابتسمت بحزن وهي تتكلم بداخلها لاسامي وعهد رجعوا لبعض ولا عهد وسامي انولدوا مسحت دموعهاا على هاالكلمه وهي تشوف عهد تفتح عيونهاا قربت عندهاا وهي تلمس شعرهااا وتبتسم لهاا رفعت عهد يدها ومسكتها ساره عهد بتعب :سامي ؟
ساره :هدي ياقلبي
دخلت الدكتوره وبيدها عصير البرتقال
رفضت عهد تشربه وساره تحاول فيهاا ...حتى شربت قليل منه وبعد ساعه سمحت لها الدكتوره تطلع ...
وشددت عليها ترتاح كثير

الاربعااء ..الساعه 7 الصباح ...
قامت ندى تفتح شباك الغرفه خذت نفس بطيئ حتى تغير من نفسيتهاا مشاعرها بارده تجاه وليد لاكن تحس بأنكسار بقلبها انها تشيل اسم مطلقه وهي في هاالعمر حاولت تغير مودها شوي جهزت ملابسها بالشنطه وطلعت تصحي ياسر وبدر وتنزل تصلح فطور
ريم سهرانه على فراشها عند التلفزيون بالصاله :من اللي في المطبخ..؟
ندى تسمع ريم:ندى
صلحت الفطور وطلعت لريم ..
ندى:سهرانه
ريم:ليش قايمه مبكر
ندى :علشان بنمشي للشرقيه
ريم : الله يسامحكم
ندى : هههه خلاص ياسر واعدك ياخذ اجازه يوديك مره ثانيه مايهون علينا زعلك
دخل ياسر :صباح الخير جهزتي اغراضك
ندى :اي خلصت
ياسر يجلس على الطاوله :نادي بدر
ندى :خلاص جاي الحين
بعد نص ساعه الكل جاهز وريم مقهوره خصوصا من بدر اللي تسبب عليها وفي الاخير هو اللي تهنى
ياسر:يله يمه تامرين شي
ام ياسر:لاياحبيبي لاتسرع واذا وصلت دق علي
ياسر:ريم تبين شي نجيبه لك
ريم بضيق: لا
بدر: يمه سامحينا شكلنا ماراح نرجع لك من عين ريم
ريم رفعت عكازه وضربت راسه
ياسر :دواك ياالحبيب يله قدام قبل لاتكمل علينا كلنا بهاالعكازههه

مسك العسكري يد سامي بعد ماعطاه خبر بزياره توقع احد من اهله مشى حتى وصل لغرفه الضابط اللي بااخر الممر
طلال جالس بعد مااخذ الاذن بزياره سامي قبل لايتم عليه الحكم وقف وهو يطالع سامي الواقف عند الباب وبجنبه العسكري
سامي متفاجأ بوجود طلال طالع في وجه بنظرا عتاب وحقد بنفس الوقت
طلال يقرب من سامي حتى وقف قباله :سامي
سامي واقف بهدوء وعينه عليه
طلال نزل راسه وبرجاء:طلبتك ياسامي سامحني طلبتك
سامي ساكت وفي قلبه شي اكبر من انه يسامحه
طلال :ادري ان كل اللي فيك بسببي لاكن ابيك تسامحني وانا اعترفت بكل شي للشرطه وخبرتهم انك بريئ وانا اللي تسببت عليك انا تبت ياسامي من كل شي عسى ربي يغفر لي لاكن ماهان علي اموت وانت ماسامحتني
سامي ركز نظراته اكثر وبعدها نطق بجديه وهو يعطيه ظهره بيطلع : الله لايسامحك ولايحللك ياطلال عيشتني بذل واهانه وهم وتبي اسامحك بهاالسهوله فرقتني عن هلي واحبابي ودراستي وضيعت مستقبلي ايش يفيد لو سامحتك بتطلعني من هنا بيفرجون علي مايفيد اي شي
طلال مشى بخطوه يحاول يمسك سامي لاكن اسرع سامي وطلع وخلاه وراه لعله يذوق ماذاقه ...

العصر... طلع سعود من الشقه فقد الامل ان منار ترجع طلع للبيت يتجهز بعدها اتجه لريم
وقف عند الباب يرن الجرس طلعت ام ياسر له دخل وهو يحب راسها (ياسر اعطاه خبر عن ريم واعطى امه خبر ان سعود راح يجي يطمن على ريم ..)
سعود:شخبارك خاله
ام ياسر:هلا الله يحييك زارتنا البركه والله.. ادخل ياولدي مافي احد هنا
دخل سعود الصاله وبيده قاتوه وورده حمراء جوري...

وقف سعود وهو يطالع ريم جالسه على الكنب وباين عليها المملل عارف انها متضايقه من ياسر اللي راحوا وخلوها
(ابتسم لها )
ريم طالعته بنظرات فييها خوف ووربكه من وجوده ولاحول لها ولاقوه حتى تطلع مافي مفر منه هاالمره
(حط القاتوه على الطاوله ووتقدم لها )
ريم حاولت توقف وتطلع ماتتحمل وجوده ابد
سعود يضحك على شكلها وهي تبي توقف ولاقدرت:مافي مفر ابد ابد ههههه انا بروح احب راس بدر قدر يربطك لي
بلعت ريقها جتها العبره رفعت صوتها تنادي على امها
جلس بجنبها وحط يده على فمهااا وهو يضحك : امك متعاونه معي هالمره هههه
ريم تطالع سعود كان لابس قميص كاروهات سماوي وبني وبنطلون بني ومرفع اكمامه وعطره مالي المكان حست باالبروده بااطراف اصابعها
رفعت يدها وهي تنتفض تسحب يده من فمها بعصبيه
مسك يدها سعود :الحمدالله على السلامه يادلوعتي ماتشوفين شر
لفت راسها للجهه الثانيه تتجاهله
سعود وهو يمد يده على رجلها يتطمن عليها
ريم رفعت العكاز بخوف :بعد عني
سعود :ههههههههههه والله ياسر مخوفني من عكازك يقول صاير سلاحك هااليومين
ريم :قوم اطلع من هناااا
سعود : لا يا قمر جالس جالس الله لايعوق بشر
ريم بضعف: سعود
سعود فز قلبه وريم تناديه قرب اكثر لها:ياحلو اسمي من منطقك
ريم بهدوء: اطلع من حياااتي ماعرفت الراحه من عرفتك
سعود مصدووم وهو يسمع هاالكلام :ريم وانا ماعرفت الحياه الابوجودك
ريم تسحب رجلها تحاول توقف
سعود يمسكها :ريوم لاتتعبين نفسك انا جاي اتكلم معك كلام وراح اطلع من البيت ولو تبين من حياتك طلعت بس اسمعيني
ريم تجلس وهي ساكته
سعود بهدوء : ريم لو ترضين علي والله احط زواجي اليوم قبل بكره من الفرحه صدقيني انا اسف على كل اللي سويته غلطت وكل انسان يغلط ويلعب بعقله الشيطان كنت اتسلى وماتوقعت اني انا بروح ضحيه هااللعبه بس انا الحين بطلت كل شي حتى ربعي تركتهم كلهم ولاعاد اخاوي الاالطيبين اذا كنت شاكه فيني اني اخونك مع احد ثاني فأقولك ماكانت لي علاقه مع اي بنت ولاعمري حبيت احد اصلا ماعرفت الحب الامنك اما اني انا اللي جبتك للاستراحه فأحلف لك باالمصحف
اني مالي ذنب هو كل من حاتم اللي جالس افضفض له لاكن هالخاين سوى هالشي من وراي انا لو اي احد بمكاني راح يسوي اللي يبي معك لاكن خوفي من ربي يمنعني وهذا انا رجعتك للبيت بدون لااتعرض لك ريم وين القى زيك بنت متربيه جلست ايام وانا احاول اكلمك ولااكلمتيني انت اللي اوثق فيك من بين كل البنات ماخنتي ربك ولاخنتي هلك دخلتي قلبي ولاصرت احبك وبس اعشقك اعشقك ياريم
ريم تسمع الكلام وعينها على الارض
سعود :ريم ردي علي لاتعذبيني بسكوتك
حست ان عقلها متشتت موقادره تستوعب اللي جالس يقوله
سعود يلف خدهاا :ريم ..
ريم تبعد راسها محتاجه تسترجع اللي قاله وتجلس مع نفسها :خليني بحااالي روووح عني
سعود بحزن :حتى بعد اللي قلته ياريم؟؟ ..
جلسوا دقايق ساكتين وبعدها حس انه فقد الامل وقف سعود :ريم ابيك ترتاحين بحياتك كلها
مشى يطلع وقلبه يبكي انها مقرره تتركه مع ان كل شي قاله لها ...كانت خطواته خفيفه وبطيئه للباب متعمد يتمنى تناديه وتقول سعود وقف انا ابيك لاتتركني..!!
لاكن خاب ظنه لف راسه عليها وهي تمسح دموعها ماقدر يطلع بدون حتى مايودعها راح يسوي اللي يرضيها ويتركها بس يشبع منها في اخر لحظاته معها ...اسرع بخطواته لهااا وجلس على الكنب يضمها بقوووه وهو ساااكت
ريم تبكي في حضنه ماتدري حست شعور جديد انولد تجاه سعود مدت يدها له من غير شعور وضمته لها اكثر ...
سعود انصدم ان ريم تضمه كذا رفعها من حضنه بسرعه وهو يطالعها يدور اي ملامح تدل انها موافقه عليه لاكن مالقى الا صد وجهها
:ريم ..؟
ريم بعصبيه:ابي اجلس لحالي روح من هنا
سعود حس ان اللي صار من شوي يتخيل له طالعها دقايق وريم معطته ظهرها وقف :ريم راح يصير اللي يرضيك بعد اياام ..
طلع من البيت...وهو يرفع راسه يشم هواء حس بخنقه على صدره ركب السياره وفتح الشبابيك كلها وهو مسرع على طريق ولايدري وين يرووح
بس يطلع من الرياااض كلهااااااا

هديل تدق على ابوها ومقفل جواله دقت على راشد رفعت السماعه لاذنها تتظر الرد
:الو
هديل :راشد
راشد:مين معي..؟
هديل:هديل
راشد:هلا هديل
هديل: ليش ماترد ؟
راشد: ادق على جوال امي مقفل
هديل :كنت ادق عليك من الرقم هذا
راشد:معليش هديل ماارد على الارقام الغريبه دايم
هديل : راشد متى تجي محتاجينك؟
راشد:حاولت ابكر وقت رجعتي ان شاءالله جايكم قريب
هديل خبت عليه كل شي حتى يرجع :خلاص انتظرك
صكرت منه وراحت لعهد اللي منسدحه على الكنب ..
هديل :عهوده محتاجه شي ..؟
عهد تطالعه ببرود وتهز راسها بلا
لفت هديل ظهر بتطلع على الدرج ..عهد تنادي عليها
هديل تنزل وتقرب عندها:نعم عهد
عهد :خليك قريبه هنا امي محتاجه لك
هديل تطالع غرفه امها وهي تتنهد وبعدها جلست

بعد يومين في بيت ام اياسر يوم الجمعــــه
ريم ..ماتدري ليــش هاالتنـآقض اللي فيهاا تضارب مشاعر بداخلها تحس قلبها بدآ يميل له وعقلها يخوفهـآ رفعت جوالهاا وهي تنتظر منه اي رسـآله لو حتى دقه لاكن من طلع يوم الاربعاء ماله حس حست انها فقدت ازعاجه بالجوال ومسجاته محتـآجه وجود ندى بجنبها حتى تكلمها بكل شي خبت عليهـآ :يمــه
ام ياسر :لبيه
ريم:كم باقي ساعه ويوصلون اخواني طفشت من حآلي ..
ام ياسر :خلاص بيجون الحين
دق جوآلها برساله ريم لفت راسها بسرعه ظنته من سعود لاكن كانت من ساره انها راح تزورها اليوم ..
حطت يدها على خدها وهي تطالع امها اللي تخيط
:يمه..ابوي كان يحبك قبل لايتزوجك
ام ياسر رفعت راسها مستغربه سؤالها: ليش تسألين
ريم :بس كذا ابي اعرف
ام ياسر:لا طلبني من بيت هلي والحب يجي بعد الزواج
سمعت الباب ينفتح لفت راسها وهي تشوف بدر داخل
بدر يحب راس امه :والله يايمه فاتكم ونااسه احسن سفره بحياتي وناااسه وناااسه(متعمد يقهر ريم)
ريم تطالعه نص عين:والله الوناسه اني جالسه البيت بدون ماشوف وجهك
بدر يضحك ويقرب يسلم عليها وبعدها دخل ياسر وندى ورجع للبيت الحياه من جديد...

حرك الملعقه على المكرونه وهو سرحان مزاجه من يومين مورايق ابد قرر يبعد عن ريم هاالفتره اذا يقدر وبعدها يكلم ياسر ينفصل عن اخته ضغط على قلبه حط في باله يمكن السفر يخفف عليه ويقدر يتناساها بعدها رفع راسه وهو ياخذ نفس
سعود:يبه ابطلع لابها مع اهلي
لمياء تحط الملعقه وهي فرحانه
ابو يوسف : خلاص مدام العمال جو خذهم ووسفرهم
عفاف:نبي كندا
سعود: مع زوجك ان شاءالله
لمياء:انا ابي ماليزيا ماابي ابها ولاتبي تودي ريم لها ..
سعود دق قلبه بطاري ريم طالعها بنظره بارده كأنه جرحته بلع ريقه وهو يوقف
عفاف: طيب متى سعود
سعود يتهرب مايبي يبان شي بوجهه :رايح ادور حجز باالمطار اذا نقدر اليوم بس رجاااء ماابي خالتي تطلع معنا ...

المغرب ساره وريم وندى مجتمعين
ندى بحزن: وكيفها عهد الحين
ساره : متحمله وصابره
ندى :ساره تروحين لعمتي..؟
ريم تضايقت : ندى صكري الموضوع جالسين ننبسط
ندى اعطتها نظره ورجعت تكمل سؤالها لساره
ساره: صحتها بدت تتحسن
ريم تقطع السالفه:ساره اشربي قهوتك حبيبتي
دقايق دخل ياسر وهو مايدري بوجود ساره
ندى :يااسر سااره.
ياسر بدون شعور لف وجهه عليها وهو يطالعها
ساره انحرجت وخبت راسها وراء ريم
طلع ياسر وهو يبتسم بداخله بفرحه
ريم تسحب شعر ساره من وراها :خلاص راح
ساره خدودها حمراء قامت تعدل جلستها
ريم تضحك:هذي نعتبرها شوفه شرعيه
ساره : دبه..
ريم :ههه لايقين على بعض ياحبوبه
ساره تغير الموضوع وهي منحرجه ...

جاااسم انتهى من مناقشته واخذ ممتازه حس بفرحه تملي عليه بهاالعالم حط ملابسه باالشنطه حتى يتجه للمطار للسعوديه ماخبر اهله انه راح يجي اليوم خلاها مفاجأه
سامر :خلصت .؟
جااسم:يله نطلع
ركب معه للسياره بأتجاه المطار
سامر:جاسم شوف من ورانا
جاسم يلف راسه وهو يشوف ديم :شكلها جايه معي للسعوديه بعد ههه
سامر ابتسم بحزن وسكت فتره بعدها سأل جاسم بأستفسار ::جاسم ماتحس قلبك يميل لها
جاسم: باالاول لاكن الحين ماتعني لي اي شي
سكت سامر وهو يتنهد
جاسم:ايش فيك
سامر : جاسم ماادري ليش هالبنت تشدني
جاسم ضحك بقوه:لايكون طحت في حبها
سامر :حذرتك وانا اللي شكلي رحت فيها
جاسم بجديه:يارجال من جدك ..؟
سامر :ماادري ايش مشاعري تجاه ديم لاكن تلفت انتباهي في كل مره وصاير تجي في بالي
جاسم سكت مستغرب:كيف تميل لها وهي قلبها عند احد غيرك
سكت سامر ولارد عليه حتى نزل للمطار دقايق وسمعوا ان الطياره راح تقلع
وقف سامر وبجنبه جاسم وهو بيمشون تجاه الطياره
:جاااااااااااسم
جاسم لف ظهر يطالع من اللي يناديه لكن انصدم بديم اللي نطت عليه وهي تحضنه بقوه وتصيح
سامر طالع ديم بنظرات ماقدر يفسرها جاسم
انحرج جاسم من ديم مد يده بخفيف يبعدها عنه لاكن تمسكت فيه اكثر:بحبك ماترووح ياجااسم راح اموت نفسي ازا بتروح من هون
احتار جاسم
سامر بضيق:جااسم راح تفوت الطياره عليناا
جاسم سحب ديم بقوه وهو يطالعها تبكي بقوه وشعرها على وجهها حرك رجله وبعد عنها وهو يمشي بأتجاه الطياره
ديم تطالعه بحزن طاحت منهاره على الارض تصيح بين الناس بصمت جاسم كمل طريق اما سامر وقف يطالعها من بعيد بعدها ركب الطياره ..

ريم قالت كل شي كان هم على قلبها لندى بعد ماطلعت ساره حست مثل الجبل انزاح عليها وهي بحضن ندى اللي تهديهاا
ندى :خلاص ياريم ابدي حياه جديده معه وين تلاقي واحد زي قلبه بهاالزمن
ريم تشهق:محتاره احس فقدته هااليومين احس بتناقض بداخلي مره ابيه ومليون مابيه
ندى :هذا خوف طبيعي حاولي تهدين من نفسك حبيبتي وخذي القرار بهدوء انا لو مكانك وافقت عليه وتمنيته بقربي
ياسر دخل عليهم :ريم ايش فيك
ندى تصرف : مافي شي
ياسر:والدموع ؟
ندى : تذكرت شي وجلست تبكي
ياسر :اممم نمشيها هاالمره ..
ريم تمد يدها على المناديل وتمسح دموعها
ندى :ياسر تصدق عهد حبيبيتي سقطت
ياسر بصدمه:هااا؟
ندى : الجنين مات
ياسر يطالع ندى وهو ساكت
ندى :الله يكون بعونها وبعون سامي والله رحمتها باالحيل خليني اروح لهم اشوف عمتى وعهد
ياسر وقف وكلمه ندى تتردد في باله وهو يطالعها والصدمه باين على وجهه
ندى :شفيك
طلع ياسر بدون مايرد عليها
ندى بأستغراب:ايش فيه انقلب وجهه..؟
ريم : يمكن علشان سامي صاحبه وشايل همه ...

عجز الطب يعالج حاله خالد او حتى يعرف ايش فيه اخر حل لهم انه يمكن مصدوم من شي قوي اثر عليه سمحوا له باالخروج في ظل بيئه مريحه ولايتعرض لاي مشكله ابد بعد مادخل للبيت خصصت له سمر غرفه تحت صحيه فيه علاجاته والاشياء اللي يحتاجه مع ممرضتين ينتبهون عليه ويقمون بعلاجه تطمنت على كل شي قربت عند خد خالد لازم تعامله احسن معامله مثل ماقال لها الدكتور باست مع خده وهي تبتسم
خالد يطالعها ...طالعته بعده بنظرات حزن ماقدرت تخفيها وطلعت لغرفتها تبدل لبسها
وترتاح شوي انقهرت من ابوها اللي ماجاء يزوره حتى محمد تحس انه مايهمه خالد كثير تلحفت وهي ترفع شعرها بيدينها بكره راح تقول لدلال يمكن لاشافها يتحسن شوي تذكرت انها زاعلته قبل لايصير له شي لاكن جلس يضحك معها وهي شاركته باالفلم المها راسها من التفكير بعدها نامت من بين افكارهاا.....

بولايه فلوريدا جلس على حضنها وتلاعبه بحنااان :توتو يله حبيبي علشان تصير كبير زي بابا
تركي يفتح فمه وياكل
ماريا تطالعه بحب :ياحبيبي والله بطل انت
دخل فارس وهو يشوف ماريا منسجمه مع تركي ابتسم بحزن وهو يتمنى ان هاالشي بيده ويملي عليها البيت اولاد منه وبنات
جلس بجنبهاا :كيف توتو اليوم
ماريا :اهلين حبيبي متى رجعت
فارس :لسى حياتي مشتاق لك ولتركي
ماريا تشيل تركي :يله حبيبي بووس بابا
فارس :يضمه وهو يحاول يضحكه ..ويدعي ربه مايحرمه منهم

منار جالسه على الارض ظنت ان فرحتها راح تدوم بعد ماسوت اللي يملي عليها ضميرها بخالد لاكن تظل تحس باالحزن بداخلها وهي تتذكر تركي
تمنت تعرف عنه هو الحين مرتاح ولا عايش مثل امه رفعت رجلها وهي تسمع صوت الهدووء وتطالع في فراغ فكرت وين تروح بعد ماتطلع لاكن ماتدري ؟؟
حست باالجوع من زمان مادخل الاكل للبيت تعيش على المويه وبس نزلت للمطبخ لاكن كل شي فاضي
طلعت منه وراحت تكمل شغلها لعلها العجوز ترحمها وتجيب شي يهدي جوعها

الساعه 9..الليل
ريم جالسه بين اهلها وهي قلبها على الجوال
ياسر جالس وهو مو معهم ..
ندى وام ياسر يسالفون مع بعض
بدر نايم على الكنب ...
قطع عليهم الجوو صوت الجرس ...
ندى:غريبه من الجاي الحين..
ياسر وقف وطلع يفتح الباب ...

جاسم ينتظر احد يفتح الباب وكله شوق انفتح الباب وظهر له ياسر
ياسر يطالعه وهو متفاجأ:جسوووم قرب عند يضمه :ايش هاالمفاجأه ياالغالي الحمدالله على السلامه
ندى تسمع صوت ياسر العالي فزت واتجهت للباب وهي تطالع جاسم بصدمه صرخت تنادي على امها:يمـــآآآآآآآآآآه جأأأأأأأسم جااااء ..
قام بدر يركض وام ياسر وراه وريم وقفت حست ان رجلها تحسنت وبكره راح تطلع للمستشفى الكسر بسيط والتم بسرعه

جاسم يحب راس امه ويبوس يدها ويضمه له :والله مشتااق لك ياالغاليه
ام ياسر تصيح:وليش ماقلت لنا انك بتجي
جاسم:اسوي لكم مفاجأه
ام ياسر :ادخل ياحبيبي نورت البيت
ريم تطالع جاسم بشووق
جاسم يسلم عليها:يوه يوه ايش صار لك بسم الله عليك
ياسر :طايحه من الدباب
جاسم:ماتشوفين شر ريووم
ريم بفرح كبير:الشر مايجيك والله فرحتنا بهاالطله احسن مفاجأه
جلس معهم بفرحه وهويتطمن عليهم واحد واحد ...

سمر فزت من النووم مرتاعه طالعت الساعه وتضايقت انها نامت كل هاالفتره ولانزلت تتطمن على خالد نزلت بسرعه ودخلت عليه
قربت بهدوء وهي تطالعه مفتح وعينه على السقف سألت الممرضه اذا نام قالت من طلع وهو مانام جلست جنبه ويدها على راسه
خالد يحس انه زي الحلم وان احد يرميه من الجبل عشر مرات ماحس بوجود سمر رغم انه صاحي لاكن مرات يدخل بحلم يتعذب فيه قلبه يبكي بأسبابه رجع لوعيه وهو يشوف سمر كأنه يطلبها تساعده تحس فيه تنقذه من اللي هو فيه..
سمر سرحانه وهي تحرك شعر راسه وبالها بعيد موحاسه فيه ابد انه جالس يموت بين يدها حتى النوم ماذاقه...

الساعه 2 الليل قامت منار من الحلم وهي مرتاعه جلست وهي تتلفت كأنها تدور احد حلمت بثعابين وكلابه يلحقونها وصراخ خالد كان حزين باالمره خذت نفس تطرد الخوف منها قامت وفتحت الشباك وطلعت راسها وهي تتنفس بقوه وقلبها يدق حست انها هدت بعد دقايق صكرت الشباك ورجعت لسريرهاا تكمل نومهاا...

الساعه عشر الصبح .... طلعت ريم من المستشفى بعد مافكت اللي برجلها اصرت ان جاسم يوديها هو .
بعدهاا رجعت للبيت تنام شوي قبل لايأذن الظهر ...
رمت شنطتها باالغرفه:وه اخيرا امشي بطلاقه دخلت تاخذ شاور وبعدها ارتاحت على السرير مدت يدها على جوالهاا مافي اتصال ولامكالمه حست بضيق محتاجه مسج منه يمكن بعدها تقدر تاخذ قرارها انقلبت على جنب وهي تفكر (الجو هادي وانا مشتاقه لازعااجه..رفعت الجوال وسجلت اسمه اول كان بدون اسم كتبت سعود تأملت اسمه وهي تكرره بداخله بعدها غمضت عينها تستعد للنوم ...

رجع ياسر من الدوام وقبل لايدخل البيت شاف حمد قرب عنده يسلم عليه
حمد:توني جاي من سامي
ياسر:خبرته عن زوجته
حمد:اي
ياسر بضيق:ايش اخباره
حمد:تضايق كثير لاكن مافي يده الا الصبر سالني اذا ابوها عندها قلت تقول ساره من كم يوم مقفل جواله طلب مني اني اقولك تجيه زياره قريب
ياسر عرف ايش يبي منه سامي :خلاص ابجيه قريب ان شاءالله يله يالحبيب استئذنك ...

في بيت ام راشد ....الظهر
هديل جالسه عند راس امها تشربها علاجهاا
ام راشد تحاول تنطق حتى قدرت تنادي هديل
هديل بصدمه طاح الكيس من يدها تطالع امها اللي تكلمت :يمه..؟
ام راشد:وين عهد من امس ماشفتها
هديل تفتح عينها :يمه تتكلمين قامت بسرررعه لعهد
:عهد عهد امي نطقت والله بأذني سمعتها...
عهد:ها..؟ امي وقفت بتعب وركضت وراها تجااه امهاا...وهي بداخله فرحااانه ...

جاسم يسولف مع امه وهو مافصخ شماغه مايبي تنتبه للسماعه اللي بأذنه ..
ام ياسر: رفعت راسي ياولدي مابقى الا العروس تفرحني فيك
جاسم :لا خلاص مقرر اتزوج اول مااجي
ريم : احم احم
جاسم :ايه مب انتي لحالك تتزوجين وبس
ريم سكتت ولاردت عليه
ام ياسر : ابشر ياوليدي ادور لك العروس بنفسي عندي وحده تسوى البنات كلهم
دخل ياسر وسلم بعدها جلس ..
جاسم : من هي يمه ..؟
ام ياسر: ومن غيرها ساره بنت حلال ومزيونه
ياسر فز بطاري ساره :ايش فيها
ريم غمضت عينها ماتبي تشوف الصدمه بوجه ياسر ..
ام ياسر : نخطب جاسم لساره
ياسر فتح عيونه يطالع امه وهو مصدوووم ....؟؟؟

البارت 20..||
تدري وش اللي مصبر قلبي في
بعدكـ ؟!

إحساس في قلبي يقول : أني على
بالـكـ

جاسم يحاول يتذكر ساره: ايييه ساره والله لي الشرف
ام ياسر وفرحتها باينه على وجهها: خلاص اكلم امها باالموضوع
ريم وياسر ساكتين بدون اي تعليق ..لف جاسم راسه ببرائه: ياسر ماعندك نيه تخطب ونحط زواجنا بيوم ..
ريم ركزت نظراتها على ياسر حست الضيق على وجهه لاكن مستحيل تقول شي وهو اللي حذرها ماتقول لاحد بعدها نزلت راسها تضغط بجواله تتهرب من الموقف ...
ياسر عينه على الارض وهو نفسه يرمي نفسه على اخوه ويخنقه بيده :مابعد لقيت اللي تناسب لي ..
ام ياسر تتشكى:اخوك هذا جنني ماادري متى يقرر يتزوج والله نفسي اشم ريحه عياله قبل لااموت
ياسر بهدوء:الله يطول بعمرك يمه (وقف) ابروح اتقيل شوي دايخ من الشغل ..
طلع وهو يركز باالي قاعدين يقولونه لحقته ريم ومسكت يده وهو بيصعد للدرج :يااااسر!
ياسر يلف راسه بحزن :نعم
ريم تضغط على يده:ياسر تكلم قول شي
ياسر يفكر.:ريم خليني دايخ مااشوف الطريق
ريم بعصبيه:يعني شلون.ساره بتروح من يدك وانت تتفرج .؟
ياسر يفك يده منها ويطلع لغرفته وهو حاس بأنفاسه تضيق دف الباب بعصبيه وقفله وراه وقف بوسط الغرفه وهو يهز راسه وينفض كل الكلام اللي تقوله امه وجاسم حس بأعصار داخلي تعب وهو ينتظر حلمه حتى يكبر وبلحظه ينهدم ؟؟؟
ريم طقت رجلها باالارض بقهر ودخلت عند امها جلست وهي بالها عند ياسر
جاسم : ريوم متى ناويه تحددون الزواج..؟
ريم رفعت راسها وهي مرتبكه:ها ماادري تو ماحددت
جاسم :اي ادري انكم ماحددتوا متى يعني بتحددون خلاص قربنا ندخل شهر 8 وبعدها رمضان ودراسه
ريم تتحلطم بداخلها يوه منك ياجاسم القاها منك ولامن ياسر وقفت تتهرب :قريب نحدد بعدها طلعت

في ابها~
عفاف واقفه عند راس سعود النايم :من الصباح والدنيا مطر طلعنا نتمشى زهقت انا ولمياء..قوووم
سعود يرفع يده من تحت المخده ويشوف الساعه : لاتزعلين ابطلعكم الحين
عفاف وهي خايفه من رده فعل سعود: سعود ..
سعود رجع يغمض عينه :همم احد مسلطك علي اليوم
عفاف :اممم جدتي راح تجي مع سالم تصدق زعلت لما ان احنا جينا هنا ولاخذنها ويانا
سعود بضيق:اووه جدتي لو تفكني من طاري نوف كان خذتها ويانا لاكن هناك نكد وهنا بعد (رمى اللحاف على وجه عفاف وقرب عند الغساله وكلام كثير يتردد بداخله :خلاص ياسعود ريم راحت منك ليش تتضايق يعني بيصير اللي هم يبون بلع ريقه بضيق اخذ المناديل يمسح وجهه وطلع
عفاف مبوزه : ياشينك لاصرت ضايق
ووقف عند شنطته وهو يفتح سحاب بنطلونه
عفاف :هييه انت انا هنا
سعود : طيب اللبيب بالاشاره يفهم
عفاف تغمض عينها :وجع يااللي ماتستحي وطلعت بسرعه
سعود يضحك عليها غير لبسه وطلع لامه باالصاله والمفاتيح بيده:يله يمه نطلع..؟
ام يوسف :اصبر شوي تو مكلمه جدتك تقول باالمطار خليها مره وحده نطلع مع بعض

عند ام راشد
.عهد ماقدرت تمسك نفسها وهي تشوف امها :الحمدالله على السلامه يمه
ام راشد تحط يدها على شعرعهد وتنطق بصعوبه:وينك امس قلبي عورني عليك ياالغاليه..؟وليش وجهك صاير كذآ لاتتعبين نفسك يابنتي اهم شي صحه ولدك
دفنت راسها بحضن امها اكثر وتزيد من بكاها :يمه راح رااح..!!
ام راشد بأستغرب :راح ؟
هديل لفت راسها بتقوم ... صحيح شايله على امها كثير لاكن ماقدرت تنحرم من حنانها اكثر من كذا صعب عليها تواجه امها بااللي صار لعهد وهي اللي تخاف عليه اكثر من عهد نفسها
ام راشد تقرب عند اذن عهد: يابنتي شصار لايكون ؟؟!!..وبعدها سكتت كأنها عرفت
هديل لفت راسها على امها وهي تبلع عبرتها هزت راسها بمعني اي ..
ام راشد حست بضيق كبير بصدرها تحمد الله بداخله قبل لاتجزع على شي كاتبه لها تذكرت لما عهد ترفعها اكيد هي السبب سكتت وضمتها اكثر لها وهي تهديها وتصبرها واني ربي بيعوضك عشر عيال بداله..!
طلعت هديل للمطبخ تجمع الصحون على بعضها وتدخلها بمكانها وتفكيرها بعهد وحالها سمعت صوت الباب الداخلي ينفتح تركت اللي بيدها حتى تستقبل ابوهااا مشتاقه له كثير طلعت وهي تمسح يدها باالفوطه اللي على كتفها ... وقفت وهي تطالع عماااد ..
فتحت فمها بتتكلم
عماد يقرب عندها :وين امي ..؟
هديل ترجع بخوف :ايش تبي منها
عماد بعصبيه :قلت وين امي ..؟
عهد سمعت الصوت وطلعت من الغرفه للصاله فتحت عينها بقوه وهي تطالع عماااد
عماد لمح عهد من بعيد طالعها بنظرات خافت منها وركضت داخل لامها دقايق ودخل عماد ..وراها
ام راشد بتعب:ايش اللي جابك
عماد :ابي فلوس ..؟
هديل تدخل وراه وهي ماسكه قلبها لايسوي شي لعهد :امي مامعها شي
عماد:انتي اسكتي وتقلعي عن وجهي وبعدين انتي (يأشر على عهد)ماحذرتك تدخلين البيت
هديل :هي الداخله وانت الطالع
عماد لف على هديل وضربها بكف قوي
هديل تصرخ وهي تمسك خدها
عهد تمسك بيد امها بخوف
عماد:قلت طلعي لي دراهم
ام راشد :مامعي شي
عماد:مب علي تكذبين والضمان وينه
هديل تقرب وتمسك ثوبه بصراخ:اطلع ياوقح والله اكلم ابوي يجي يطردك
دفها بقوه حتى صقعت باالباب وطلع من الغرفه لغرفه امه
هديل طلعت وراه بتلحقه لاكن امها وقفتها:خليه ياخذ اللي يبي اهم شي لاتتأذون منه..
هديل توقف ويدهاعلى ظهرها تخفف الالم دارت بعينها تدور على الجوال تكلم ابوها اخذته وانتظرته يرد لاكن كان مغلق حست بقهر وجلست على الارض عند امها
عهد تطالع هديل اللي مانزلت منها ولا دمعه غبطتها على قوتها وصبرها تمنت تكون مثلها قامت وقربت عندها:ظهرك يألمك
هديل :لا لا بس اخاف ياخذ الفلوس اللي فوق ماعندنا شي غيرها هالشهر
عهد ترفع راسها وهي تتنهد:بيعوضنا ربي
نزل عماد بعد مااخذ الفلوس كلها وصكر باب الشارع بقوه ...
هديل قامت من غير شعور تركض على الدرج حتى وصلت للصندوق فتحته وانصدمت ان كل شي اخذه دفت الصندوق على الارض بقهر: الله ياخذك يامجرم.قامت وهي تتذكر ان امها خلص علاجها ومفكره تشتريه لها اليوم و نزلت تحت مصره ان تكرر اتصالها بأبوها. او تروح لبيته..

بواشنطن..
سمر:يله خالد حبيبي علشان خاطري
خالد الكاس على شفايفه عاجز يفتحها حس بيد سمر تحاول تشربه و شرب شوي
الممرضات حوله مبسوطات انه يشرب كان معتمد على المغذي وبس ..
فرحت كثير بعد ماخلص كاس العصير حست انه تحسن اليوم اعطت الممرضه الكاس وباست يد خالد بفرحه وابتسامه كأنها ام بتشجع طفلها
بعدها قامت تطلع ؟.. فجأه وقفت بخوف على صرخه الممرضات التفت بسرعه على خالد وانصدمت باالدم اللي يطلع من فمه وينتشر على ملابسه مثل النزيف .. اهتزت شفايفها بخوف على خالد اسرعت له والممرضات يحاولون يساعدونه
سمر :خالد ايش فيك ؟
خالد وجه تلون لون اسود حاس ان روحه راح تطلع وبدت تطلع اصوات غريبه منه كأنه صوت واحد مخنوق ويتكلم
سمر تصرخ على الممرضات يسوون اي شي ؟؟
الممرضه سحبت التلفون و اتصلت على الدكتور المشرف على علاجه انه يجي بأسرع وقت
ربع ساعه والدكتور وصل دخل وطلب من سمر ترتاح بعد اذنها باالغرفه الجانبيه حتى ينهي فحصه طلعت سمر تنتظره بقلق عند الباب.. دقايق وطلع الدكتور ماعرف ايش فيه باالضبط ..؟؟ كل شي يظهر له سليم كاالعاده ..طلب منها ماتعطيه اي شي وتكتفي باالمغذي بهاالفتره على الاقل..
وصلته للباب وطلع بعد ماشكرته رجعت بسرعه وهي تبي تشوفه وترتاح فتحت الغرفه كان هادي وانفاسه سريعه مسكت يده بحنان تتحسس انه طيب او لا طلبت من الممرضات يغيرون ملابسه والشرشف حتى يرتاح قربت الممرضه تنفذ اللي طلبته
سمر بعدت شوي وهي تطالعهم محتاره ايش تسوي حتى يرجع لطبيعته حاولت تتذكر اذا كان شي بشغله ضايقه او احد من اصدقائه لاكن ماتعرف احد غير واحد ونست اسمه اعطت نفسها فرصه تتذكره عجز عقلها تأففت بقهر وقررت تتصل بأبوها قريب وتطمنه على خالد دام هو مااتصل ..

ام يوسف تسلم على امها وترحب فيها وتحاول تطيب خاطرها:الحمدالله على السلامه يمه
سعود وقف ولف بظهره يسلم على جدته عبس بوجهه وهو يشوف نوف واقفه مع جدته
ام يوسف :وين امك ونوال يانوف ,,؟
نوف تجلس وعينها على سعود:امي جالسه عندها خالتي مها ونوال ماتبي تجي..
دخلت لمياء وعفاف يسلمون عليهم..سعود واقف عند الباب حاس بكتمه بوجودها اتجهه للباب بيطلع
ام يوسف:سعود وين رايح يله طالعين معك
سعود وقف وهو متنرفز ويصبر نفسه : طيب انتظركم باالسياره
ام يوسف :لمياء تعالي خذي هاالاغراض وحطيها بكيس وانتي ياعفاف خذي شنطه امي ودخليها بالغرفه
نوف استغلت الفرصه ان الكل مشغول ولازم تنفذ اللي جايه علشانه سحبت نفسها بهدوء وطلعت لبرآ ,,,
قربت عند شباك سعود تضربه بدلع وعلى وجهها ابتسامه تسحر
رفع عينه عليها وهو يشوف وجهها مثل القمر يحس هاالجمال يتجدد ويفتن اكثر
نوف بضحكه خفيفه:وين رحت افتح الباب ارركب ..
نزل عينه منها فتح القفل وهو يتمنى يضربها بكف دايم يطيح بهااالموقف معها ركبت بأزعاج وفتحت الشباك طالعته مع المرايا اللي قدام حست انه مومعها ابد
نوف: واااو الجو رومانسي مااره شي خيالي هالغيوم والمطر
سعود يسمعها وهو سااكت
نوف :سعود ..؟
سعود ببرود :همم
نوف:اعرف اماكن حلوه هنااا خليني اوصفها لك ..
سعود طنشها وفتح الباب ياخذ الاغراض من لمياء ويركبها السياره
نوف انقهرت :اووف منه غثثيييث ..
لمحت جدتها جايه بسرعه سحبت الطرحه وغطت وجهها بخوف قربت جدتها بتفتح الباب
ام يوسف تناديها عند سياره سالم :يمه تعالي وياك نركب مع سالم وخلي البنات مع سعود
فرحت نوف ماتبيها تنكد عليها ولاتاخذ راحتها ...
ركب الكل واتجهوا للمنتزه ..بعد ربع ساعه وصلوا للمكان المحدد نزلت ام يوسف وهي ماسكه يد امها تمشي بخفيف حتى جلست على الفرشه اللي فوق العشب استئذن سالم يروح مع ربعه
مدت عفاف القهوه لسعود اللي جالس معهم اخذها وهو يسمع سوالف امه وجدته بملل من دخلت جدته وموده اعتفس وزادت عليه نوف
عفاف تنادي لمياء ونوف: يله خلونا نروح نتمشى
نوف توقف:يله
الجده :سعود ..؟
سعود عارف ان جدته ماعندها الا سالفه نوف :لبيه
الجده :ماني مرتاحه الا اذا صارت نوف ام عيالك ..
سعود بداخله لاحووول على هاالنوف ابتسم وهو يحاول يهديها: مايصير خاطرك الا طيب قومي يمه نمشيك بهاالمكان جو حلو ويشرح الصدر
الجده : لاخذت بنت الاغراب لاانت ولدي ولاني اعرفك
سعود متفاجأ :يمه الله يهدديك لاتقولين هالكلام
الجده معصبه ولاردت عليه ....
سعود بخاطره (اقول اقوم اصرف لي ) قام من عندها و مشى لمسافه بعيده جلس على الكرسي رفع وجهه للسماء وقطرات المطر تجي على وجهه تأمل المكاان الشمس مختفيه بين الغيوم معطيه الجو جو شاعري تمنى ريم وياه بها اللحظه حاول يتناساها لاكن ماقدر رفع جواله وهو يتمنى منها مسج :شلون تبين اتخلى عنك يا ريم شلون تبيني اتقبل دنيتي بعد ماشفتك ليييه في كل مره انجرح منك ليييه عض على شفايفه بكل قهر وصورتها وصوره نوف وكلام جدته جاء على باله بهاااللحظه مايدري احيان يجيه امل انه على بال ريم وانه ممكن بيوم تتصل فيه لاكن يرجع يتحطم كل طال انتظاره...بعدها قاام يمشي بدون هدف لمح من بعيد نوف المبتسمه كاالعاده ومعها لمياء وعفاف احتار يروح لهم يغيرون الجو عليه حط عينه على نوف :شلون باخذ راحتي وهي معهم وقف بعيد حتى انتبهوا له
عفاف تأشر عليه من بعيد انه يجي ...قرب عندهاا
عفاف:سعود فيك شي
سعود: ايش تسوون هنا
عفاف حاسه فيه شي :نتظر دورنا بهااللعبه
سعود:ابقص تذكره وجايكم
بعد دقايق رجع سعود وهو يكلم لمياء:زحمه ماقدرت اخذ لي تذكره بنتظركم هنا
ركبت عفاف ولمياء اما نوف استئذنت بكذب انها بتروح لجدتها وراجعه ابعدت مسافه قريبه حتى اشتغلت اللعبه اخذت نفس وتقدمت لسعود اللي جالس على الكرسي قربت عنده وجلست
طالعها سعود بحزن ومازالت كلمه جدته ترن بأذنه وكمل نظرته على الرايح والجاي يحاول يتجاهل وجودها
نوف تلعب بأصابعها وبهدوء :شكلك متضايق
سعود مطنشها مثل كل مره
نوف متنرفزه:سعود ليش ماترد علي ..
سعود عطاها نظره قويه:عدلي حجابك!!
نوف بغنج :اوكي علشان خاطر عيونك اعدل (سحبت الطرحه وتغطت) بس قولي ايش مضايقك والله تصدق مايليق عليك الا خفه الدم والبسمه
وقف سعود بيمشي ...
نوف مسكته مع يده : طيب قول اي شي
سعود بدون شعور ناظر يدها الناعمه ماسكه يده
نوف ضغطت على يده كأنها تنبهه من سرحانه
رفعت يدها الثانيه تسحب الطرحه على وجهها وهي تبتسم
سعود واقف يطالعها بصمت
نوف بدلع : ماابي احد يضايقك وربي
في هااللحظه نزلت لمياء بعد ماانتهت اللعبه وتقدمت لسعود بسرعه لاكن وقفت مصدومه وهي تطالع سعود ونوف اللي كانوا واقفين ويدهم مشبوكه في بعض وكل واحد يطالع الثاني حاولت تتمالك نفسها عند الناس رجعت لوراء شوي
سعود رفع عينه للمياء الواقفه وراء سحب يده بأرتباك من نوف واتجهه لبعيد ...
نوف تناديه وهي ماانتبهت للمياء:سعوود سعوود
قربت لمياء وبصوت كله قهر :نووووف؟؟!!
نوف تلف لها بكل غرور : خيــر؟!
لمياء للحين مصدومه التفتت تدور عفاف حاسه ان ودها تهرب وقبل لاتحرك رجلها :ايش اللي شفته من تو..؟
نوف تعدل طرحتها :مالك شــغل ..!
لمياء تطالع نوف من فوق لتحت بأحتقار بعدها اتجهت لامها والموقف يتكرر عليها

قبل اذان العصر فـي بيت ام ياسر
الروايه مفتوحه وحاطتها على وجهها وهي مغمضه بعدها جلست ورمت باالروايه على الجدار بقوه ودموعها على خدهااا: السخيفه ليش تموته ليششش..؟
بعدها قامت بسرعه وجلست على الارض ورجعت تفتحها تكمل ايش اللي راح يصير
ندى تفتح الباب على ريم:بسم الله شفيك جالسه باالزاويه قربت لعندها وهي تطالع اللي بيدها عرفت انها متحمسه باالروايه:خبله الحمدالله ناقصين تزيدين عليك الهم
ريم ترفع راسها: تصدقين خيري اللي قلت لك عنه مات
ندى :ههه طيب اللي بيشوفك يقول حقيقه علميني ماارسل سعود ..؟
ريم حست كان احد حارق قلبها اخ ياندى ليش تقلبين اوجاعي مسحت دموعها وبحزن:لا ماارسل
ندى :طيب يله انزلي علشان نتغدا
ريم تهز راسها :طيب..
اخذت الروايه وحطتها باالدرج مسكت الجوال بيدها تدور اي شي من سعود لاكن مافي جديد فقدت رنته الخاصه لما كان يزعجها اشتااقت له واليوم اكثرر بعدها نزلت ..وهي تسمع الجوال يرن دخلت ترد على المتصل..ساره تذكرت اللي قالت امها عن جاسم خذت نفس وردت عليها
ساره :اهلين ريوم
ريم:هلا قلبي
ساره :ريم انا طالعه للعهد ازورها ودي تطلعين معي
ريم بضيق:من جدك ياساره تقولين هاالكلام
ساره:عهد مالها ذنب ياريم
ريم :ذنبها انها بنت اللي ماتتسمى
ساره:ريم عمتك هذا ماهما يكون
ريم:مالي الشرف تكون لي عمه كذا ولاسمحتي ياساره لاتجيبين سيرتها لي مره ثانيه
ساره:خلاص عاد لاتزعلين نفسك اسفين ياالحبيبه ..
صحى ياسر من النوم وهو يحس طاقته معدومه يتمنى يحط راسه مره ثانيه ولاعاد يقوم قام وهو يتعوذ من الشيطان على التفكير اللي يوديه ويجيبه مانام الادقايق عجز ينوم مرتاح مثل الناس وهو انحط بموقفين مثل كذا فرش اسنانه ولبس لف عينه على عطره وهو ماله خلق يتعطر حاس نفسه كاره الحياه واليأس صاير ضيف ثقيل عليه..عدل شماغه عند المرايا ونزل يتغدا دخل بدون مايسلم سحب الكرسي وجلس بدون مايكلم احد ولاحتى يحط عينه بعين جاسم طالع الساعه اذا يقدر يلحق على زياره سامي
ندى :يمه خليني ازور عمتي واتطمن عليها وعلى عهد..؟
الكل رفع عينه عليهااا ..
ريم بضيق :وبعدين معك انتي ..
ندى بثقه:ماقلت شي غلط تعبانه ونبي نتطمن عليها
جاسم اللي عرف كل شي : خلاص اوديك لها
ام ياسرتوقف بعصبيه: اذا مت وحطوني بقبري ذاك الحين خذ اختك لها
جاسم تضايق من كلام امه :بعيد الشر عنك يمه
ياسر مستغرب من اخوه انه عادي عنده ولاكأن عمته اللي قاتله ابوه ايش هاالقلب اللي يسامح لهاالدرجه انسدت نفسه من الاكل حط الملعقه بضيق وقاام يطلع لسامي

ناظرت منار الارض بخوف لايجي احد يمسك رجلها مثل المره اللي راحت رفعت رجلها على الكنب وتربعت بعدها رجعت تكمل الفلم تطالعه وتتذكر كل شي مع خالد كأن البطله تكرر لحظاتها الحلووه حست نفسها انها منسجمه باالفلم رفعت راسها تتأفف ماابي احن لك ياخالد ابي انساك وانسى ايامك .. اخذت الريموت وقفلت التلفزيون وهي تحاول تبعد هاالافكار حتى تذكرت الموقف اللي تحاول تتناساه
زاد نفسها بقوه وهي تمسك راسها مجرد مايمر هاالموقف تنهار تحس باالضعف باالنهايه بكل شي قاسي بهاالدنيا حاولت تهدي نفسها :والله مااسامحك طول عمري خلاص اخذت حقي منك لاكن مااكتفيت ابي اشوفك قدامي وانت تتعذب ابي اضحك ابي تحس بكل دمعه انت سببها راااح تموووت وتموووت وتمووت وانت حييي قامت تمشي وهي في بالها شي لازم تسويه بأسرع وقت
دخلت لغرفه شيخه الحرمه الكبيره اللي مو موجوده باالبيت طلعت ملابس خالد من الكيس وهي تبتسم قربت من عند الجمر وجلست بهدوء على ركبتها تحاول تشعل عود الكبريت وبداخلها حقد يزيد يوم عن يوم والنار اللي بقلبها مابعد انطفت : خلاص لحد هنا انا راح انهيك ..!!
حركت الكبريت بسرعه وهي اول مره تشتغل بنفسها كانت تطالع شيخه وتعلمت منها بعض الاشياء بعد مااشتعلت النار باالجمر بدت تقرا تعويذات وتخط على الجلد بحذر .. لمحت خيال يمر من عندها حست بخوف وذكرت اسم الله بالفطره من غير ماتحس .. فجأه انقلب الجمر على رجلها بشكل مقصود من احد ..
صرخت من الالم وقفت مثل المجنونه وهي تنفض لبسها وتشيل الجمر من فوق رجلها طاح الجمر على الموكيت التفتت تدور اي شي يطفيه قبل لاتشتعل باالغرفه ركضت للمطبخ تفتح الدولاب تطلع القدر وتملاه من الماء رفعته بثقل بتجاه الغرفه لاكن النار تكبر اكثر واكثر جلست على الارض ماقدرت تتحمل الم رجلها اكثر من كذا بدت تبكي وعينها على الغرفه مرت عشر دقايق والنار تاكل اثاث الغرفه
طلعت بخوف برا عند الباب ماتقدر تطلع وين تروح قطع تفكيرها صوت فتحه الباب ركضت وهي تبكي :خاله خاله الغرفه تشتعل نار ..؟
شيخه بعصبيه :وش جالسه تقولين يابنت
منار بأستعجال:غرفتك تشب نار
اسرعت بخطواتها وهي تطالع الغرفه حتى قربت عندها بدت تقرا تعاويذ وانخمدت النار بسرعه
منار جلست على الارض تحس بثقل برجلها من الالم استغربت بأنها رجعت بسرعه رفعت عينها عليها تتطمن
شخه وعينها مليان حقد على منار وقفت عند راسها:لاتسوين شغل الكبار وانتي ماتعرفين
منار نزلت عينها باالارض بخوف كانت تظن بأنها اتقنت كل شي
بصوت عالي :احرقتي حلالي يابنيه اطلعي برا الدار ولاعاد اشوفك هنا
منار انصدمت :خاله !!
اقطعت كلامها:قلت اطلعي برا واخذي اغراضك مابي اشوفك
منار بلعت ريقها ووقفت بأستسلام مشت بخطوات بطيئه لغرفتها تفكر باللي سوته سحبت اغراضها وشيخه وراها تستعجلها قامت ووقفت :خاله وين اروح طلبتك خليني عندك لو خدامه خايفه امشي باالشارع خايفه من الناس
شيخه صدت وجهها ماتبي تسمع منها اي شي
ناظرتها منار بحزن بعدها تركت الغرفه ونزلت تحت ناظرت الغرفه اللي رجعت لوضعها بعدها لفت راسها وطلعت تمشي بالشارع بلاهدف ..

عند ياسر وسامي
سامي : ياسر انا اسوي هاالشي ابي ارتاح
ياسريرفع يده على كتف سامي يهديه وهو محتاج احد يهديه هو خلاص كل شي بيصير ضده: لاتضغط على نفسك كثير يااخوي
سامي يمسح دمعته : الزمن حدني وانا قررت هاالقرار ومااقدر ارجع فيه
ياسر يهز راسه بخفيف:خلاص ياسامي لك كل اللي يرضيك انا ابقنع امي ويصير خير
دعى بقلبه على طلال وعلى زيد اللي وصلوا به لهذي الحاله وقف وهو يتسند على الجدار :ماتقصر يااياسر ماتقصر مشى يطلع وهو وده يرمي نفسه على الارض ويطلع هاالعبره اللي خانقته
ياسر يناظر سامي يمشي بتعب عرف ان نفسيته تعبانه تكلم بينه وبين نفسه: ياصبرك ياسامي لو اني مكانك ماصبرت صبرك
.تجاهل اتصال ريم له قفل الجوال بوجهها وطلع

ريم ترجع تكلمه لاكن تقفل :اووف منك تبي ترفع ضغطي انت
قامت تمشي وهي محتااره ماتدري ايش تسوي عارفه ان ياسر مستحيل يوقف بوجهه جاسم حست بقرف من الغرفه طلعت تغيرالجو ...
ريم :ندى ايش هاالاكياس كلها..؟
ندى تسحب الكيس :ملابسي الجديده
ريم تفتح الكيس :ليش وين راح تودينها..؟
ندى :الجمعيه
ريم:حرام كلها جديده مالبستيها ولامره
ندى تنزل مع الدرج:ريم ماابي اي شي يذكرني فيه
ريم تطالع ندى بحزن :ياحبيبتي يجيك واحد احسن منه قريب
كملت ندى طريقها بدون رد
ريم حست بالقهر عليها نزلت عيونها على الارض وتذكرت سعود :معقوله راح يكون مصيري انا كذا
مسكت الجوال وبداخلها تتمنى تتصل فيه لاكن تحس بشي يردها كل مره

رجلها وصلتها للعماره ترددت تدخل مافي اي شخص راح يتقبل وجودها الا سعود
الحارس وقف لها وهو تفحصها بنظراته:هو انتي من تاني ..؟
منار سكتت ونزلت راسها بأنكسار
الحارس :يابنتي سعود جاء يدور عليكي لما علم بأنك جيتي هو انتي ليش هربتي لبعيد
منار فركت يدها بأرتباك ماتدري ايش ترد عليه
الحارس : خوذي المفتاح وانا اتصل فيه
مدت يدها وكأنها تتهرب من سؤاله اخذت المفتاح وطلعت لفوق فتحت الشقه ودخلت لغرفتها رمت اغراضها على الارض تحسست جروح الحروق اللي برجلها وهي تتحمل الالم نزلت دمعتها من شده الالم بعدها تسندت على السرير ومدت رجلها تحاول ترتاح

الحارس قرر يتصل بسعود بعدين حتى يتأكد انها ماراح تطلع من ثاني ...

||يوم الاحد...الساعه 11 الصباح في بيت ام راشد..||

عهد تنتظر هديل بخوف بالصاله حست انها تأخرت طالعت الساعه :اوووه هديل لاتزيدين فيني الخوف خبله انا يوم طاوعتك وخليتك تروحين ياربي وين عقلي؟
تطمنت على الباب ان متقفل خوف يرجع عمااد ..
فتحت شباك الصاله تطالع باب الشارع بعد ربع ساعه دخلت هديل اسرعت عهد وفتحت الباب الداخلي :هدول تأخرتي.؟!
هديل تدخل داخل بدون رد
قفلت عهد الباب وركضت وراها:هديل في شي..؟
هديل بصراخ :اي فيها مليووون شي ابوووك ترك البيت اللي هو فيه وراح وين مدري وغير كذا جواله متقفل ..؟؟
عهد بهمس:ترك البيت
هديل :من وين اجيب فلووس امي راح تموت من البارح ماكلت علاجهاا واخوك راشد مطنش اتصالتنا
ام راشد تسمع صراخ هديل وهي رافعه عيونها للسقف وبهمس :حسبي الله ونعم الوكيل حسبي الله ونعم الوكيل علليك ياابو راشد
عهد تجلس على الكنب وهي محتاره :ليش ابوي يسوي كذا
جلسوا في الصاله بهدوء وكل وحده عايشه بعالم ثاني
قطع تفكيرهم صوت ام راشد وهي تنادي هديل
ركضت هديل لامها:نعم يمه
ام راشد حاسه بتعب تحاول تتكلم لاكن مو قادره قامت هديل لعهد:عهد كيف اجيب العلاج ..؟راشد مايرد
عهد بأرتباك :خلاص اكلم ساره
هديل :لا مستحيل نمد يدنا عليهم
عهد: ايش اسوي مافي الاهذا الحل وسامي تارك لي كم قرش
هديل هزت راسها بأحراج ماتبي الناس يحسون بحاجتهم
عهد اخذت الجوال واتصلت على ساره ..

ابها...
في الشاليه سعود وعفاف يجهزون الشوي
لمياء جالسه قريب منهم خذت عفاف قطعه دجاج تذوقه لمياء
عفاف:لمياء ليش صايره كئيبه اليوم ..؟
لمياء :رجيتك ابي اجلس لحالي
عفاف:يله عاد خلي عنا الدلع وذوقي شوي من الدجاج (مدت يدها لها)
قرب سعود منهم وبيده اغراض الشوي :عفاف لمياء يله تعالوا ساعدوني
لمياء طالعته بنظرات احتقار ولفت راسها مطنشته
سعود حس عليها نزل راسه يكمل شغله وهو يفكر باالي صار مع نوف حاول يتجنبها اليوم عارف انها جريئه وهو مايدري ليش يضعف عندها
اخذت عفاف الصحن ودخلت داخل ..
ام يوسف : نوف وياكم ..؟
عفاف تطالع امها مستغربه :ليه مو معكم ..؟
ام يوسف :تو طالعه
عفاف :اتوقع طلعت للمسبح رايح لها ..اخذت الملح من الاغراض واتجهت لنوف فتحت باب اللي يطل على المسبح نوف جالسه وسرحانه موحاسه بوجود عفاف كان شعرها على وجهها وتحرك رجلها بوسط الماء عفاف تجلس بهدوء وهي تطالع نوف :نوف ..؟
نوف ارتبك ومسحت دموعها بسرعه: متى دخلتي..؟
عفاف تدف كتفها بخفيف:اللي ماخذ عقلك يتهنى به ..
نوف نزل عينه على الماء وحركت رجلها
عفاف:تعالي ويانا برا ليش جالسه هنا
نوف :اوكي دقايق وجايه
عفاف توقف وهي حاسه ان نوف صاير بينها وبين لمياء حاجه :انتظرك ..
نوف تطالع عفاف وهي تطلع وقفت تمشي على طرف المسبح فجأه تحركت رجلها بسرعه وطاحت بالمسبح كان مسافه عمقه طويله وهي ماتعرف تسبح رفعت صوتها تصرخ
عفاف تعطي سعود الملح فتحت عيونها وصوت نوف واصل لها :مب هذاا صوت نووووف..؟ ركضت بسرعه ومعها ام يوسف ودخلو للمسبح
نوف تحاول تساعد نفسها لاكن موقادره
عفاف :نووووف..؟؟
ام يوسف: روحي نادي سعود بسرعه
ركضت عفاف وهي مرتبكه:سعود سعوود بسرعه نوف بتغرق
لمياء فزت ووقفت بسرعه واتجهت لهم
وقف سعود وهو يطالع نوف ومن غير تفكير دخل للمسبح حتى قرب لها مسكها مع خصرها وشدها لصدره حتى يقدر يسبح ويوصلها للجهه الثانيه نوف ترتجف من الخوف انتبهت لسعود اللي ماسكها رفعت عينها تطالعه وهو يرفع رجلها نست الخوف ونست كل شي بس تتهنى بهاااللحظه معه تلاقت عيون سعود بعيونها حس بربكه حتى طاحت نوف من بين ايديه رجع ومسكها وهو رافع راسه ويحاول يهدي نفسه وصل للارض
ام يوسف:بسم الله عليك ياحبيبتي خفنا عليك
نوف تمنت ان مسافه المسبح اكبر من كذا حتى تتهنى بسعود اكثر قطع خيالها عفاف وهي تتطمن عليها
لمياء اكتفت باالنظرات من بعيد تطمنت ان نوف بخير وطلعت بسرعه وهي مقهوره والشكوك ماليه راسها
طلع سعود من المكان يبدل لبسه المبلل
عفاف :قومي ياقلبي لاتتعبين الجو بارد تعالي بسرعه ندخل تبدلي ملابسك
نوف توقف وهو تحاول توازن نفسها حتى قدرت ودخلت داخل
لمياء جالسه على الكنب تطالع سعود اللي يجفف شعره بعدها تجاهلته ولفت عينها على الشباك
عفاف رجعت تطمن على الشوي :اوووه الدجاج احترق ياسعوود ..
سعود يسمع عفاف مع الشباك
لمياء تتمسخر : الدجاج احترق ههه خلي بعض الناس تنفعك ..
ركز نظراته على لمياء وبداخله :لايكون ذي فاهمه الموضوع غلط
طالعها وهو يدور الاجابه من عيونها لاكن لمياء تركته وطلعت وهو يتسآئل مع نفسه

العصـــر طلعت ساره من بيت عهد بعد مااعطتها المبلغ اللي يحتاجونه واتجهت لسامي تزوره
سامي تطمن عليها وتطمن على عهد تضايق بالكلام اللي قالته ساره عن ابوعهد واخوها كانت راح تخبي عليه لاكن سامي يحلف لها تقول كل شي ولاتخبيه
سكت سامي بضيق وعرف ان قراره جاء بوقته رفع راسه :ساره
ساره:نعم
سامي : شرايك باياسر
ساره احمرت خدودها لما تذكرته وتذكرت تعليقات ريم حست ان ياسر يميل لها وهي بدت تنجذب له :ليش؟
سامي:جاوبي علي
ساره عرفت ان ياسر متكلم لسامي يبي يتقدم لها ابتسمت بحياء : ريم تمدحه دايم
سامي سكت ونزل عينه باالارض
ساره تحاول تخفي حماسها انه يقول اللي عنده
بعدها تكلم سامي بصوت حزين : ياسر راح يتزوج عهد
ساره مافهمت:ايش..؟
سامي :ساره انا جالس هنا سبع سنين ومستحيل اخلي عهد كل هاالمده مرتبطه بي تنتظرني يمكن يحكم علي باالاخير مثل غيري
قررت اطلقها وازوجها لواحد اضمن حياتها وسعادتها معه..ومافي غير ياسر اللي ارتاح له واحس بيخاف ربه فيها!!
ساره تطالع سامي وهي ساااكته وباين عليها الصدمه!!!؟؟؟
سامي بهمس:بس ماادري كيف اقول لها وخايف اخليها تجي زياره واتعلق فيها اكثر احبهها ياساره احبهاااا
ساره لحد الحين مو مستوعبه اللي قاعد يقوول ..
سامي :ساره سوي لي هالخدمه ومستحيل انساها لك... ابيك تقولين لها ...؟؟
وقفت وهي تحس بدوخه: سبع سنيييين ؟؟؟
سامي يشوف الصدمه بوجه ساره عرف ان اخوه مخبي عليها
ساره ماقدرت تتحمل ثقل رجلها طاحت على ركبتها باالارض
سامي ينزل لمستواها بخوف :ساره لاتزيدين علي
ساره :موانت مظلووووم ليش سبع سنين ليييش وبدت تصيح بصوت قطع قلب سامي
سامي :ساره محتاج لك الحين ماابيك تصرين ضدي هذا شي وانكتب علي مالنا فيه اي اعتراض
ساره بحزن وراسها منزل باالارض :بتتخلى عن عهد يا سامي ..بها السهوووله..؟
حط يده على فمها مايبي يسمع كلام زايد اللي فيه يكفي :ساره خلاص بيتم كل شي كلامك ماراح يفيد..
ساره ويد سامي على فمها طالعته وهي تفكر بداخلها سبع سنين وياسر يتزوج عهد ؟؟!!غمضت عينها ورفعت يدها بهدوء تفك يد سامي بعدها نزلت راسها :م م مستحيل اقولها مااقدر راح تموت نفسها سامي والله راح تموت نفسها لاتحرق قلبها حرام عليك ايش فيك انت ماتحس ماتحس كيف تتحمل صدمتيييين ؟
سامي ماسك يده بتوتر بعدها تكلم بجديه :اذا ماراح تقولين لها انا راح ارسل لها ورقه الطلاق ابي عهد ترتاح بهاالدنيا يكون لها سند من وين يكون لها غير ياسر رجال صالح وغير كذا بنت عمته اذا ابوها تخلى عنهم واخوهم مبهذلهم قولي لي انا ايش بيدي اسوي لها وانا محبوس بين اربع جدران من حقها تعيش مع شخص ثاني يسعدها حتى ولدي انحرمت خلاص ياساره هذا القرار فكرت فيه كثيررر وكثيير وهذا هو اللي راح يصير ..
ساره تطالع سامي اللي منفعل ويتكلم مثل الشخص المجرووح تركها وطلع يعيش بين حزنه وهمه ماقدرت تتحمل هاالصدماات تكورت على نفسها وحطت راسها على رجلها وهي تشهق حست على نفسها بعد ماتكلم العسكري وقفت وعدلت عبايتها طلعت تمشي بخطوات تايهه كأن اللي سمعته كان بحلم ..

بواشنطن بفله سمــر ..
نزلت سمر وقفت باالصاله تعدل على شكلها كانت لابسه برمودا فوشي وبدي تفاحي تأكدت من شكلها اخر مره وطلعت تتطمن على خالد قبل لايجي جون
قربت وهي تسأل الممرضات اذا في تطور بحالته لاكن مافي شي جديد طلعت بضيق للحديقه بعد ماطلبت من توني كفي يخفف هالصداع
اخذت الجوال وفي بالها تتصل على محمد دقايق وسمعت صوته
محمد :هلا
سمر :اهلين محمد كيفك ..؟ مااشوفك تجي تطمن على خالد
محمد:مشغول باالمره
سمر بضيق:يعني ماتقدر تفضى لو ساعه بس
محمد:قلت مشغول وبعدين
سمر :انا المجنونه ادق عتبانه عليك
محمد:ماني محتاج عتابك
سمر:واحنا ماانا محتاجين لك بعدها قطعت الخط ..
تركت الجوال على الطاوله وهي تطق بااطراف اصابعها بقلق على الطاوله
دخلت توني تخبرها بوصول جون ..قامت له بشوق
ودخلت ببتسامه وهي تتكلم معه استغربت من ملامحه ماهي طبيعيه وحتى اسلوبه جلست بجنبه اكثر.. جون وقف بأرتباك واتجهه للباب يقفله بسرعه ..
سمر تطالعه بأستغراب قرب جون منها اكثر خافت وبعدت عنه وهي تدور الامان بعيونه لف راسه على شنطته وطلع زي الحبل سمر لصقت باالزاويه بخوف وهي تشوفه يقرب منها اكثر بعدهاا هجم عليها وهي تصرخ بصوت عالي وتطلبه يوقف عن اللي يسويه وقف جون يطالعها بعد ماربط يدها ورجلها
سمر تتكلم باالانجليزي :ماذا تفعل..؟
جون ساكت قرب ولصق الشريط على فمها يمنعها تصرخ بعدها طلع وسمر تتسأل بداخلها ليش مربطها كذا
ركض جون لغرفه سمر وفتح الادراج وطلع كل الصكوك والاملاك نزل بسرعه وفتح الباب وقفله صوب المسدس على راسها وهددها انه راح يقتل اخوها ويقتلها اذا ماوقعت له عن كل شي تملكه
سمر مغمضه عيونها بقوه والمسدس على راسها نزلت دموعها تترجاه لاكن بدون فايده حرك المسدس بخفيف يخوفها اكثر بعدها سحب يدها ووقعت كل الاوراق وكل شي تملك شركتها وفلتها وحتى سيارتها نزل المسدس وببتسامه خبيثه :ثااانكيوو اخذ كل شي يثبت ضده و طلع ..
سمر مفتحه عيونها مومصدقه اللي صار من تو حاس انها بكبوس حركت يدها تحاول تفك نفسه لاكن كانت مربوطه بقوه حاولت تصرخ بصوت مكتوم تنادي احد من الخدم بعد عشر دقايق سمعتها الخدامه باالصدفه دخلت تتأكد من الصوت واستغربت من حال سمر تقدمت لها بسرعه وفكتها ركضت سمر بغير توازن بعدها طاحت على الارض قامت تركض وهي تبكي حتى دخلت لغرفه خالد ضمته وهي تصرخ بصوت عالي :خالد قووم خذ حقي منه سرقني جوون قووم يااخالد راح كل شي املكه تهز خالد
الممرضات يطالعون بأستغراب سمر اللي تتكلم بصوت مبحوح من البكااء
خالد يطالعها..عرف ان فيها شي كبير لاكن كيف يدري وهو بهاالضعف
وقفت تركض باالفله تدور على التلفون حتى تبلغ الشرطه وبصرااخ :توووووووني اعطيني موبايلي بسرعه
توني اتجهت بأرتباك واعطتها الجوال
اخذته وضغطت على ارقام الشرطه وعقلها متشتت بلغت بكل شي صار بعدها صكرت الجوال ورمته على الارض بقهر وتتكلم مع نفسها
:جون انا اللي حبيتك واعطيتك كل شي تتمناه تسوي فيني كذا طيب ليشششش ليششش رفعت صوتها وهي تصرخ وتبكي بحزن حتى طاحت على الارض مغمى عليها ...

ام راشد بعد مااكلت علاجها حست باالراحه التفتت على عهد تأشر عليها تجي
عهد تقرب:لبيه يمه
ام راشد بتعب :عهد يابنتي ابي اشوف احد من عيال اخوي
عهد مستغربه : ليش يمه
ام راشد: كلمي اي احد منهم ابي اشوفه
عهد:يمه اخاف يرفضون
ام راشد : يابنتي اخاف اموت وانا بقلبي كلام كثير
عهد خافت على امها:جعلي ماانحرم منك يايمه بس خليها لبكره
ام راشد:ابي اشوفهم اليوم
عهد :خلاص ولايكون خاطرك الاطيب ابكلم ساره تقول لهم
قامت واتصلت في ساره
ساره تطالع رقم عهد بحسره حست باالعبره تخنقها حطت يدها على اسمها يكفي اللي فيها بعدها قفلت جوالها
ماتبي تحسسها ان في شي كبير راح يصير :يمكن راح تموتين نفسك ياعهد لو تدرين !!
سحبت الروب بملل ودخلت للحمام (اعزكم الله)وقامت تاخذ شاور دافي يخفف عليها هاالصدمتين

ريم بغرفه ياسر ..
ريم:ياسر قول لي ايش تنتظر ..؟
ياسر:ريم صكري الموضوع
ريم:ماراح اصكره تفهم ولا اذا ماتكلمت وقلت انك تبي ساره انا راح اتكلم
ياسر يوقف بعصبيه:وبعدين معك انتي انا ماراح اتزوج ساره لاتزيدين علي ارحميني وفكيني من هاالطاري
ريم: اذا انت خايف ان جاسم يزعل انا راح افهمه
ياسر بضيق:خلاااااااااااص انا راح اتزوج قريب تبين تعرفين مين راح اتزوج عهد بنت عمتي
ريم فتحت فمها :هاا!!
ياسر:اطلعي برا ..
ريم تمسك طرف ثوبه:عيد مافهمت شي
ياسر:عهد راح تصير زوجتي قريب
ريم تطالع تحت بأستغراب:عهد
ياسر طنشها وبيطلع برا
ريم تلحقه وتمسكه:عهد ياااخبل متزوووجه
ياسر:زوجها راح يطلقها وانا راح اخذها
ريم :ياااااااااااسر انت في عقلك وانت تقول هاالكلام
ياسر والجرح بقلبه يزيد كمل طريقه ينزل تحت
ريم واقفه مصدومه مومستوعبه نزلت وراه بسرعه وبصوت عالي :يااسر فهمني ايش اللي قاعد تقول انت
ياسر : اللي سمعتيه يكفي انا راح اتزوج عهد بنت عمتي قريب
ام ياسر طالعه من المطبخ وتسمع كلام ياسر وقفت عند الدرج وهي تطالع ياسر ينزل وشكله مبهذل
ياسر نزل راسها ونزل بخطوات خفيفه
ام ياسر: ايش هااللي اسمعه
ريم وقفت وراء تطالعهم
ياسر:مافي شي يمه بس شويه نقاش انا وريم
ام ياسر بأستغراب:تتزوج عهد بنت عمتك ..؟
ياسر وقف بخوف ان امه سمعت كل شي سكت ولاعرف يرد
ام ياسر بجديه:تكلم ايش كنت تقول
ياسر :يمه موضوع وراح اتكلم معك بعدين عن اذنكم طالع .......
ام ياسر :ريم ايش قاعدين تتكلمون فيه
ريم بأرتباك:ها ايه شويه نمزح مع بعض معليش يمه نسيت ملابسي باالغساله صعدت فوق وهي تحاول تفهم اللي قاله ياسر
جلست على السرير بحيره:عهد بنت عمتي يتزوجها لا مستحيل يعني سامي بيطلقها وهو يحبها مايسويها مستححيل اووه لازم اكلم ساره اتأكد منها اخذت الجوال تنتظر رد ساره :اوف هذا وقته ياساره تقفلين جوالك
قامت تبدل ملابسها وتطلع لبيت ساره تتأكد بنفسهاا

سعود وهومتسند على الكنب :وبعدين ارد ولاشلون اقول ارد واشوف ايش عنده :الو
عبد العزيز :هلا ومرحبا باالقاطع
سعود ببرود:هلابك
عبدالعزيز :وينك يااخوي ادق عشرين الف مكالمه ماترد لايكون ماسح رقمي
سعود :لاشدعوه
عبدالعزيز :والله دقيت اتطمن عليك مبطي عنك وعن خالد
سعود:والله بخير وخالد باامريكا
عبد العزيز :اها بأمريكا ومتى بيرجع
سعود :والله ماادري عنه ياعبدالعزيز الرجال مقفل جواله وشكله نقل مره وحده هناك
عبدالعزيز :افا افا لاتقول والله اني فاقده تجي معي نروح له
سعود:لا خلها بعدين انا الحين بأبها مع اهلي
عبدالعزيز :اما من جدك اجل قريب مني
سعود:انت بأبها ..؟
عبدالعزيز :اي نسيت كل اجازه ارجع لاهلي بس هالمره ماني مطول عندهم مااقدر استغنى عن هواء الرياض
سعود:اي تذكرت هلك هنا...
عبدالعزيز :اجل عازمينك انت والاهل عندنا
سعود:الله يعطيك العافيه ماتقصر والله
عبدالعزيز :لا والله ياتجي عندي ونذبح لك ذبيحه يااجيك بذبيحتي
سعود : تسلم والله ياعبدالعزيز بس الاهل بيرفضون تعال عندنا ونذبح لك
عبدالعزيز :لاتذبح ولاشي انا جايكم باالعشاء هالليله بس عطني العنوان

باالمستشفى صحت سمر وهي حاسه بدوخه رجعت تغمض عينها تتذكر اللي صار مر على باله الموقف فتحت عينها وجلست بسرعه طلب منها الدكتور ترتاح وتريح اعصابها لاكن اصرت انها تطلع من هاالمكان سمح لها تطلع على مسؤليتها وصلت لفلتها نزلت تسحب رجلها بتعب
تقدمت لها توني تطمن عليها بخوف بعدها فتحت على خالد الغرفه قربت عنده وعيونها تتكلم عن قلبها المحروق
خالد عيونه عليها لاكن كان بحلم ولاحاس بوجودها
سمر تتكلم بصوت متقطع ومخنوق: صار كل شي كنت تخاف منه ياخالد انا مجنونه مااعطيت كلامك اي اهتمام (سكتت وهي تبلع عبرتها وجسمها يرتجف )سمعت اصوات رجال من وراء الشباك الكبير اللي يطل على حديقه البيت قامت وفتحت تتأكد لمحت رجال يتكلم مع الحارس استغربت انها مااتعرفه
رفع الرجال عينه يطالع البيت من برا بعدها ركب سيارته وراح اخذت جوالها تكلم الحارس تتأكد من هذا الشخص ..؟
الحارس عطاها خبر ان هذا الرجال راح يشتري الفله من صاحبها جون
سمر ماعرفت ترد سحبت الجوال من على اذنها بهدووء وصكرت السماعه ضغطت بيدها على الجوال بقهررروبهمس :خلاص ياسمر انتهى كل شي خلاص!!! مين اروح له بابا راح يذبحني اذا وصله الخبر حتى الشرطه ماتقدر ترجع لي وكل شي موقعه عليه بيدي
توني واقفه تطالع سمر عاشت معها سنين واول مره تشوفها بهاالشكل قربت منها وهي تحاول تهديها
سمر رمت نفسها بحضن تووني وهي تبكي بهدوء على هاالحاله اللي وصلت لهاا ...

ريم بعد ماضيفتها ساره سألتها بأستعجال..:ساره ليش مقفله جوالك ابيك بشي ضروري
ساره وعيونها متورمه من البكاء تطالع جوالها وتفتحه:معليش ريوم تقفل علي
ريم :فيك شي ..؟وين عهد .
ساره:في بيتهم...
ريم :ساره ايش صار بين عهد وسامي
ساره بأرتباك :صار ؟؟ها ماصار شي
ريم :ساره تخبين علي
ساره نزلت راسها بحزن : لحد الحين مو مصدقه
ريم :بينهم شي
ساره:لا
ريم : ساره ايش السبب
ساره : سامي محتاج يضمن حياه عهد وهو داخل السجن بعدها رمت نفسها بحضن ريم وهي تبكي :رااح ينسجن سبع سننين ياااريم
ريم تهدي ساره :صدقيني ياساره ربي مايترك المظلوم وراح تنفرج قريب
قطع كلامهم عهد اللي تتصل في ساره
ساره ترفع راسها من حضن ريم وهي تطالع اسمها:موقادره ارد عليها وربي ياريم
ريم :يمكن محتاجتك بشي ردي عليها
ساره :مااااقدرر بعدها انقطع الخط
ريم :انا مقهوره من ياسر ليش واقف مع سامي بقرار زي كذا
ساره تضايقت بطاري ياسر نزلت راسها ريم حست عليها تمنت ان مالمحت لها بيوم ان ياسر يحبك
رجعت عهد تتصل
ساره تمد اصبعها ببرود وترد:الو
عهد:اهلين ساره كيفك
ساره :الحمدالله
عهد:تعبانه
ساره:شوي
عهد:سلامتك قلبي بقولك شي
ساره:امري
عهد: امي محتاجه تشوف اي احد من عيال اخوها تبيه بموضوع
ساره مستغربه:امممم بس مااتوقع راح يجي احد منهم
عهد:حاولي بأ احد ريم قريبه منك حاولي فيها
ساره:اوكي عهد احاول
عهد :ماقال شي ابوك عن جلسه سامي باالمحكمه
ساره بأرتباك :ها لا لسى ماصار شي
عهد بحزن : لاتنسين اللي قلت حبيبتي مع السلامه
ساره وهي تتهرب:مع السلامه
صكرت من عهد ولفت راسها على ريم
ريم :عندها خبر
ساره:لا ( وقررت تكلم ريم باالموضوع بكره)

سعود جالس مع عفاف :ها عفاف انبسطتي
عفاف :وين انبسط ولمياء مدري ايش فيها هي ونوف ..
سعود يغير السالفه : خويي جاي بعد شوي روحي زين لنا قهوه
عفاف :يوه ايش جابه هذا بعد يعني اجلس ومافي احد يونسني غيرك
سعود:ولايهمك ابطلع وياك لحالنا بدون هاالنفسيات الثنتين واخليك تنبسطين
عفاف تضحك:اسكت لايسمعونك تصدق اذا جلسوا مع بعض كل وحده تستهزء باالثانيه اوف مليت
سعود يسكت وهو عارف ان لمياء فاهمه كل شي غلط علشان كذا مزعله نفسها قرر يكلمها في الموضوع دق جواله :يله عفاف زيني القهوه هذا الرجال وصل
عفاف توقف :انزين
اتجه سعود وهو يسلم على عبدالعزيز :هلا ومرحبا حياك الله
عبدالعزيز:الله يحييك ياشيخ والله لك فقده وغيبتك ماهي بزينه
سعود يبتسم وهويجامله:تسلم والله
جلسوا يتكلمون مع بعض بعد عشر دقايق استئذن سعود يدخل يجيب القهوه ..
نوف جالسه مع جدتها ملت من طلباتها قامت وهي تتافف :اظاهر خدامه عند هاالعجوز ياربي لازم اصبر نفسي واسوي نفسي عندها اني البنت السنعه حتى تقنع سعود استغلت فرصه انها راحت تتوضا وتصلي العشاء وطلعت برا وبيدها البلاك تتكلم مع ملاك
عبدالعزيز يطالع ويتلفت على الشاليه ويدق على المطعم يسألهم عن العشاء فتح عينه على البنت اللي تمشي وشكلها ماهي حاسه فيه قطع الخط بسرعه وركز نظراته
نوف كانت لابسه بنطلون رمادي غامق وتونيك اصفر مع شعرها البلاتيني طالعه ملفته للنظر
عبدالعزيز بداخله :الله يلعن ابليس ايش ذي قمر ولاملاك يمشي
رفعت راسها نوف بعد ماقربت عنده ارتاعت من وجوده
عبدالعزيز احرقها بنظراته اللي شوي وتاكلها
نوف تناظره وبداخله تتسأل من هذا ولاهمها انها كاشفه عنده
عبدالعزيز ابتسم لها وهو متعود على الجنس الناعم بس مامر عليه جمال مثل جمال نوف
ارتبكت من ابتسامته وارتبكت اكثر لما لمحت سعود طالع من المطبخ سحبت نفسها بدون ماينتبه ودخلت داخل

الاثنيــن _واشنطن ..

حست بجوالها يدق فتحت عيونها بتعب واخذت الجوال انصدمت جون بكل وقاحه يتصل فيها رفعت السماعه وهي تصرخ عليه
جون يكلمها بأستهتار ويطلب منها تطلع من فلته الحين قبل لايبلغ الشرطه تجي تطردها من البيت وصك السماعه وهو يضحك طالعت الجوال وهي حاسه باالظلم كل شي انتهى الحين !!وقفت تمشي تايهه باالغرفه ماتدري وين تروح مافي الاخوها محمد غمضت عينها بخوف وهي تتذكر عصبيته اكيد راح يتشمت فيني طلبت من الخدم يلمو اغراضها واغراض خالد
نزلت للصاله منكسره بدل ماكانت متعوده على الشموخ والغرور جلست على طرف الكنب وهي متردده تتصل بمحمد او تروح له وتواجه كل شي بنفسها بعدها وقفت وهي تتحسس محفظتها طلعتها حصلت مبلغ تقدر تتصرف به هااليومين اخذت سياره واسعه حتى تكفي لها وخالد مع الاغراض تطمنت على الاغراض بالسياره ودخلت تنادي الخدم اعطتهم حقهم من الفلوس الباقيه وانهت الخدمه معهم الكل طلع الا توني
سمر تقرب منها:توني اسفه لاكن مااقدر اخليك تبقين عندي هاالفتره
توني تبوس سمر تحس انها بنتها الصغيره حركت على شعرها بأبتسامه وطلبت ان يكون بينهم اتصال
سمر تطالع فلتها بضيق مافي يدها شي غير انها صارت ضحيه لمشاعرها اخذت نفس وهي تودع فلتها بعدها طلعت بأتجاه محمد

ارتاحت سمر ان محمد طالع من البيت دخلت اغراضها عند الباب وانحرجت تدخلها داخل خايفه انه يرفض وجودها سحبت الكرسي تدف خالد حتى وصلت للصاله الجانبيه تطمنت عليه وجلست على الكنب تنتظر رجعه محمد ..
ماتوقعت راح يصير وضعها بيوم كذا حاولت تقوي نفسها لاجل تواجه محمد اللي دايم تدخل معه بمشاكل ..
حطت راسها على وساده الكنب تستسلم لاحزانها رفعت عينها تطالع خالد تحس بعيونه الم نظراته متشتته وقفت تقرب منه وهي تعدل جلست حتى يرتاح اكثر
...سمرر؟!!
سمر لفت راسها لمحمد اللي وراها
محمد مستغرب :غريبه ايش اللي جابك مو انتي قلتي ماني بحاجه لك
سمر تشبك ايدينها ببعض وهي تجمع الكلام
قرب محمد لخالد يتطمن عليه
سمر واقفه متردده كيف تقول له كل شي
محمد رجع لسمر :فيك شي في شي صاير ليش وجهك تعبان كذا
سمر :هـآ..؟ شوي تعبانه
محمد يرفع حواجبه :تعبانه.؟
سمر حست انها بدت تضعف اكثر
محمد:سمر تكلمي ..!
سمر منزله راسها :محمد..؟
محمد:همم
سمر :معليش راح اجلس معك هنا ايام
محمد :تجلسين..؟
سمر بضيق:قلت ايام وراح اطلع
محمد يقرب ويمسك كتفها:ليش
سمر تبعد يده وتجلس وهي تتهرب من الجوواب
محمد بأستغراب:: خلاص خذي راحتك بعدها طلع يأمر الخدامه تجهز غرفه سمر وخالد
سمر انقهرت بداخلها هي السبب خلت محمد يكرهها حتى خالد و محمد من كانوا صغار وهم مايجتمعون الا بمشكله
كان دايم بمشاكل مع اهله بعدها طنشهم وعاش لوحده وهو شايل عليهم بقلبه كثير ...

ابهــآ..
عبدالعزيز على باله نوف من طلع من عند سعود امس فرك يده بحماس :والله ماتروح منى بس ماادري هذي اخته ولا من تكون لازم اعرف عنها كل شي كيف كيف ..؟ ايه لقيتها مافي غير شريفه اختي تروح لهم وتتعرف عليهم ومنها اقدر اجيب اسمها قام بسرعه وفتح الباب

شريفه تضرب ابره السكر لامها
عبدالعزيز :شريفه
شريفه:همم
عبدالعزيز :لاخلصتي تعالي بغرفتي
شريفه :خلصت تبي شي
عبدالعزيز يأشر عليها تجي وقفت وقربت عنده
عبدالعزيز : صديقي وهله جايين ن الرياض ضيوف علينا باالديره وانا ابيك تشلين قهوه وشاهي العصر وتطلعين تكرمينهم وتتعرفين عليهم مره وحده
شريفه :حياهم الله في بيتنا ليش مايجون
عبدالعزيز :بيتنا يفشل وهم ناس اغنياء وبخير روحي لهم احسن
شريفه تفكر :خلاص ابكلم ام عايض تجي عند امي وانا اروح لهم

عند سعود..
عفاف :اشتهيت الشوي اللي امس شرايك تشوي لنا
سعود :جاز لك الوضع اني اطبخ واني مستريحه ويااختك
عفاف :ههه ياناكر الجميل ماساعدتك امس
سعود وهو يتثاوب : قومي حركي يدك واشوي لنا
عفاف :اي لو زوجتك كان تطامر تطبخ لها
سعود :الحين وش حارق رزك وانتي لمياء تغارون منها وهي ماجت
عفاف ببتسامه:خلينا نتذكرك باالخير باالعزوبيه نقول اي سعود كان يسوي ويسوي
سعود:ليش غاسله يدك مني بعد الزواج
عفاف:يمكن تتغير علينا
سعود يقرصها مع كتفها:تعوذي من الشيطان ولااشوفك قايله كذا
ع

البارت 21 ...
وأنا بعد / والله مثلك ~ تألمت
مثلك تعبت و كنت جداً أعاني !

لكن / قسم بالله إني تعلمت
ما عاد أكدّر خاطرك لو ثواني !!

لمياء ماقدرت تتحمل اكثر من كذا خلاص كل حاجه غامضه بعيونها صارت واضحه مثل الشمس غمضت عينها وهي تتسأل بنفسها ايش تسوي تتدخل بها الموضوع ولاهاالشي مايخصها وبدون تفكير طلعت بسرعه للصاله وهي منهاره ماتحب الخيانه وشلون تشوف هاالشي قدام عيونها وبصوت عالي :سعووووووووود؟
سعود ونوف على صدره صرخه لمياء رجعته لعقله رفع يده بسرعه ودف نوف من حضنه بقووووه حتى طاحت على الارض
نوف حست بألم فتحت عيونها مصدومه من حركه سعود حست باالاهاآآنه رجع الهدوء للصاله ونظرات الصدمه متبادله بينهم
سعود يطالع لمياء بأرتباك يحاول يجمع الحروف وينطق بأي شي لاكن موقادر
لمياء ودموعها على خدها وتهز راسها بأستنكار:ليش تسوي كذا ياسعود ليش مو انت متزوج ..؟؟
سعود بصراخ:بسسس يالمياء لاتفهمين غلط
لمياء: لاتظن اني جاهله باالاشياء اللي تسوونه انت وياها
سعود حس بقهر حتى لو تكلم ماراح تصدقه موقفه الحين سخيف وغبي فتح الباب وصكره وراه بقوه و طلع بسرعه من البيت
عفاف قامت مرتاعه وطلعت بسرعه:ايش صاير؟
نوف على الارض ماقدرت ترفع راسها لحد الحين ماهي مستوعبه اللي سواه سعود كسر فيها كبريائها وقلبها كانت تظن انها قدرت تملك قلبه
لمياء بقرف تأشر على نوف: انا كل يوم اكرهك تدرين ليش لانك وحده ماتربت ماعندها دين ولاحتى حياااء اصحي ياماما ماحنا باافلام انتي وعشيقك ابطالها ..
عفاف مو فاهمه اي شي قربت من نوف :نوف فهميني ايش اللي صار
نوف ساكته تحاول تلم روحها المجروحه وتوقف
عفاف:نووووف قولي لي ايش بينك وبين لمياء
لمياء تركتهم وطلعت ..
نوف تهز راسها بمعنى مافي شي وقفت وجلست على الكنب وهي تهدي نفسها بعدها اخذت جوالها تدق على سالم يرجعها للرياض اليوم ماتجلس ولادقيقه ......

حس الم بجنبه من امس وهو يتردد عليه مر على غرفه ريم وهو يسمع المسجل معليه على صوته ضرب الباب بخفيف وفتحه
ريم منسدحه على بطنها وفاتحه على المسن
ابتسم لها ودخل :ايش الصوت قصري عليه
ريم تنط من على السرير وتطفي المسجل :وين طالع له
جاسم :اقدم على وظيفه
ريم : وااو جسوم اول راتب لي
جاسم :لا اجمع راتبي علشان اساعد امي باالمهر
ريم نزلت عينها بسرعه ورجعت للمسن ماتقبلت جاسم يكون لساره
جاسم:ايش فيك
ريم :لا بس معي وحده باالمسن تكلمني بشي ضروري
جاسم :يعني اعتبرها طرده
ريم:ههه لا اجلس سولف علي وانا بسولف معها
جاسم : لا ابطلع الحين وقف بعدها مسك جنبه
ريم تطالعه:جسوم ايش فيك
جاسم يكمل طريقه :لا شوي يألمني جنبي بعدها طلع
صكرت ريم المحادثه وطلعت من الغرفه لياسر
ياسر جالس تحت مع ندى بعد خمس دقايق صعد لغرفته
ريم على الكنب تنتظره..
ياسرمال من وجود ريم اللي ماراح تخليه من الاسئله ماهو ناقصها:بسم الله ايش جابك هنا
ريم تبتسم بتحدي:ماراح اطلع من هنا لو تجيب تريله تشيلني حتى تعلمني بكل شي
ياسر :ياحبك للعناد بعدين تعالي ليش اكلم سعود ومايرد علي
ريم اختفت ابتسامتها :وانا شدراني عن اذنك اخليك تنام
ياسر يطالعها مستغرب :وين اللي تقول ماراح تطلع
ريم تجاهلته ودخلت غرفتها ...
جلست على السرير بحزن :مايرد عليك ياياسر..؟ يعني خلاص تخلى عني. ياربي ليش صايره اشتاق له واول مااطيق اتصاله ايش جاني انا صايره مااتحمل بعده ابد .؟ فتحت الجوال تطالع اسمه ومن غير شعور دقت على رقمه وهي تنتظر صوته

سعود بسيارته يدور باالشوارع ماوده يرجع للبيت من بعد مااسمع اللي قالته لمياء انقهر من نوف استغلت ضعفه وجرحه من ريم حقر نفسه كثيييير ومايدري ليش مستسلم لها صرخ بصوت عالي وهو يسمع صوت الجوال يووووووووه (بظنه انهم اهله وطنشهم)
ريم نزلت الجوال من اذنها وهي تطالع اسمه بحسره انه مارد حست انها ودها تبكي حتى ترتاح حطت راسها على المخده:آآه ايش سويت فيني ياسعود ليه ترووح عني بعد مااصرت ابيك انا ماادري ايش شعوري من ناحيتك بس صايره افقدك واشتااق لك امااا احبك فمااااادري والله ماادري بس ارجع لــــي دست راسها باالمخده اكثر وهي تكتم شهقاتها ...

الساعه 3 العصر ...
الحارس تأكد من ان منار ماطلعت وموجوده باالشقه اجرى اتصال بسعود لاكن مافي رد حاول كذا مره
سعود :اووووف وبعدين اخذ الجوال وعبس بحواجبه وهو يشوف رقم الحارس :الو
الحارس: اهلن ياسعود ازيك
سعود:الحمدالله
الحارس :منار موجوده باالشقه من امبارح بس ماحبيتش اتصل فيك حتى اضمن بأنها ماخرجت ..
سعود:منار رجعت مره ثانيه
الحارس:ايوه
سعود:خلاص انتبه لاتطلع مره ثانيه انا مسافر ايام وراجع مفهووم
الحارس:حاضر ياسيدي ..
سعود:شف الحين تطلب لها غدا وعشاء على مااجي وادفع لك حقك
الحارس : ان شاءالله
صكر منه وهو مستغرب من منار ايش قصتها تجي وتطلع وترجع مره ثانيه رجع عينه على الجوال يطالع المكالمات الفائته فجأه بردت يده
قرا الاسم عشرين مره يتأكد :ريم رر ييم ؟؟
مسك راسه يتأكد اكثر :الا ريم ريم اتصلت ررررررريم ضحك بصوت عالي من زمان ماضحك مثل كذا رجع يطالع اسمها من جديد

نزلت ريم بعد ماهدت نفسها حاولت تكون طبيعيه حتى تفتك من تعليقات بدر اللي ماتنتهي دخلت الصاله وهي مستغربه انها مافيها احد
رجع جاسم وانتظر ندى عند الباب
ريم لمحت ندى مخبيه شي وراها وتطلع بسرعه مع الباب وقفت وهي تشوفها بعدها مشت بهدوء وراها
ندى تلبس عبايتها بسرعه لاجل تطلع مع جاسم
ريم وراها :وووين ترووحين
ندى فزت مرتاعه:بسم الله هربانه منك ومسكتيني
ريم :افا ياالخاينه ماتبين اطلع معك والله زهقاانه
ندى بأرتباك :طالعه اتمشى انا وجاسم مانبي ازعاجك
ريم :اها ..؟واذا قلت مافي مفر مني ايش بتسوين
ندى:يووه روحي بعيد
ريم تمسك يد ندى بقوه : مافي طلعه بدوني ابطلع معكم حرام اموت مخنووووقه
ندى خايفه ان ريم تكشفها حاولت تفك يدها وتطلع بسرعه
وريم ماسكتها بقوه فجأه سكتت وهي تطالع جوالها
ارخت يدها حتى تركت ندى
ندى بأستغراب:ريم ايش فيك ؟
ريم تطالع ندى وتطالع الرقم اللي يدق عليها وبربكه:س س سعوود
ندى :هههههههههه دفت ريم لبعيد :ردي عليه بسرعه بااااااي طلعت وصكرت الباب وركبت مع جاسم وهي مبسوطه ان سعود اتصل
ريم رجعت ظهرها على الجدار ومازالت تطالع اسمه ماهي مصدقه ابد ابد حتى انقطع رجع يدق مره ثانيه وهي تحاول تقوي نفسها مدت يدها وهي ترتجف ورفعت السماعه ..
سعود والفرحه باين على صوته وبمزح :هذا رقم ريم ..؟
ريم بقهر:لااا
سعود :هههههههههههههه
ريم بدى قلبها يدق ابتسمت بخفيف
سعود يحب يرفع ضغطها كاالعاده: ريم انتي داقه علي
ريم بعصبيه وتتحلطم بينها وبين نفسها مالت عليه ميته شوق وهو يسأل هالسؤال البايخ:لا كنت ابي ادق على السباك ودقيت عليك
سعود وهو مشتاق لصوتها صحيح على دفاشه لاكن فيه شوي دلع ونعومه: ليش في وجه تشابه هههههههههههه
ريم حست انها انبسطت على ضحكته صوته وبرائته والبحه بصوته شوقتها له كثييير
سعود سكت من ضحكه وقرب السماعه له اكثر كأنه يتخيل انه راح يقرب منها وبهدوء:ريم ..؟
ريم حست بخجل من صوته ولاقدرت ترد عليه
سعود فتح باب السياره ونزل يمشي على العشب وياخذ نفس برااحه وهو ناسي كل شي صار:ريم وينك ..؟
ريم بصوت هادي :معك
سعود بحزن:متصله تبين استعجل بطلاقك..؟
سكتت حست باالعبره خنقتها تمنت تصرخ وتقول لا انا ابيك ابيك انت وبس
سعود سكت وهو يسمع انفاسها
ريم نطقتها بصعوبه ودموعها سبقتها :سعود
سعود يحس ان اسمه معها شي ثاني فز قلبه وبكل حب :لبيه ياقلب سعود
ريم تجمع الدم بوجهها ماتدري ليش احتاجت تشوفه بهاااللحظه مسحت دمعتها بطرف اصبعها :فقدتك واتصلت فيك
سعود كان يمشي فجأه وقف وكأنه يتخيل اللي تقوله:ايش
ريم تحاول تعدل صوتها لايبين انها تبكي
سعود:ريم ايش قلتي
مسحت دموعها اللي تنزل اكثر تحس مشاعرها متلخبطه حيل
بعدها ابتسم :ريم فقدتيني انا ياسعود ها..؟
ماقدرت تتمالك نفسها وتكتم شهقاتها ماتبيه يحس فيها وهي تبكي ضغطت على السماعه وقطعت الخط
سعود بضيق وهو يسمع الخط انقطع طالع الجوال :لايكون جالس احلم انا ووجهي
سدت يدها الثنتين على وجهها وهي تصيح وتهدي نفسها بنفسها ماتدري ايش صار لها ..من سمعت صوته,,؟
طلع بدر اللي يسمع صوت ريم من بعيد ويدور عليها شافها متسنده على الجدار قرب لها
بدر :ريم ليش جالسه بها الحر
ريم تخفي دموعها :اشم هواء
بدر يطالع السماء :الاتشمين غبره من زين الجو (لمح دموعها )تصيحين..؟
ريم :لا هاالغبره اللي تقول عنها دخلت بعيني
بدر يرفع حواجبه وهو مكذبها :اها علينااا
ريم دق جوالها وقفت تحرك رجلها بتدخل داخل
قرب بدر سحب جوالها من بين يدينها وركض داخل
ريم تركض وراه وهي تصرخ عليه
بدر :الو
سعود:مين
بدر:انت ايش مسوي بزوجتك مقطعه نفسها من البكاء
سعود بخوف :ايش
ريم انحرجت من كلام بدر سحبت الجوال منه وهي تهدده باالحركات بعدها رقت لغرفتها وتاركه سعود على الخط
سعود:الو
سعود:ريييم وينك
ريم تبين صوتها طبيعي حتى تكذب كلام بدر :الو
سعود وباين عليه الخوف:ريم صاير فيك شي
ريم :لا
سعود: واللي قاله بدر وليش انقطع الخط
ريم : شوي كنت امشي وماانتبهت للدرج وطحت
سعود:بسم الله عليك توجعتي ...؟
ريم حاسه ان سعود خايف عليها :لا شوي بس
سعود :مره ثانيه انتبهي لطريقك مب تطالعين السقف وانتي تمشين ههه
ريم تضحك بخفيف:طيب
سعود انبسط على ضحكتها :فديت هاالضحكه ريم انا راح اجي لرياض بكره مااقدر اتحمل اجلس اكثر من كذا انا تعباان ومحتااج لك ومشتاق لك ابيك كلك ابنسى كل شي صار بينا من اليوم مااقدر خلااااص يكفي تدرين من اسعد وااحد بهاالدنيا ياريم انا انااااا واقسسم بالله احبك ومجنون فيك وبأقرب طياره جااايك
ريم احمرت خدودها تحاول تهدي نفسها وهي تسمع هالكلام وتتكلم بداخلها حتى انا محتاج لك اكثر

باالسياره....
جاسم :هذا العنوان
ندى تتأكد بعد مااخذت الوصف من ساره :ايوه
قفل جاسم السياره ونزل قرب عند الجرس ضغط عليه وهو يأشر على ندى انها تنزل
نزلت ندى ووقفت بجنبه دقايق سمعوا صوت احد :مين..؟
ندى تطالع جاسم بأرتباك
جاسم :ردي
ندى :انا ندى ..
عهد ابتسمت بفرحه وفتحت الباب
دخلت ندى وهي تطالع عهد
عهد تسلم عليها :هلاو مرحبا زارتنا البركه
ندى بحياء:تسلمين والله امممم
عهد حست فيها :في احد معك
ندى :اخوي جاسم
عهد استغربت اول مره تسمع فيه :خلاص خليه يتفضل انا بدخل وامي بتكون باالغرفه اللي بالصاله
ندى تهز راسها انتظرتها حتى دخلت داخل بعدها دخل جاسم واتجهوا لام رآآشد
ام راشد جالسه على فراشها اللي باالارض وعينها على ندى تناظرها بهدوء حتى قربت لها وباست راسها
جاسم واقف حس بشي يرده انه يسلم عليها اكتفى يطالعهم بصمت
ندى:شخبارك عمه
ام راشد ماهي مصدقه ان ندى قدامها نزلت من عيونها دموع وهي تتذكر اخوهاا
ندى ارتبكت وهي تشوف دموعها
ام راشد تطالع جاسم :هذا جاسم.؟
ندى :اي ..بعدها رفعت راسها تأشر على جاسم يسلم على عمته
نزل جاسم لمستوى عمته و باس راسها بهدوء
ام راشد وهي تمسح دموعها:الله يرحمك ياخوي
ندى حست باالعبره وقدرت تمنعها بصعوبه
ام راشد تمسك يد ندى : ابوك يشبه لك كثير يابنيتي ربي يتجاوز عنه
دخلت عهد وهي مغطيه وجهها حطت القهوه على الارض منحرجه بوجود جاسم
ام راشد :عهد نادي هديل وتعالوا ابيكم تسمعون اللي بقول ...
عهد :طيب يمه طلعت بسرعه تنادي هديل دقايق ودخلوا

عبدالعزيز ركض لجوال اخته قبل لاتكشفه فتح الارقام بسرعه حتى وصل لرقم نوف نقله لجواله وطلع وهو يتأمله ويتذكر شكلها ويبتسم
:ماتوقعت بهاالسهوله يجي رقمك شكل الدعوه سهله ضغط على رقمها ينتظر الرد لاكن كانت نوف تبكي عند اخوها بأن مشتاقه لامها ولاتقدر تستغنى عنها سالم كاالعاده مصدق اخته
عبدالعزيز :ايوه حركاتكم ياالبنات ماتردون على ارقام غريبه بس مايخالف ندق عشرين الف مليونن هههه اهم شي نذوق طعم هالكيكه
طلع سالم يحجز اقرب طياره ويرجع هو ونوف
قامت نوف تفتح الغرفه لاجل تجهز ملابسها لاكن بداخلها لمياء مقفله على نفسها ضربت بعصبيه:افتحي اخذ لبسي واغراضي
لمياء تفتح الباب بدون نفس اعطت نوف نظره احتقار ودخلت تجلس على السرير
نوف اتجهت للدولاب تجمع اغراضها وهي كاتمه عبرتها ماتبي تبكي اكثر عند لمياء

رجع سعود للبيت وهو مبسوط نسى كل شي كان يعكر مزاجه
:السلام عليكم
ام يوسف :هلا وليدي ..
سعود يحب راس امه وباين على وجه ان مرتاح :يمه بكره راجعين للرياض
عفاف مستغربه :سعود تو جينا نرجع بها السرعه
سعود يجلس على الكنب :عندي شغل ولازم نرجع
عفاف مبوزه قامت ودخلت للغرفه تعطي خبر للمياء
عفاف:لمياء بكره راجعين للرياض
لمياء مطنشتها
عفاف تطالع نوف :نوف خليك معنا اليوم وبكره نرجع سواء
نوف مطنشتها
عفاف انقهرت: اكلم نفسي الظاهر
نوف توقف :انا طيارتي المغرب وماعندي استعداد ااجلها
عفاف انقهرت من اسلوب نوف :براحتك حبيبتي
طلعت نوف للصاله وهي تشوف سعود مبسوط ويسولف ويضحك ركزت نظراتها عليه بحزن ولاكأنه جرحها بسكين بقلبها
سعود اعطاها نظره ورجع يكمل كلامه مع امه
نوف عصرت يدها بقهر وحقد حست بأنها نفسها ترد له الاهانه
سعود وقف ودخل للمطبخ يشرب عصير اللي باالثلاجه
دخلت نوف وراه وهي شاده على اسنانها بقهروتحاول تهدي نفسها عن البكاء : لاتظن اني اسكت على اهانتك لي والله راح اردها لك لاكن في اعز مخلوق عندك واعتقد تعرف من اقصدها ياعديم الاحساس وراح تشوف من هي نوف اللي اهنتها بعدها طلعت بدون ماتسمع رده
سعود وقف وهو يطالعها تركض ويتذكر كلامها ابتسم على تفكيرها الغبي ورفع العصير يشربه

دخلت نوف الحمام محتاجه تفرغ هاالضيقه اللي بداخله ماتبي احد ينتبه لدموعها قربت عند الغساله تبكي بقهر وهي تطالع وجهها باالمرايا :ليش تسوي كذا ليش بعد مامسكت خيط الامل تقطعه بسكينك ضربت يدها باالغساله بقوه هي تترجف من البكاء جوالها ازعجها باالرقم الغريب مدت يدها سحبت الجوال بجيب بنطلونها وهي تطالع نفس الرقم رفعت السماعه بصوت هادي:الو
عبدالعزيز ابتسم:الو
نوف مستغربه:ايوه
عبدالعزيز : كيفك ياحلوه
نوف :مين وياي..؟
عبدالعزيز :عبدالعزيز
نوف:عبدالعزيز..؟مااعرفك
عبدالعزيز بأبتسامه:راح تعرفيني مع الايام
نوف :ماني رايقه لك قطعت الخط وطلعت من الحمام (اعزكم الله)

ام راشد : بأبري ذمتي ورب المخاليق شاهد علي ياعيالي انا ادري ان كل دليل ضدي ويشهد علي لاكن دام اني بريئه ومظلومه فربي بينصر المظلوم وذي ثقتي به وبقول كل شي صار لاجل اريح قلبي :
اخوي كان رافض اتزوج ولد عمي بس جاء كل شي غصب عنه بوصيه من ابوي قبل لايتوفى انه يزوجني ولد عمي تزوجته وعشت معه مرتاحه كنا متافهمين وياه لاكن كان يشد علي يبي اخذ ورثي من اخوي ماقدرت اطلب من اخوي عارفه انه ماخذه لمصلحتي بس بعد كم شهر تغير علي ابو راشد ودخلنا بمشاكل وصلت انه هددني انه بيتزوج علي انقهرت بذاك الوقت وصرت وراء اخووي ابي حلالي واخوي يرفض وانا وراه حتى تقاطعت معه ولادخلت بيته وفي يوم من الايام طلب من ابو راشد اني اروح لاخوي واخذ هاالاوراق معي ماادري من وين جابها طلب مني اجلس معه واتسامح وياه واذا غفل حطيت باالشاهي منوم وابصم بيده على الاوراق حاولت اراقب البيت اشوف ام ياسر متى بتطلع واستغليت الفرصه ودخلت وياه فرح بشوفتي واكرمني ويوم دق جواله اخذت بيالته ودسيت فيها المنوم صكر السماعه ورجع يسولف وياي وانا انتظر يشرب الشاهي بعد دقايق طاح على الارض وفقد وعيه خذت يده ابصم على الاوراق وسحبت نفسي بسرعه واطلع الا ام ياسر تتمسك فيني وتجمع الجيران حتى دخلت الشرطه واكتشفوا ان اللي بالشاهي سم ..؟؟!!
الجميع انصدم وهم يسمعون كلام ام راشد
بلعت ريقها وهي تتذكر الموقف وبدا صوتها تخنقه العبره قتلت اخوي بيدي هاالثنتين التفتت على ندى وهي ترتجف اي انا اللي قتلته ياعل روحي الموت بس ربي ماينسى حق المظلوم كان ابو راشد يكذب علي بأنه منوم واني راح اطلع من الجريمه مثل الشعره من العجينه ظلمني حسبي الله عليه انرميت باالسجن وانا احاول ادافع عن نفسي الكل تخلى عني بعد اللي صار بأيام جاني خبر انه تزوج علي ذقت المر وانا بين السجون وشردو عيالي مني بسبته
هديل وقفت وهي تستوعب الكلام :ابوي اللي سوى كذا
ام راشد تهز راسه بمعنى اي مافي اي شي يثبت عليه انا خلاني اذبح الغالي بيدي استاهل اللي جاني من المرض
ام راشد تتأمل ملامح جاسم اللي باين عليه مااستوعب :ياولدي ابو راشد بعد مااعرف انا قدرنا نوصل لكم ترك عياله وترك كل شي انا خبيت عن الكل لان لو بتكلم مافي اي شي يشهد لاكن من بعد مادريت عن اللي سواه ابو راشد اصريت اني اقول لكم كل شي روح لامك ياولدي وتسمح لها مني وقول عن كل اللي قلته علها تبيح لي وتسامحني قبل لاتجيني المنيه
ندى ساكته تطالع ام راشد بصدمه وهي مو قادره تصدق هاالكلام بسرعه
ام راشد تمسك يد ندى :والله شاهد علي يابنتي كل كلمها نطقتها هي الحق وجاء اليوم اللي نصرني ربي فيه وبين صدقي
عهد تتكلم بداخلها :ابوي يسوي كل هذا معقوله ليش يايبه مو كفايه معيشنا بعذاب سنين جاي تكمل على عيال خالي وتعيشهم اليتم
جاسم مو مستوعب وقف بيطلع وهو مايدري ليش يبي يطلع حس الكلام كبير وماقادر يفهمه
ندى وقفت مع جاسم ونظراتها على ام راشد تدور الصدق بعيونها
ام راشد :لاتروحون ياعيالي الا انتم راضين علي
جاسم مسك يد ندى بيطلع وقفت عهد : ندى ابوي جاء مره عندنا وخبرته انا قدرنا نوصل لام ياسر بعدها ارتبك وطلع بسرعه ولاصار يرد علينا وغير عنوان بيته وربي
ندى تطالع جاسم وهي تحس انها بدت تصدق الكلام اللي جالسين يقولونه
هديل تضم امها :يمه ليش خبيتي علينا كل هذا ليش
ندى تركت يد جاسم وقريت عند راس عمتها تبوسها ودموعها على خدها
التفتت عهد على ندى وهي تبتسم حمدت ربها ان امها بريئه من هاالشي اما ابوها حست بمشاعرها جامده من ناحيته عمرتها ماحست باالحب منه الا لحظه بسيطه لما جاء البيت واختفت هااللحظه بسرعه
جاسم واقف بدون اي انفعال كان صامت يطالع الجميع بصمت بعدها طلع بهدوء ينتظر ندى بالسياره ...
دقايق وطلعت ندى
ندى بحزن: معقوله عمتي عايشه باهالظلم وصابره
جاسم مارد عليها وهو يفكر
ندى :جاسم انتم مو مصدق ؟؟
جاسم : صعب استوعب هاالكلام بسرعه ..
ندى :كيف اقنع امي انا من قبل احس ان عمتي بريئه وصدق احساسي
جاسم :خلينا نأجل الموضوع مانخبر امي الحين ندور وقت افضل ونخبرها
ندى تهز راسها بأي بعدها وصلوا للبيت
دخلت ندى وحمدت ربها مافي احد قبالها فصخت عبايتها وارتاحت شوي قبل الاذان تذكرت انه سعود متصل بريم ماقدرت تصبر نفسها وطلعت لريم
ريم بيدها الجوال تقرى مسج من سعود وهي تتبسم
ندى :ريوم
ريم ترفع راسها بسرعه بعدها قامت تضم ندى بفرحه
ندى : دووم الفرحه ياقلبي طمني على الاخبار
ريم ترفع نفسها :احس ردت لي الحياه ياندى
ندى :وين ابطلق وين الكلام والحكيات هاا..؟ بس دواك انتي التطنيش يوم طنشك صرتي تدورينه
ريم وهي تجلس على طرف السرير:صدقيني ياندى من بعد مااعترف لي عن كل شي اعطيت لنفسي فرصه ولقيت نفسي اني ابيه
ندى تقرص خدها :ومتى نفرح فيك طولتوا علينا نبي فرح وطرب وتنكس
ريم تبتسم بحياء :هو جاي بكره للرياض ونحدد وياه

رجعت نوف للرياض دخلت البيت وهي مالها خلق تقابل احد دخلت غرفتها رمت اغراضها على الارض وتسندت على الكنب لعل ترتاح من هاالهم على قلبها غمضت عيونها وهي تتذكر الموقف اهتزت شفايفها وهي تبلع عبراتها ملت من بكاه على سعود وهو مو حاس فيها رجع عبدالعزيز يتصل فيها طالعت الرقم ببرود وبعدها رفعته ترد بصوتها الناعم الو
عبدالعزيز ذايب على صوتها : اشتقت لها الصوت
نوف :منو انت وبعدين وياك
عبدالعزيز :بس بس الحلوين مو زين لهم يعصبون
نوف :افف قطعت الخط ورجعت تحاول تنام لعلها تنسى اللي صار اليوم ...

الاربعـــآء...
الساعه 10 الليل وصل سعود للرياض واتجه للعماره بعد ماوصل اهله للبيت ..
قرب للشقه فتحها وهو مستغرب ان كلها ظلام شغل النور ومشى بخطوات سريعه لغرفه منار قرب يده يفتحها اذا كانت مقفله فمعناه انها موجوده اما مفتوحه فهي طالعه فتح الباب وانصدم ان الباب مفتوح والغرفه ظلام اسرع وشغل النور يتاكد من وجودها فتح عيونه بقوه وهو يطالعها على السرير كانت ضامه المخده لصدرها ونايمه بدون لحاف وساقها مكشوف ركز على ساقها بصدمه من هاالحروق المحفوره بجلدها انحرج من نفسه انه داخل عليها بها الشكل لاكن اصر يتطمن عليها رجع وصكر الباب وقرب من وراه يضربه بخفيف وهو ينادي عليها
منار تسمع الصوت من بعيد فتحت عيونها وهي تحس هاالصوت مب غريب عليها
سعود:منار
منار عدلت جلستها بسرعه وهي تتأكد من صوته
سعود زاد من ضرب الباب
منار وقفت من غير شعور واتجهت للباب :همم
سعود تنفس براحه وهو يسمع صوتها انها بخير :انتي بخير
منار تطالع الباب وهي تسمع صوته نزلت عينها على ساقها وعلى جروحها بعدها بتردد:ايه بخير
سعود كان وده يسألها وين كانت لاكن قرر يتكلم معها بعدين تركها ونزل تحت يدور الحارس اذا رجع
الحارس :اهلن ياسيدي الحمدالله على السلامه
سعود بأستعجال :الله يسلمك هانفذت اللي قلت
الحارس :والهي عملت اللي قلت عنه لاكن ماتفتحش الباب ومابترد خالص
سعود:يعني من امس ماكلت شي
الحارس :ايوه بس اظاهر في حاجه باالشقه بتسد فيه جوعها
سعود:مشكور ياعم ماقصرت
منارجالسه على طرف السرير وتحرك رجلها وعينها على الارض تمنت تسأل سعود ايش صار على موضوع ولدها وتسأل عن خالد حتى تتأكد وتطمن انه عايش بخير ولايتعذب مثل ماتبي هي ...؟!!
طلع سعود منه وركب السياره يتجه للمطعم يجيب اي شي تاكله
رفع جواله وهو يشوف اسم ريم ابتسم بشوق وبعدها اتصل فيها يخبرها بوصوله
ريم مع ياسر وامها باالغرفه فز قلبها بأتصال سعود قامت وطلعت برا
ريم :الو
سعود وشاق فمه والابتسامه واصله اذانه:هلا بأغلى ناسي
ريم بخجل : هلا فيك كيفك ..؟
سعود:اسعد البشر
ريم تبتسم :دوم ..وصلت الرياض .؟
سعود بكذب :لاا الطياره فاتتني ولاقدرت ارجع
ريم بضيق : كنت انتظرك
سعود : واذا قلت اني جايك بعد نص ساعه
ريم تبتسم :كيف موقلت الطيااره راحت عليك
سعود: اطير باالسماء بجنحان لعيونك ههه انا رجعت لرياض حبيبتي وشوي وجاي لك
ريم بفرحه:اممم تمزح يعني خلاص انتظرك
سعود:تنتظريني شوي ولاكثير
ريم :اممم كثير الا شوي
سعود: اجل اروح للبيت انام احسن هههه
ريم تضحك : لااا
سعود:لا ايش ..؟
ريم :ولاشي ..
سعود : اخ ياريم ايش اسوي فيك لاجيت
ريم تتصنع الخوف: لاتخوفني..؟
سعود بهدووء :ابا خذ حقي منك بكل اللي سويته لي بغيابك
ريم بحزن: سعود
سعود:قلبه..؟
ريم:اسفه على كل شي
سعود:بس حبيبتي لاتقولين هاالكلام لحظه ابطلب العشاء وجايك ابيك تفتحين لي الباب انتي مفهوم..؟
ريم تضحك :اووكي
صكرت منه وفتحت دولاب الملابس محتاره ايش تلبس طلعت تنادي ندى دقايق ودخلت ندى
ندى تطلع لها فستان اسود وفضي :هذا اتذكره يهبل عليك مخليك دلوعه بدل هاالدفاشه اللي فيك
ريم تطالعه وهي تهز راسه بخلاص دخلت بسرعه تاخذ شاور وطلعت فكت شعرها الناعم بدون ماتسوي فيه اي شي مع ميك اب ناعم رسمت عيونها بكحل اسود وضح وسعها وجماالها وروج بنكي بعدها لبست الفستان ممسوك عند صدرها نص الساق ومبين جسمها

ياسر مع امه ..بداخله متردد كثير كل مااحاول يتشجع وينطق لامه باالكلام اللي بيقوله يحس بضعف بعدها يسكت
ام ياسر وقفت بتطلع
ياسر بأرتباك :يمه ابيك بموضوع
ام ياسر وهي تجلس :في شي ياياسر
ياسر يبلع ريقه :ايه يمه بس بغيت اقول شي ضروري
ام ياسر :وش هو ..؟
ياسر :يمه سامي طالب مني طلب ولابغيت اكسر بخاطر الرجال
ام ياسر: سامي اجودي ويستاهل كل خير
ياسر:عهد زوجته ناوي يطلقها
ام ياسر :وانا ايش علي بمرته..
ياسر يوقف :يمه اابتزوج عهد
ام ياسر توقف وهي معصبه:يعني اللي سمعته ذاك اليوم جد ماهو مزح
ياسر :يمه لاتفشليني عند الرجال وانا متمم الامر له
ام ياسر:وانت شيخصك في زوجته
ياسر:لاني اقرب واحد له
ام ياسر : ان خذت عهد فلاعاد اشوفك وجهك هنا تسمع ولا ..؟ طلعت وهي معصبه وتدعي على ام راشد بحقد
ياسر يسمع امه حس بضيق انه راح يكسر بخاطر سامي جلس على الكنب وهو يفكر ايش يمكن يسوي
خلاص ياياسر قل له امك رفضت وارجع حقق حلمك بساره ..ساره اه ياساره كيف اجي واقول لجاسم اني ابي ساره ياربي كل شي مصكر بوجههي ماادري افرح ان امي شالت عني هم ثقيل وانا ماادري اذا ساره من نصيب جاسم اولا لازم اقنع امي اخر مره وبعدها اقول لسامي ..

عند سمر من امس والنوم ماجاء بعينها قامت من الكنب لاجل تتطمن على خالد رفعت يدها تشوف الساعه باقي ساعه وتوصل الممرضه اللي طلبها محمد لاخوه قربت من خالد وهي تتحسس انفاسه اذا باقي حي تعبت هاالتفكير خايفه تفقد خالد من امس وعيونه مغمضه ماتدري هو نايم ولاايش تطمنت انه يتنفس رجعت لمكانها وجلست وهي تطالع الارض بعيون كلها وجع وهم من اللي صار قامت تطلع من الغرفه واتجهت للصاله
محمد فاتح الجريده ويشرب قهوه وقفت عند الباب منحرجه
حس محمد بوجود احد نزل الجريده وهو يشوف سمر واقفه رفع حاجبه :سمر
سمر نزلت راسها ودخلت عنده
محمد:ليش صاحيه ..؟
سمر :ماعرفت انام
محمد قام وجلس قريب عندها وبنظره كلها استفهااام: سمرليش بعتي فلتك ..؟
سمر فتحت عيونها ووقفت مصدومه
محمد يوقف وراها : سمر انتي مخبيه علي شي..؟
سمر مرتبكه :عن اذنك ارجع انام
مسك يدها بأصرار:ماراح تطلعين الا وتقولين كل شي
نزلت راسها بضعف خايفه منه كثير
محمد بجديه :تكلمي..؟
قررت تقول هاالشي اللي كاتم على قلبها ويصير اللي يصير:محمد راح كل شي املكه
محمد يحاول يستوعب :تملكينه
سمر انفلتت اعصابها :اي انسرقت
محمد :انتي ايش قاعده تقولين فهميني
سمر بهمس :سرقني جون يامحمد بعدها رفعت صوتها عالي (سرقني جووون)
محمد وقف متجمد من اللي قاعده تقوله وجاء الشي اللي كان خايف منه قرب ععندها بحقد وضربها بكف قوي حتى طاحت على الكنب صرخ بصووت عالي :تكلمي سوى لك شي تعرض لك ...؟
سمر تصيح :لا لاوربي بس اخذ كل شي املكه وخلاني ابصم عليه غصب عني بعد ماهددني بالسلاح
محمد بعصبيه يمسك شعرها:كم مره حذرتك وانتي ترمين بكلامي باالجدار ولاهمك ايش استفدتي قوولي
سمر تبعد يده من شعرها :خلاص استاهل اللي جااني سامحني ياامحمد يكفي اللي فيني
محمد :يعني تبين اصدقك بعد انه ماسوى لك شي
سمر تحلف باالله انها ماتعرض لها ابد لاكن محمد ماصدقها ضربها بقوه وهو يصرخ ويسب ويلعن فيها وفي ابوه ربها على الدلع وتمشي كلمتها على اخوانها
محمد :والله مايرووح مني هاالحقير طلع له وسمر تلحقه وتتمسك فيه بقوه :محمد الله يخليك لاتسوي له شي
محمد يدفها على الارض:ولحد الحين تدافعين عنه
سمر تمسك رجله وتبوسها :محمد انت ناسي انك عربي وسعودي بعد يعني لو هو الغلطان الحق معه وانت الغلطان ومافي اي شي يثبت انه سارق كل شي وقعت عليه بيدي انا خلاص قلت استاهل اللي يجيني بس لاتروح وربي تروح من يدنا بهاالسهوله الله يخليك محمد لاتعرض نفسك للخطر اطردني باالشارع بس لاتروح له
محمد وقف وهو يسمع كلامها فك رجله من بين يدها :خلاص ماراح اروح خليني روحي وجهي ماني طايق اشوفك
سمر قامت بتعب تركض لغرفه خالد قربت عنده وهو مثل الميت مو حاس بأحد حطت راسها على صدره وهي تصيح بهدووء عله يحس فيها حتى نامت من التعب من غير ماتحس على نفسها

رشت ريم العطر على جسمها واسرعت ترد على جوالها عرفت انه عند الباب بعد مااعطاها رنه نزلت وهي تهدي ضربات قلبها
سعود واقف ينتظرها بعدها انفتح الباب ودخل
وقف يطالع ريم بصمت بفستانها الاسود اعجب فيها كثير
ريم انحرجت من نظراته ونزلت راسهااا
ومن دون مقدمات قرب عندها وشالها حتى رفعها على الارض
ريم وجها ولع : سعوود نزلني
سعود بضحكه :ماقلت اباخذ حقي ههه بعدها دخل داخل وهي بين يدينه
ريم برجاء :الله يخليك نزلني لايشوفني اخواني
سعود :ابي العالم كلها تشوفنا هههه
وصل للمجلس ونزلها على الارض ريم منزله راسها :ياالدب
سعود ضمها بقوه وهو يضحك على دفاشتها:اشتقت لك اشتقت لك موووت
ريم حاسه باالدفا وهي بين يديه ماتدري ليش تخنقها العبره لااقتربت له حست انه خبله ولاتعرف تحب مثل الناس
سعود ويده على شعرها :كل شي فيك وحشني
ريم ساكته تسمع ضربات قلبه عرفت قد ايش سعود يحبها
سعود يرفع وجهها ويمسك خدها بيده الثنتين : عذبتيني يابنت الناس
ريم تبتسم وهي تمسك يده وتنزلها من خدها :لاتقول كذا تحسسني باالذنب
سعود يقرصها مع خدها :طيب يادلوعه
ضحكت بداخلها اول مره بحياتها تسمع هاالكلمه توجهه لها بعدها ابتسمت
سعود مسك يدها وجلس على الكنب وجلس ريم بجنبه:ريم
ريم رفعت عينها وهي تبلع العبره وتدعي على نفسها من هاالعبرات اللي تجي وتروح
سعود حس عليها انها مرتبكه مسك يدها كأنه يهديها : ليش نحفانه كثير
اقول له اقول نحفني غيابك وبعدك عني : اسوي رجيم
سعود:هههه ايش فيك تسوين رجيم جسمك عاجبني بطلي رجيم
هزت راسها بمعنى طيب بعدها فكت يدها : راح اجيب القهوه
سعود يمسك يدها ويجلسها :تعالي ماابي ولاشي ابيك انتي وبس
كان ودها تطلع حتى تنزل هاالدموع اللي يطقون الباب
قرب سعود وباسها مع خدها :احبك
بلعت ريقها وهي نفسها تتكلم معها بس ماتدري ايش يصير لها لاتكلمت وياه
سعود:ريوم ايش فيك
ريم ياويلي حس علي لازم اطلع شوي وقفت:شوي واجي
وقف لها :وين..؟ فيك شي حبيبتي
ريم ماقدرت تمسك نفسها ونزلت دموعها
سعود فتح عيونه مصدوم وبهدوء:ريم (رفع وجهها بيده)ليش الدموع ..؟
ريم شهقت وصارت تصيح بصوت عالي خالي من النعومه ههههه
سعود يطالع وجهها ارتاع وضمها وهو يهديهاا :
ريم بحضنه وهي تسب بنفسها ايش بقوله الحين وشلون برد عليه اقول لاني اشتقت لك وفاقدتك اصيح لاماابي اقوله يااربي ايش اسووي
سعود ساكت وهو يسمع شهقاتها حتى تهدى ويتكلم مع نفسه بخوف:لايكون مغصوبه علي تكفين ماابي جرح ثاني خليني اتهنى معك لاتحرميني منك
حس ان ريم هدت رفع وجهها وهو يمسح دموعها :قلبي لاتخوفيني عليك ايش فيك
ريم ودها تضحك على نفسها حست انها اهبل بنت في العالم :مافيني شي
سعود :فيه الف شي لاتخبين علي
ريم :عن اذنك ابغسل وجهي
سعود يبوسها :غسلي وجهك وتعالي بسرعه وبتقولي لي كل شي
ريم تهز راسها بعدها طلعت
سعود يطالعها بحزن وبعدها جلس بضيق وهو يتمنى ماتنكسر فرحته زي كل مره طالع ملابسه امتلت كلها بكحل ريم ضحك بخاطره حتى روجها ممسوح فيه من غير شعور رفع تيشرته وباسه وتلفت لاحد شافه وهو يضحك

ندى بغرفه ريم فاتحه لابتوبها وتنتظرها على احر من الجمر فزت بسرعه وهي خايفه :ريم صار شي
ريم تضحك :اللي صار ان اختك خبله ولاتعرف تعبر عن مشاعرها الاباالصياح
ندى مستغربه:ايش قصدك
ريم بضيق : مدري ايش صار لي ياندى احس مشتاقه له باالحيل ولاقدرت اعبر عن مشاعري فجأه جلست اصيح عنده بصوت عالي هو كذا الحب ياندى ..؟
ندى ماقدرت تمسك نفسها :ههههههههه لايكون بكيتي عنده
ريم :وبأعلى صووت
ندى : راح الرجال وطي انا وانا اختك يجيني مغص لاسمعت صياحك الخشن شلون هو ..؟ههههه
ريم تدفها :ماني فاضيه لاطنازتك بعدي اعدل وجهي قربت عند المرايا وشهقت
ندى :هههههههههههههههههه
ريم ماسكه وجهها :ياويلي كيف وجهي طلع كذا
كان وجها اسود من الكحل اللي سال
ندى :اه يابطني الله يفرج على سعود والله انك تحفه ياريم
ريم تصيح :تعالي ساعديني
ندى :بسك من البكاء
ريم :ياربي انا مدري ايش فيني بس ابكي لاحول الله قامت بسرعه تغسل وجهها وتمسح باالفوطه ورجعت ترسم الكحل
ندى تطالع فيها وتضحك عليها وريم مطنشتها :ريم تراك طولتي على سعود
ريم :ندى ايش اقوله
ندى تهديها:عادي حبيبتي يمكن لانك مرتبكه بكيتي كذا
ريم : ماني قادره اقول له شي عن اللي بداخلي العبره تخنقني
ندى:هذا دليل انك تحبينه وتحبينه موت بعد
ريم: لاتقولين كذا انا فاقدته بس حتى ماادري عن مشاعري من ناحيته
ندى:ياحبيبتي ايش غير كذا الحب وااضح من عيونك يله انزلي وقولي له اني من كثر ماني مشتاقه بكيت
ريم:مستحيل
ندى:ريم لاتكابرين هذا زوجك له حق يسمع الكلمه الحلوه ويفهم مشاعرك من ناحيته انتي مو صغيره علشان اعلمك
ريم :طيب ابنزل الحين

سعود قلق ان ريم تأخرت اتصل على جوالها لاكن كان عنده باالمجلس لمحها تدخل عليه ابتسم لها
ريم بادلته الابتسامه وجلست وقف وجلس بجنبها :تاخرتي
ريم بهدوء:اعدل شكلي وتأخرت
سعود وهو يحاول يحس اذا ريم مغصوبه عليه او لا:انتي قمر لو ماتسوين شي
ريم ابتسمت بحياء
سعود يحط يده على كتفها كأنه خايف يفقدها :ريم ماتبين تقولين ايش فيك
ريم سكتت وهي تتذكر كلام ندى
سعود :كان لي خاطر عندك
ريم تاخذ نفس وتحاول تتشجع وتقوله :كنت ...
سعود:ايش
ريم :كنت مشتاقه لك
سعود :ياقلبي وانا مشتاق لك اكثر بعدها سكتت .وتكلم :ريم ابي الجد كل هاالبكاء علشان مشتاقه لي اكيد في شي مخبيه علي
ريم :والله العظيم مافي شي بس مشتاقه لك حيل ولاقدرت اتحمل شوفتك
سعود مفتح عيونه وهو يسمع هاالكلام من ريم معقوله تبكي لاجل انها مشتاقه لي انا طالعها مصدوم وهو راح تفكيره لشي ثاني
:ريم صدق..؟
ريم :اسفه اقلقتك
سعود يضحك :وهو يقربها له اكثر :ياااااااااااحبيبتي قولي مشتتاااقه لك وانا افهم خذتي قلبي من صياااحك راح تفكيري انك مغصوبه علي
واناااا مشتتتااااق لك اكثررررر ياعيوني خلاص مااقدر اتحمل راح احدد زواجي بعد ثلاثه اسابيع
ريم تضحك :بهاالسرعه مايمديني اتجهز
سعود بجديه: راح اسااعدك انااا بكل شي بس اهم شي نتزوج بأسرع وقت
سعود:حبيبتي عطيني رايك
ريم تفكر:امممم
سعود :ريم مااتحمل اكثر من كذا
ريم : خلينا نقول ليااسر
سعود:يااسر خليه علي اذا ماوافق خطفتك من بكره

الخميس ...
العصر..
ندى حست ان امها مروقه ومرتاحه وقادره انها تفهمها حكت لها كل شي وهي تطالع وجهها وتنتظر رده فعلها
ام ياسر بصدمه:يعني ابو راشد هو اللي سوى كذا !!
ندى :يايمه الرجال هرب بعد مااوصل له خبر انهم قدروا يوصلون لنا يعني ليش يهرب مع انه رجع لعياله
ام ياسر:ماني مصدقه
ندى :يمه هدي من نفسك ام راشد تشهد ربي بكل كلمه تقولها لاجل ترتاح وبس ماهمها نصدقها او لا ..ايش مصلحتها منا جزاها واخذته
ابو راشد جبان لو ماهو مجرم كان ماهرب حتى رقمه غيره لاكن مصيره مكشوف وماخذ عقوبته بدنيا او اخره لان مافي شي يثبت عليه
خلينا نرجع المياه لمجاريها وربي هي تتعذر وتتسمح منا لانها الهثت وراء زوجها لاجل مايتزوج عليها نست اخوها وعياله
ام ياسر تستوعب كل اللي قاعده تقوله ندى تذكرت صالح ليش خايف انه يعطي هيله الورث رغم انها ماتحتاجه الا لان زوجها الطماع وراها حست انها بدت تصدق اللي تقوله
ندى تبوس راس امها :طلبتك يمه خلينا نروح لها هي مريضه ومالها احد غير بناتها
ام ياسر :ندى خليني الحين لحالي
ندى توقف:ان شاءالله يمه

ياسر مع ريم باالصاله تحاول فيه يقول لها كل شي لاكن مطنش فيها ويطالع التلفزيون وباله بعيد
اتصل سعود على ياسر بعد اعطته ريم خبر انها معه ..
ياسر يطالع ريم :سعود متصل
ريم تبتسم
ياسر:هلا ومرحبا
سعود:هلافيك
ياسر:وين ...؟ وين الناااس
سعود:اسأل اختك ..
ياسر:اختي ليش..؟
سعود:انسى خلاص ... قول لي ريم عندك ..؟
ياسر :ايه
سعود: طيب ياالحبيب شخبارك انت
ياسر:ايش فيك انت شكل وراك شي وزجتك تتبسم ماهي باالعاده ههه
سعود:السالفه ياخوي اني حددت زواجي
ياسر :ههههه هي خلها توافق عليك بعدها حدد
سعود:لاياشيخ خلاص اتفقنا انا وهي
ياسر:يعني امورك تمام
سعود:ههه تمام التمام
ياسر:وتبي زواجك متى..؟
سعود:بعد ثلاثه اسابيع
ياسر :اقول ياالمطافيق انت وهي مافي زواج ..
سعود:وليش ههه
ياسر: متى يمديكم تتجهزون
سعود:لاماعليك في هذي متفقين عليها
ياسر :خلاص موافق بس ترى عندي شرط بعد
سعود:امر
ياسر :لاعاد اشوف رقعه وجهك باالبيت الابعد الزواج دام الممده قصيره
سعود:اقول لايكثر زوجتي وحلالي
ياسر:هذا شرطي ولاخليت زواجك باالعطله الجايه
سعود:طيب يصير خير بس يعني موافق احجز القاعه واجهز بيتي
ياسر : لاتحسب اني بزر تسلك لي تراه جد
سعود:هههه خلاص اتفاهم مع ريم

بعد اســــبوعين ...ريم انشغلت باالتجهيز.. اما سعود يأثث الدور الثاني من بيتهم اللي بيكون بيته هو وريم بمساعده عفاف وامه اللي اقتنعت غصب عنها بريم وماانسى زوجه يوسف اللي لها دور كبير..
نزل من شقته بتعب ودخل غرفته استغرب من وجود لمياء !!؟ كانت (هاالفتره )علاقته معها جافه مره ابتسم لها :لمو بغرفتي له له اكيد الدنيا صاير فيها شي ..؟
لمياء :سعود عندي كلام ابقوله لك
سعود يجلس ينتظرها تتكلم
لمياء بأستعجال كانها تبي هاللحظه تجي حتى تسأله وتطمن قلبها:سعود فهمني ايش بينك وبين نوف وانت خلاص راح تتزوج بعد اسبوعين ..
سعود طالعها بضيق :لمياء انتي فاهمتي غلط
لمياء :سعود اكذب عيوني ؟!!
سعود:مابيني وبينها شي انتي تعرفين نوف اكثر مني
لمياء :اللي اعرفه انها تحبك
سعود:وهي ماتمثل لي اي شي نوف مثل ماتكرهين حركاتها وجرائتها انا مثلك
لمياء :يعني شلون تبي تقنعني مابينكم شي
سعود: من ناحيتي انا لا ومثل ماتعرفين نوف جريئه
لمياء عصبت :بس انت كنت ساكت وكأن الوضع عاجبك
سعود:ان انصدمت من حركاتها فمااقدر اتصرف بسرعه
لمياء تسكت وهي تفكر
سعود :لمياء شيلي هاالافكار من راسك محتاج لفرحتك ووقفتك معي الحين يله ساعديني بتجهيز بيتي يهمني ذوقك
لمياء متردده
سعود:قلت شيلي هاالافكار
لمياء وقفت بتطلع
سعود:وين رايحه يله البسي عبايتك وخليني اطلع وياك تراني فاقد لسانك هاالايام
لمياء تبتسم وطلعت بسرعه
سعود حس براحه وحمد ربه انها جت بنفسها تسأله.. قام يبدل لبسه على السريع وطلع بعد ماارسل لريم مشتاق لشوفتها كثيير بس ياسر مترصد له كان بينهم اتصال وبس ...
يَ " مُسآء " . . علمْمممممهِ ينتبُه علىْ نفِسهُ " كثثثثثيرْ !
كِثر ُ { ..عشِقي ْ.. كثررُر حبيْ ’
........................... وكثرُ
ححححبْي [ .. لشُشششوفتِه !

ام ياسر طول هاالاسبوعين والكلام اللي قالته ندى يتردد عليها قررت تروح بنفسها لام راشد وتتكلم معها
ام ياسر :ندى
ندى :امري يمه
ام ياسر :تجهزي علشان تطلعين معي
ندى:على وين..؟
ام ياسر:قلت جهزي نفسك ولاتعلمين احد بسرعه قبل لايجون اخوانك
ندى مستغربه:طيب يمه
اسرعت لغرفتها اما ام ياسر فاخذت عبايتها وانتظرت ندى عشر دقايق ونزلت:خلاص جهزت
ام ياسر :سنه علشان تلبسين ؟؟!بسرعه البسي عبايتك واطلعي وقفي لنا ليموزين
وقفت لهم السياره وركبوا :ام ياسر : اعطيه عنوان عمتك
ندى :عمتي.؟!
ام ياسر :ايه بسرعه
ندى حست بفرحه داخلها لاكن بنفس الوقت خافت من موقف امها بعد اللي قالت لها..؟

نوف قلبها يموت عشرين مره بااليوم ماتخيلت احد يقدر يوصل لحبها رغم انه اهانها لاكن مازالت تحبه وقفت مخنوقه تمشي محتاره الى متى وانا افكرغبيه وحماره لازم انفذ كلامي
طالعت رقم عبدالعزيز بقرف من يومين وهي بدت تكلمه ماتدري ليش اعطت نفسها فرصه تكلمه يمكن تعاند مشاعرها اللي ماتبي غير سعود وفكرت تضغط على نفسها حتى تنسى ولاقدرت ..؟ طنشته ولاردت عليه اليوم مالها خلق ابد لمصالته
نوال تضرب الباب عليها:نوف
نوف :ايش جابك انتي بعد
نوال :افتحي الباب دقايق
نوف:ماني رايقه لك روحي عن وجهي
نوال تغير حالها من اسبوع قررت تطلع من عزلتها وتعيش حياتها بعد ماتعرفت على وحده من صديقاتها قدرت تطلعها من اللي هي فيه :نوف خلينا نتطمن عليك من كم يوم وانتي ماتنشافين
نوف تفتح الباب ووجها شاحب وبعصبيه: هاتطمنتي انا بخير
نوال تمسك الباب بيدها وبجديه :نوف لاتصيرين مغفله كذا خلاص الرجال بيتزوج انسيه وانتي عيشي حياتك لاتربطين سعادتك بشخص واحد
نوف تصكر الباب بوجهها بعصبيه :روحي لسجنك ياالمريضه
نوال واقفه وهي متعوده على كلام نوف الجارح تنهدت بخيف ونزلت عند امها ..

عهد جالسه برا ومعها هديل
عهد: ماعاد فيني صبر مشتاقه لساامي حيييل
هديل:لحد الحين ممنوعه الزياره
عهد بحزن:ايه حتى ساره ماترد على اتصالاتي احس خايفه فيه شي
هديل : ان شاءالله خير ياقلبي لاتزعلين نفسك حنا جالسين برا نغير جو يمكن انشغلت شوي مع صاحبتها ريم ااقصد بنت خالي
عهد: بنت خالي اه ياحلو هاالكلمه ماتدرين قد ايش انبسط لاجت لسانك
هديل تفكر بحزن: تمنيت فرحتي تكتمل بأبوي لاكن كل مره ننصدم فيه هاالدنيا عجيبه حيييل
هديل تسمع ضرب الباب قامت بخوف :من جاي
عهد توقف :تأكدي قبل لاتفتحين الباب
هديل :مين ..؟
ندى:انا ندى
هديل تلتفت لعهد وهي تبتسم بعدها فتحت الباب
ندى تدخل ووراها امها
هديل:هلا ومرحبا نور البيت
ندى :بنورك حبيبتي تقدم لعهد تسلم عليها
هديل مستغربه من اللي مع ندى تقدم بتردد وكانها تتسائل من انتي
ندى تلتفت على هديل :هذي امي
هديل فتحت عيونها :ام ياسر
ام ياسر تكشف غطى وجهها
هديل ارتبكت وتقدمت تسلم عليها
وبعد ماسلمت على عهد دخلت داخل ...
وقفت بأول الغرفه وهي تطالع ام راشد المريضه باين التعب هلك جسمها كثير
ام راشد تركز بملامح ام ياسر كأنها تتأكد اللي تشوفه
ندى :كيفك عمه ..؟
ام راشد مازلت عينها معلقه على ام ياسر وهي مصدومه بجيتها للبيت وبتردد :ام ياسر ..؟!!
ام ياسر قربت بخطوات بطيئه ونزلت لمستوى ام راشد وهي تطالعها بصمت كأنها تدور الصدق بعيونها
ام راشد نزلت عيونها بحزن على الارض
هديل واقفه بتوتر عند الباب
ام راشد تقوي نفسها وهي تتكلم مع ام ياسر : حياك الله ياام ياسر
ام ياسر ماتدري ليش ماقدرت تتكلم ظلت تطالع ام راشد بصمت
ندى :عمه خبرت امي بكل شي واصرت تجي هنا
ام ياسر : ام راشد علميني الحقيقه وانا مستعده اسامحك حتى لو انتي اللي ذبحتي اخوك بس قولي الحق احلفك بربك
ام راشد بضعف : الله مايخفى عليه شي وان كان كذبت باللي قلته جعلها فيني وبعيالي
ام ياسر تطالع ام راشد اللي باين على وجهها الجديه
ام راشد :روحي اسألي الناس عن ابو راشد اللي اختفى من درى عنكم الله لايوفقه بحياته صدقيني ياام ياسر انا مانطقت بشي الا لما دريت عن اللي سواه ظالم ولايخاف من ربه ظلمني وظلم عيال اخوي معي صدقيني ياام ياسر صدقيني
ام ياسر بهدوء وهي تبلع ريقها :مصدقتك ياام راشد مصدقتك
ندى تبتسم بفرحه وهي تلتفت على عهد
ام ياسر :سامحيني ياام راشد على كل اللي سويته فيك ..
ام راشد :بس ياام ياسر لاتعتذرين ماانسى جميلك يوم تنازلتي عني علشان تلمين شملي مع عيالي مانسيته وماني ناسيته طول عمري وكل اللي سويتيه لي من حقك تسوينه واستاهل كل اللي يجيني منك
ام ياسر تقرب وهي تحب راس ام راشد ودموعها على خدها
ندى قامت بفرحه وتضم عهد لها هديل تقدمت بسرعه تضم ندى

الســآعه 10 الليل ...
رجعت ريم من السوق وهي حاسه بأرهاق كبير خلاص انهت كل شي وبقى هالاسبوع ترتاح فيه انسدحت على السرير وهي تتألم من ظهرها
حتى ارتااحت شوي اخذت الجوال اللي يدق ابتسمت بحب :اهلين
سعود ينتظر لمياء تطلع له من المول :هلاحبيبتي
ريم:هلافيك
سعود: ابي هاالايام تسررع مشتتتاق لك عذبني اخوك هذا
ريم :ههه وانا اكثر
سعود:اكثر ايش..؟
ريم بخجل:مشتاقه لشوفتك
سعود طالع اخته لمياء جايه: حبيبيتي لمياء اختي جايه اتصل فيك اول ماارجع من البيت
ريم بحنان:طيب انتظرك ..
دقايق ودخلت ندى :ريم جيتي..؟
ريم : وينك اتصل ماتردين
ندى: كنت طالعه مع امي في شي بقوله لك
ريم :ايش
جلست ندى مع ريم وقالت لها كل اللي صار
فتح ياسر باب الشارع ودخل قابله جاسم اللي بيطلع :هلاياسر ابشرك انقبلت بالوظيفه
ياسر فرح له لاكن يشوف بوجه جاسم الشي اللي يضيقه نطقها ببرود:مبروك يالغالي بعده خلاه وراه ومشى لامه
جاسم يكلم نفسه :ايش فيه علي هذا ..؟!
ياسرمقرر يكلم امه بموضوع عهد مره ثانيه وهو يتمنى انها متمسكه برايها ومازالت رافضه حتى يمسك بخيط امل ان ياخذ ساره لو بسيط وراح يقول لريم وهي تتصرف مع جاسم بس باالاول ادخل اقول لامي الحين حتى يرتاح ضميري واخبر سامي بأن امي رافضه
ضرب الباب عليها وهي تستعد تنام :هلا بوليدي
ياسر يبتسم بحنان :ازعجتك..؟
ام ياسر :لا توني مانمت بغيت شي حبيبي
ياسر يدخل :بس بتكلم معك شوي
ام ياسر تعدل جلستها على السرير وتجلس :في ايش
ياسر يجلس على طرف السرير وهو يطالع الارض :بخصوص عهد
ام ياسرحزنت على عهد:ليش سامي يطلقها وش ذنبها
ياسر يطالع امها:يمه غصب عنه يبي يضمن حياتها
ام ياسر سكتت وهي تفكر
ياسر :يمه ماابي ارد سامي وهو بهاالوضع
ام ياسر :خلاص ياوليدي سو اللي انت مرتاح له وعهد تستاهل اللي يقدرها وبيعوضها ربي
ياسر وقف مصدوم :يعني موافقه
ام ياسر تبتسم:اي الله يوفقك ويفرج على سامي قريب
ياسر ساكت وهو مو مستوعب
ام ياسر :اجلس ياسر ابتكلم معك بشي
ياسر يتقدم ببطئ وهو مصدوم كثير
ام ياسر: عمتك..؟
ياسر :وش فيها
ام ياسر : تدري ان اللي قتل ابوك زوجها
ياسر يناظر امه وعيونه تستفسر بأنها توضح اكثر
ام ياسر :ياوليدي بانت الحقيقه ومصير كل مظلوم ينصره ربي بعدها قالت له كل شي صار ...

السبت ...الساعه 7 الصباح ..المنبه يرن عند راسه صحى بسرعه وهو يطالع الساعه ماحس بنفسه وهو نايم طول هاالوقت من بعد ماكلمته امه عن عمته وانها موافقه ياخذ عهد وغير كذا اكتملت عليه بانهم راح يتقدمون لساره اليوم دخل لغرفته منهار وماحس بنفسه الا الحين مسك راسه يخفف هاالصداع عنه وهو يهمس بينه وبين نفسه جاسم بيتقدم لسا

خلونا ندخل على البــآرت ..22

خلاص ابرحل والسبب كثر الاحزان وقلوب ناس ظالمه ماارحمتني
عمري بقايا جرح واهات واحزان عمري سنين بائسه مارحمتني
عمري الم غربه مع جور الازمان عمري سراب والصحاري خذتني
عمري قضيه بين خاين وخوان اخلصت حبي والقلوب اخدعتني
كلي جروح وداخلي قلب ضميان اشرب همومي والالم فوق متني
عمري ظلام وحزني وجرح خلان خلي ظلمني ودمعتي احرقتني
عمري سجين وضحكتي خلف قضبان مظلوم في دنيا رديه اظلمتني
عمري زهر بس للاسف صار ذبلان وكل البحور بكبرها ماسقتني ..
ياللي بتسألني ترى الجرح ماصان الاجروح وسط قلبي غزتني
وعيوني ياللي دمعها فوق الاوجان دموع من ظلم الحبايب كوتني

~~
اخذ نفس بعد مابعد مسافه بعيده مد يده بسرعه يفك اللثمه رفع الجوال فتش على الصور وجمعها برساله وارسالها لنوف..
نوف تمشي باالغرفه بتوتر تنتظر اتصاله سمعت صوت مسج فتحتها بسرعه طالعت الصور ومن غير شعور غمضت عيونها رجعت تفتحها وهي تدقق بملامح (منار) اذا هي او لا ابتسمت ابتسامه تحدي.. قطع عليها فرحتها اتصال عبدالعزيز( كشرت وجهها طنشته وجلست على السريروهي تحط رجل على رجل وتتنهد :اخيرا تنفذ اللي في بالها ههههه وااو الحين انفتحت نفسي احضر زواجه قامت ونزلت تحت لامها والفرحه باينه على وجهها
عبدالعزيز كرر الاتصال لاكن مايلقى رد :افف ليش ماترد .. ؟!
حرك سيارته وهو يتصل فيها مره ثانيه ..حط يده على شعره وهو ينتظره ترد ولافي رد طالع الجوال بأستغراب كانت نوف تنتظره والحين ماترد رجع يتصل كذا مره ..:لايكون نامت هاالغبيه ..؟

الجازي تفطر مع سالم ..ابتسمت بحنان وهي تشوف نوف نازله من الدرج:هلاببنيتي هلا
نوف تبتسم و تبوس راس امها
الجازي حست براحه وهي تشوف نوف مرتاحه من جت من ابها ونفسيتها زفت :تعالي حبيبتي افطري ..
نوف بدلع :ماما ابي اطلع اتسوق باقي ماشريت فستان لزواج سعود
الجازي مستغربه من نوف :لا مو انتي تقولين ماراح احضر
نوف :امم لا خلاص ابروح
الجازي :خلاص اطلعي اخذي لك احسن فستان
سالم يشرب الشاهي :لاتطلعين مع السواق ابوصلك انا...
طلعت تتسوق حتى مرت ساعه حصلت غرضها بسرعه وطلعت من المول وهي متضايقه من اتصالات عبدالعزيز ...
نوف :ياربي من هالغثه طنشته وركبت مع سالم
عبدالعزيز مل من كثر مايتصل جلس يفكر بينه وبين نفسه لايكون تلعب على حبلين هذي ؟؟! (تنرفز منها )وارسل لها (حبيبتي وينك ..؟
طالعت رسالته وهي تضحك على غباءه وبهمس بينها وبين نفسها:غبي غبي صدق ههه

الســآعه 10 الليل .. زواآآآج سعود وريم ...
نحتفل نضوي الشموع و نبتسم للحب
نجدد أيام السعاده و الهوى فينا...

ريم :تعبتك معي حبيبتي
ساره :اذا ماوقفت معك من اوقف معه
ريم وهي تتأكد من الميك اب :ربي لايحرمني منك ..
طلعت ندى من ريم واتجهت للقاعه تستقبل الضيوف والبسمه مافارقتها كانت لابسه فستان ابيض وبخصرها حزام فضي عريض صايره مميزه بين الحضور
قربت عهد بجنبها مدت ندى يدها بحب حتى قربت جنبها عهد باين عليها الارهاق والهم رغم انها حاولت تخفيه باالمكياج مسويه شعرها كيرلي ولابسه فستان ذهبي ناعم
ندى:وين عمتي ..؟
عهد تلتفت على امها اللي مع ام ياسر :هناك
ندى تطالعهم وهي تبتسم براحه
ام يوسف تسلم على ندى ولمياء وراها لفت راسها واستغربت من نوف اللي داخله
نوف كانت لابسه فستان توب لنص الفخذ وردي مع فضي مبين جمال جسمها ونعومتها قربت للمياء وهي باين على وجهها الشماته :اهلين
لمياء تسلم عليها ببرود وتحاول تغيظها:غريبه جايه؟؟!
نوف بأستهزاء:اكيد مو ولد خالتي لازم احضر وابارك للعرووسه بنفسي
لمياء ماارتاحت لنبره صوتها استئذنت منها وراحت لصديقاتها ...
مرت ساعتين وامتلت القاعه باالضيوف ..بدت زفه ريم ...
ساره تهدي ريم وتحاول تونسها باالسوالف قبل ماتنزف قربت ندى تحصن ريم باالاذكار كان شكلها ملفت للانتباه خصوصا جمال عيونها والفستان الابيض اللي مخليها سندريلا
دخلت وهي تمشي بخطوات هاديه وواثقه على الاغنيه الهاديه والاضاءه المركزه عليها وزغاريد اهلها واحبابها وصديقاتها ماليه المكان
نوف وقفت من بين الحضور حتى تجلس قريب وتمتع وهي تشوف الهم مرسوم على وجه العروس ابتسمت بشماته وهي تمشي بدلع .. سمعت صوت المسج من جوالها فتحت الرساله وانصدمت من اللي مكتوب (مو علي ياماما تمشي هاالحركه وربي لو ماتردين علي ان اخبر سعود ولد خالتك اللي هو صديقي عن علاقتي بك.وغير كذا ازود كلام من عندي .. لك دقيقه بس ان مارديتي راح اروح له واخبره على فكره كل مكالماتك مسجله)
انتظر عبدالعزيز اتصالها وهو يكذب مافي اي تسجيل لاكن مجرد تهديد لها
نوف بصدمه :صديق سعود جاء على بالها لما كانوا بالشاليه ..حست بيدها انشلت من الخوف موقادره تتصرف ماتدري انه له علاقه مع سعود راح يفضحها ويكشفها ...
جلست ريم بكل هدوء وابتسامه خفيفه على وجهها
نوف رفعت راسها تطالع ريم و تتأمل ملامحها حست بأستغراب :هذي منار ؟؟ ركزت اكثر وهي تتذكر ملامح منار توترت اكثر ولامره سألت لمياء او اهلها عن اسمها كانت بظنها مناروبس ركضت وشدت كتف لمياء اللي تمشي بأتجاه ريم
لمياء وقفت وهي تلتفت على نوف :اه وجعتيني
نوف وجهها اصفر من الصدمه :لمياء ايش اسم العروسه..؟؟؟
لمياء تطالع وجه نوف بأستغراب :اسمها؟؟
نوف بأنفعال :اي اسمهاا..؟
لمياء:اسمها ريم ليش ماتعرفين..؟؟
نوف حست بدوخه والدنيا تدور حولها : لفت راسها تتأكد اكثر ريم ريم ؟؟؟!! بعدها ركضت من بين المعازيم ولمياء تنادي عليها اخذت عبايتها وطلعت مع السواق ..
مها بأستعجال : لمياءسعود راح ينزف الحين ..
لمياء :ها..؟
مها :ايش فيك
لمياء :ولاشي ولاشي
ساره واقفه بجنب ريم تقدمت عهد تسلم على ساره وبعيونها عتب عليها من كم اسبوع ماترد عليها
ساره ماقدرت تحط عينها بعين عهد سلمت عليها عهد وهي شايله عليها وبعده اتجهت لريم تسلم عليها وتبارك لها
دقايق ودخل سعود باالغتره البيضاء والبشت البيج المطرز باالذهبي بجنبه على اليمين ياسر واليسار ابوه
امير الذوق والرقه ولو يتباهى من حقه
اذا جاني الحلا والزين حبيبي ماخذ حقه
كذا من ربي حبيته بسرعه يوم لاقيته
ياناس اللي تمنيته اخيرا صار محبوبي
سعود يسمع الاغنيه وعينه على ريم تمنى انه يسرع بخطواته اكثر لها حس بشووق يتضاعف اكثر واكثر ابتسم لما قرب عندها
ساره تطالع ياسر اللي يمشي بجنب سعود وهي حاطه الطرحه على وجهها بعدها نزلت عينها بحزن تمنت ان هو اللي يكون بيوم زوجها مو جاسم
وصل سعود وجلس بجنب ريم مسك يدها بكل حب وحنان وشوق وباسها مع خدها :الف مبروك علينا ياعمري
ريم تطالعه بخجل وبفرحه بداخلها كانت متوتره لاكن بقربه حست باالامان والراحه ..
ياسر واقف مع ام ياسر وهي تبارك للعروسين سمع احد من وراه ينادي ساره من غير شعور طالع المكان يدور عليها لمحها جايه للي تناديها طالعها وهو ناسي اللي حوله ساره انحرجت من من نظراته اسرعت بخطواتها بتجاه امها حس على نفسه وابعد عينه بحزن ..

نوف باالسياره تحاول تفهم اللي يصير معقوله مو منار معقوووله!! ويني انا ليش ماسألت ؟؟هو يحبها وربي يحبها يحب منار .. تذكرت رساله عبدالعزيز حست باالخوف ماهي قادره تفكر ايش تسوي ..؟وصلت للعماره فتحت باب السياره بسرعه وهي تركض على الدرج حتى وصلت للشقه اللي كان الباب مفتوح شوي دفته بخفيف وهي ماتدري ليش جايه حست انها انجنت وجايه تتأكد من جنونها مشت بخطوات هاديه ومتوتره تتلفت حتى وصلت للصاله حست ان الشقه فاضيه رفعت صوتها وهي خايفه: م م منار
مافي رد تقدمت قدام وبدون قصد طاحت عينها على المطبخ فتحت عينها بقوووه كانت انوار الشارع معطيه نور خفيف على المطبخ اسرعت تشغل النور بعدها صرخت وهي تسد فمها تمنع صدمتها كانت منار على الارض وغرقانه بدمها طالعتها بصدمه رجعت لوراء بخوف ودموعها تنزل ماتحملت هاالصدمه:منار م م ركضت مثل المجنونه وهي تصيح بصوت تحاول تكتمه حتى طلعت من العماره وهي تتكلم مع نفسها مثل المجنونه
:قتلها ..؟انا السبب ليش تقتلها مو منار زوجه سعود ريم لا لااااااااا طاحت على ركبتها بالشارع وهي تبكي
نزل السواق بخوف :نوف ايش فيه انتا نوف
نوف راسها منزل باالارض وبهمس كانها مو مصدقه :ماتت ماتت
السواق:مييين مووت
نوف ترفع وجهها وهو كل دموع وبصرااخ :مااااااااااالك شغللل وقفت وهي تحاول تتماسك بعدها فتحت السياره..وهي ترتجف
السواق بخوف ركب السياره واتجهه للبيت
عبدالعزيز يكرر اتصاله ونوف يزيد بكاها كل ماطالعت رقمه ...حست باالضعف اكثر واكثر وردت بصوت مخنوق :الو
عبدالعزيز ابتسم :اهلين حبيبتي يعني ماتجين الابالتهديد
نوف بذله وهي تبكي :عبدالعزيز الله يخليك لاتقول شي لسعود وربي يموتني
عبدالعزيز :اها اوكي انتظرك الحين تجين ابيك في اي مكان
نوف بخوف :مااقدر وربي ماقدر اطلع معك
عبدالعزيز بجديه:تقدرين ولا يكون لي تصرف ثاني معك ..
نوف :سكتت وهي تمسح دموعها بعدها نطقت :خلاص وين انت ..
عبدالعزيز :اعطاها العنوان وقطع الخط بوجهها ..
نوف حطت يدها على وجهها وهي تبكي بعدها طلبت من السواق يوصلها للعنوان وبدون مايخبر اهلها ..

الساعه 2 فــي الفندق ...
سعود بجنب ريم :ماني مصدق لحد الحين انك ملكي حياتي
ريم نطقتها بصعوبه:ربي لايحرمني منك
سعود: طيب حبيبتي دقايق اطلب عشاء
ريم توقف
سعود:وين ..؟
ريم بأبتسامه :ابدل ملابسي
سعود يبادلها البسمه:لاتطولين اشتاق لك ترى
ريم ابتسمت بخجل و مشت للغرفه حتى تبدل ملابسها
طلب سعود العشاء واخذ جواله المقفل من المغرب وفتحه وهو ينتظر ريم حتى تطلع
دقايق وصلت له مسجات فتح المسجات على السريع حتى وصل للمسج اللي زلزل كيآآنه من رقم غريب (الف مبروك ياسعود الله يهنيكم مع بعض..هههههه > كانت من نوف لاكن من رقم ثاني ...
سعود وقف وهو يطالع الصور الف مره كانت صور لمنار وهي عريانه :منار؟؟ رجع يتأكد.: هــي مستحييل | اتصل باالرقم لاكن مغلق ماقدر يتحمل فتح الباب وطلع بدون مايعطي ريم خبر ...

نوف حاسه بقرف وعبدالعزيز بجنبها كان ودها تصرخ لاكن ماتقدر نزلت عيونها ودموعها على خدها
عبدالعزيز :له له ياكتكوته ماابي دموع مو انتي مشتاقه تشوفيني خلاص هذا انا بجنب
نوف تدعي عليه بقلبها
عبدالعزيز قرب اكثر حتى لصق بجنبها ويبوسها
نوف استسلمت له بخوف بعدها بدى يلمس شعرها
نوف ارتجفت من الخوف وبعدت عنه
عبدالعزيز اعطاها نظره وبعدها طلع للمطبخ ..
استغلت نوف الفرصه ماهي قارده تتحمل راح تموت لو سوى لها شي دخلت الحمام وهي مقفله الباب تتهرب عنه قربت عند الغساله تغسل وجهها بقرف من بوسته بعدها جلست على طرف البانيو وهي ضامه يدها تهدي نفسها
طلع عبدالعزيز واستغرب ماهي موجوده قرب من الحمام يضرب الباب
نوف :نعم
عبدالعزيز : انتظرك باالصاله
نوف بهمس :الله ياخذك يارب تموت يارب وهي تشهق باالبكاء بصوت خفيف

دقــآيق وطلعت ريم لابسه قميص سكري طويل وعليه روب يجمع الفخامه والنعومه وعطرها مالي المكان دخلت الصاله استغربت ان سعود مو موجود :آكيد طلع يجيب العشــآء جلست تنتظره ..
سعود اسرع بسيارته بأعلى سرعه وهو يطالع الصور ويتســأل بداخله ايش المقصد من الكلام والصور وليش مناااار؟؟ نزل مثل الاعصار وهو يركض على الدرج فتح الباب وهو يصرخ :منااااااااار منااااااار تقدم لغرفتها المفتوحه يدور عليها منااااااار قرب للمطبخ بعدهــآ وقف وعينه عليهـآ قرب بخطوات ثقيله وهو ماهو مصدق اللي يشووفه حتى وصل للمطبخ فتح فمه بهمس:منار
منار شعرها مغطي نص وجهها السكين بيدها والدم سايل على يدها والارض كان شكلها فضيع ماتتحمله القلوب صارت ضحيه لعبدالعزيز من بعد اسيل اللي قابلتها باالشقه .. سعود نطق اسمها وشفايفه تهتز منار منار خلاص اتلفت اعصابه قرب عندها يهزها بقوه وهو يصرخ باسمها ويتأكد اذا حيه او ميته ماتحمل الموقف كان صعب عليه منار اللي كان يخاف عليها هذي قدامه مقتوله جلس لمستواها نزل راسه على صدرها يحاول يسمع اي نبض لاكن جسمها كان بارد وخالي من اي شي يدل انها باقيه حيه رفع راسه قريب عنها وهو يبكي ويهزها مثل المجنون ..

ريم اتصلت عليه بقلق بعد ماحست انه تأخر ..
سعود كـآن على حاله الصدمه شلته سمع جواله يرن تجاهله قام بتعب يمشي مهدود حيله ودموعه على خده نزل عند الحارس اللي نايم دخل عليه ومسكه مع ملابسه بقوه قـآم من النوم مفزوع :ايييه في ايييه
سعود شاد على صدره والحروف تطلع منه بثقل ونظراته مركزه على وجه الحارس:من اللي دآخل على منار اليوم ..
الحارس مل من كثر منار ماتطنشه صار مايصعد لها لابغدا ولاعشاء :مااعرفش ماشوفت حد
سعود شااد على اسنانه :ماكنت عند الباب تشوف الداخل والطالع
الحارس بخوف:والهي مافيش احد زارها
سعود بصرااخ:منااااااار ياحقيير انقتلت تعرف ايش؟؟ ماااتتت كيف تقول ماحد صعد فوق لهاااااا قلي كيف
الحارس :هااا ماتتت ياسعود والهي ماشفت احد والهي
سعود يسحب يده ويطالع الارض بحزن:اتصل باالشرطه
الحارس يوقف مرتبك:حاضر حاضر
عشر دقايق تجمعت الشرطه حول الشقــه انقلوا منار للمستشفى وسعود لتحقيق ...

نوف مقفله عليها الباب
عبدالعزيز بعصبيه :لا تموتيني ضحك يعني بتظلين هنا كم ساعه وانتي تتهربين مني
نوف : مليون ساعه روح عن وجهي
عبدالعزيز مل منها وجلس ف الصاله وهو يضحك عليها ..
نوف حست انها راح تختنق بس مافي احسن من هاالحل رفعت راسها للشباك اذا في امل تهرب لاكن كان صغير
جلست على الارض وهي تطالع الساعه ..
حست ريم بخوف كبير عليه لايكون صــآر له حاجه وقفت تمشي بعدها تجلس دقايق وتوقف
احتـآرت تتصل بآخوانها قــطع حيرتهآصوت الاذآن ..تجمدت رجلهــآ من القلق :طيب رد علي طمني مسحت دمعتها واتصـلت بياسر ..
يــآسر نآيم حس بجواله يهز تحت مخدته استغرب من دآق الحين اكيد اهله يبون يرجعون من القااعه عوره قلبه وهو يشوف رقم ريــم:غريبه ريوم داقه عدل جلسته ورد عليها:هلا ريم
ريم بصوت مخنوق :يـآسر
ياسر :ريم فيك شي ..
ريم ماقدرت تمسك نفسها وصاحت:سعود من جيت الفندق طلع ولاادري ولارجع
ياسر بخوف:آتصلتي عليه
ريم:مايرد قال اطلب عشـآء ولاجـآء
ياسر :خلاص لاتخافين ابجيك الحين ..
ريم :اتصل فيه
ياسر:خلاص اتصـل فيه وارد عليك ..
صكرت منه وهي تهدي نفســها حست باالبرد قامت وطفت المكيف وجلست تنتظر ياسر ..

وقفت نوف بخوف بعد ماسمعت صوت الاذان اهلها اكيد ارجعوا للبيت فركت يدها بعدها فتحت الباب بهدوء حست براحه وهي تشوف عبدالعزيز نايم مشت بخطوات سريعه حتى قدرت تهرب من الشقه وتتجه للبيت ...
دخل يــآسر على ريم حاس انها متوتره خفف عليها وجلس يونسها حتى صارت الســآعه 7 ولافي اي خبر عن سعود وريم تبكي خوف عليه
ياسر احتار ياخذ ريم للبيت مايبي يضيق صدر امه ولايبي يخليها هنـآ لحالها اضطر ينام وياها للظهر وبعدها يطلعون للبيت .
كان سعـود تحت التحقيقات من ثلاث سـآعات اعطى الشرطه كل شي عنها كان يعرف اسمها وبس اما اسمها الكامل او اهلها مايعرف اخذو البصمات على جسمها وانتظرو حتى تطلع النتيجه ..
تجاهل اتصالات ريم وياسر حس انه كاره نفسه وهاالعالم قد ايش فيه قلوب ماترحم ماله خلق لاي شي الصدمه اثرت عليه كثيير

الساعه 10
فتح سعود عيونه وهي مليانه دموع ماتوقع انه بهاالضعف ابد :نعم
العسكري :الضابط طالبك
قام وهو يمسح دموعه ويذكرالله
دخل على الضابط ...استغرب من اللي واقف باالغرفه
سعود بتعب:عبدالعزيز؟؟
عبدالعزيز مستغرب من وجود سعود اكثر :سعوووود؟؟
الضابط :سعود تعرف هاالشخص؟
سعود اعطى عبدالعزيز نظره عابره وبعدها طالع الضابط:واحد من اصدقائي..
الضابط يوقف وهو يمشي عند عبدالعزيز: ايش علاقتك بمنار
عبدالعزيز :منار من منار..؟
الضابط بجديه :اللي بعماره.(...)
عبدالعزيز طاح قلبه وارتجف من الخوف:م م ماعرفها انا كنت بشقتي نايم مادريت الابالشرطه داخلين علي
سعود مستغرب ويتكلم مع نفسه ايش دخل عبدالعزيز باالقضيه حتى هو مايعرف شقه خالد الجديده ولا له دخل بمنار
الضابط: سعود عبدالعزيز يجي الشقه معكم
سعود بخوف:لا الشقه مايجيها احد بس منار هي بداخلها
الضابط :اها ..؟ التفت على عبدالعزيز وقرب صوره منار له اللي كانت بجواله سعود:تعرف هذي..؟
عبدالعزيز حس بدوخه ورجع لوراء من الصدمه ايش جاب هاالصور بجوال سعود
الضابط بعصبيه:تكلم
عبدالعزيز بكذب :مااعرفها
الضابط نادى العسكري ودخل ومعه الاوراق طالع فيها بصمت
سعود يطالع عبدالعزيز وهو موفاهم شي
عبدالعزيز حس راسه بينفجر وهو يتسأل بداخله ايش علاقه هاالبنت بسعود
الضابط :بماا انك يااخ عبدالعزيز ناكر كل شي خذ هاالاوراق
عبدالعزيز يطالع الاوراق كلام كثير مو فاهمه
الضابط: دخلت العماره مع شباك المجلس صحيح ..؟
عبدالعزيز عينه باالارض
الضابط :واغتصبت الضحيه وبعدها انقتلت بصماتك على الشباك وعلى جسمها لاكن الشي الغريب ان مالك اي بصمه على السكين
سعود ماقدر يتحمل هالاستفهمات اللي يتكلمون عنها :ايش تقصد ..؟
الضابط:سعود بعد مااخذنا البصمات طلع هاالشخص اللي قدامك هو اللي سوى كل الجرايم
عبدالعزيز نزل على الارض :والله العظيم ماقتلتها والله العظيم ياضابط
سعود يشوف عبدالعزيز اللي على الارض والكلام يدور براسه يحاول يستوعب قرب عند عبدالعزيز :انت؟؟؟
عبدالعزيز :سعود والله العظيم ماقتلتها انا انا انا
سعود مسك كتف عبدالعزيز وهو يصرخ :انت ايششش انطق
عبدالعزيز:مالي ذنب باالموضوع كله ماكنت اعرف انك تعرفها بنت خالتك هي السبب والله ماقتلتها
سعود بصدمه:بنت خالتي ..؟
عبدالعزيز:نوف نوف هي اللي قالت لييي اسوي كل هاالاشياء واصورها ..
سعود :فهمنييي ايش تقصد
عبدالعزيز بحزن:كنت اكلمها ووعدتني اذا نفذت لها اللي تبي تطلع وياي واقدر اشوفهااا
سعود طالع عبدالعزيز بصمت وهو يسمع كلامه :بعدها دف عبدالعزيز بقوه وطلع يركض لبرااا :نوف تسوي كذا ليش ليييش ركب سيارته واسسرع بأتجااه بيت خالته وهو مثل المجنون مايقدر يتحكم بتصرفاته
دخل البيت وهو ينادي بأسم نووف
وقفت الجازي بأستغراب:سعووود..؟
سعود بصراخ :وين نوووف
خالته بخوف من شكله :بغرفتها ايش تبي فيها
تركها وركض على الدرج وهي تلحقه وتنادي عليه
فتحت عيونها بتعب وهي على الارض كان عليها الفستان وحتى شوزها ماحست بنفسها كيف نامت تذكرت اللي صار امس غمضت عينها ونزلت دمعه حاره على خدها وهي تتذكر شكل منار سمعت اصوات وازعاج واصله لها قامت وهي تحس جسمها متكسر بعدها سمعت ضرب قوي على بابها وصوت امها تهاوش احد خافت ايش اللي صاير تقدمت وفتحت الباب
سعود دف الباب بقوه ومسك نوف مع كتفها وعيونه مثل الشرار وبصراخ :ايش سويتي بمنااااااااااار؟؟
نوف فتحت عيونها بقوه وانفاس سعود الحاره تلسع وجهها انتفضت بخوف وتحاول تفك نفسك مسك سعود اكثر وهو يكرر عليها:قلت ايش سويتي بمنار ياحيووانه
الجازي تسحب يد سعود :وخر عن البنت ايش سوت
سعود دف نوف على الارض وبدا يضربها وهو يقول كلام مب مفهوم
نوف تصرخ من الالم :والله ماسويت شي والله مو انا
سعود يسحب شعرها ويقرب وجهها له :اتفقتي مع عبدالعزيز تكلمينه من وراء اهللك ياللي ماتربيتي وتواعدينه
شد شعرها وهو بشكل هستيري:مااتت منار راحت وخلت هاالدنيا على ادينكم ياللي ماتخافين ربك
نوف استسلمت لضربه :ماقتلتها ماموتها عبدالعزيز اللي سواء مالي ذنب
سعود:اتفقتي ويااه عليها ليششش ليششش ايش سوت لك مافي قلب مافيك رحمه
نوف وهي تبكي :كنت اظنها زوجتك
سعود وقف منصدم من اللي قالته نوف :زوجتي..؟
الجازي طلعت تنادي سالم يفك سعود من بنتها قبل لاتموت بين ايديه دخل سالم ومسك سعود وهو يصرخ عليه
سعود يبعد يد سالم وهو يتمنى يذبح نوف ويخلص عليها شده سالم بقوه :اطلع براااا يااللي ماتسوى تمد يدك على اختي
نوف خشمها ينزف دم وبصوت كله تعب ومخنوق :مالي ذنب ماقتلتها والله والله
سعود وهو يطلع : اختك ماتربت سودت وجيهنا هذا نتايج تربيتك ياخاله بنتك تكلم واحد من اخوياي واتفقت معه بشي العقل مايستوعبه وروحي افتحي جوالها وتأكديي من تربيتك دف سالم على الجدار وطلع من البيت ..
سالم يحاول يفهم اللي صار اخذ جوال نوف المرميه على الارض وامها تحاول تهديها فتح وهو يطالع المسجات الموجهه لعبدالعزيز قام ورمى الجوال على الارض بضيق وسحب شعر نوف بعدها اعطاها كف وهي تتخبى بحضن امها :ناويه تجبين مصيبه لبيتنا
الجازي وهي ماسكه نوف:بعد عن اختك جاي تكمل عليها
نوال تدخل بخوف :ايش صاير
سالم يضرب بأخته حتى اغمى عليها وهي بين يدين امها بعدها اخذ جوالها وجهاز المحمول وطلع ...
الجازي تصيح وبين ايديها نوف تنزف دم وفاقده الوعي:اسرعي اتصلي بالسواق
نوال تركض تتصل بالسواق وينقلون نوف للمستشفى ....

الظــهر في بيت ام ياااسر ...
جاسم يتقلب على السرير وهو حاس الالم يزيد ويخف دخل بدر :جاااسم
جاسم وهو يبين شكله طبيعي :همم
بدر يقرب بضيق:جاسم ريم تحت
جاسم يعدل جلسته :ريم..؟اجل جايه تسلم قبل لاتسافر
بدر :لا سعود طلع من امس ولاعاد رجع للفندق جابها ياسر
جاسم يرفع اللحاف:من جدك
بدر وهو يطلع :اي انزل
ام ياسر تهدي ريم :بنتصل بأهله
ريم ودموعها على خدها :ليش يروح لاهله طيب يرد علي يطمني
ياسر بيده الجوال ينتظر ابو يوسف يرد عليه :السلام عليكم
ابو يوسف :وعليكم السلام هلا ومرحبا ابو صالح
ياسر :هلا فيك اقول ابو يوسف ماجاكم سعود
ابو يوسف :سعود..؟ لا ماجاء ولاشفناه
ياسر يطالع ريم اللي قلقانه:خلاص لاجاكم عطونا خبر
ابو يوسف :في شي ياسر
ياسر : سعود طلع من امس من عند ريم ولاعاد رجع للفندق
ابو يوسف بخوف:من امس
ياسر :اي من امس لحد الحين ولايرد على اتصالاتنا ياليت تطمنونا عليه ياخال
ابو يوسف بأستغراب :طيب اشوف وينه ونتصل فيكم
باالشرطــه ..
سعود لحد الحين النار بقلبه ماانطفت تذكر كلمه نوف كنت اظنها زوجتك ؟؟ استغرب من نوف ليش كانت تظن منار زوجته عرف ليش جت للشقه باالمره اللي راحت و قد ايش هاالحقد بقلب نوف استرجع كلامها لما كانت بأبها والله ارد اهانتك لي في اعز واحد عندك فهم قصدها الحين ؟؟ همس بصوت خفيف بصوت كله حزن: اييه اهنتي منااار اهنتيها يانوف ماتت بعد ماذاقت طعم الاهانه من خالد وعبدالعزيز ومنك تجمع الدم بعروقه ماقدر يتحمل حس بداخله حقد على عبدالعزيز ونفسه يفرغه فيه لاكن الزياره ممنوعه وقف متجهه لعبدالعزيز وقفوه الحرااس باالغصب وهو يصرخ عليهم حتى مسكه العسكري وطلبه منه يدخل على الضابط
دخل سعود وشكله مبهذل
الضابط : يااخ سعود تبين لنا ان منار ماتت منتحره بعد ماتعرضت للتحرش
سعود :منتحره؟؟؟
الضابط : ايوه الظاهر تعرضت لصدمه نفسيه وطعنت نفسها باالسكين
سعود سكت وهو يركز بكلام الضابط بصدمه
الضابط وهو يكمل شغله :الجثه راح تطلع العصر وتقام عليها الصلاه بااقرب جامع وبأمكانك تطلع الحين وراح نخبرك باالحكم اللي بنصدره بحق عبدالعزيز..
سعود عينه على الضابط كأنه مب مصدق اللي يقوله
رجع الضابط لمكتبه ويفتش باالارواق
ظل سعود واقف وهو يستوعب انتحرت قتلت نفسها ليش ليش يامنار!!
طلع من المكتب ويمشى بخطوات ثقيله وهو يهمس مع نفسه بكلام مب مفهوم

ابو يوسف ينادي على عياله وزوجته ..
ام يوسف :شفيك ..؟
ابو يوسف : ماجاكم سعود اليووم ..؟
ام يوسف:سعود لا ماجاء
ابو يوسف يجلس على الكرسي وهو محتار
عفاف:يبه صار شي
ابو يوسف:وين يروح له هالولد ..؟
ام يوسف:مع زوجته شفيك انت..؟
ابو يوسف: ياسر مكلمني يقول ولدك من طلع من الفندق يجيب العشاء وهو مختفي
ام يوسف:مختفي وزوجته وينها
ابو يوسف:زوجته باالفندق طلع منها وبعدها مارجع لحد الحين ولايرد على الجوال
ام يوسف تشهق :ولدي وين يروح قم دوره لايكون صاير فيه شي
لمياء :بتصل بيوسف واشوف ..!

العصر..بعد مااندفنت منار باالمقبره طلع سعود بأتجاه سيارته والحزن باين عليه قرب عنده رجال كبير في السن وهو يهدي سعود
:ادع لها ياوليدي محتاجه دعائك بعدها مشى وخلاه سعود يطالعه وهو يتمنى ان اخوها معهم او اي احد يعرفها مافي احد الاهو عاشت وحيده وماتت وحيده فتح السياره وتوجه للشقه حتى وصل فتحها بهدوء حس بروحها مازلت باقيه باالشقه صكر الباب وهو يطالع المكان بصمت حتى جلس بالصاله وهو يتذكر كل شي مر على باله تركي نزلت دموعه من تذكره راحت منار وتركي مارجع عاشت اليتم مثل ماعاشه كانت دايم تقول راح اعوضه عن كل شي
ايييه يااارب تشرح صدري حاس بجبل على صدري فتح جواله وهو يطالع مسجات ريم عرف انها قلقانه عليه ايش اقولها منار صاحبتك انقتلت بشقتي واللي سواء بها هاالمصيبه بنت خالتي ولاايش اقول لها فتح مسج من سالم يتطلبه انه يستر على اخته وبلاها فضايح <ابتسم بحقد همك انك ماتنفضح وبنت الناس راحت ضحيه اختك..
وقف وهو يمسح دموعه اتجهه لغرفه منار كانت ظلاام وقف عند الباب وهو يطالع السرير اللي ضم منار ومسح دموعها ..
قرب بخطوات بطيئه حس ان في شي يرده ماهو قادر يكمل ويدخل بعدها جلس على السرير كانت الغرفه ضيقه التفتت على الزوايه يطالع اغراضها ملابسها طاحت عينه على دفترها شكله قديم او استعمل كثير اخذه وهو يفتح صفحاته كانت خواطر او اشياء بداخلها مايعبر الا عن شي واحد هو حزنها
بعضها مدونه بتواريخ قديمه قبل ثلاثه سنين وسنتين وصل لصفحه الاخيره كان مرسوم طريق او عنوان كأنه ترسمه حتى ماتنسى بعدها مكتوب كلام غير مفهوم وفي الاخير مكتوب بخط مو واضح حاول سعود يقراه (اعرف اني عيشتك العذاب لاكن هذا نص العذاب اللي عيشتني فيه انت في يوم من الايام راح احاول افك سحرك اوعدك..)
استغرب سعود من المكتوب رجع يقراه كذا مره كان من ضمن الكلام خالد ضرب قلبه بقوه :خااالد ..؟ ايش تعني بهذا حس ان قلبه قرصه صكر الدفتر وطلع للصاله :خالد اكيد في شي لازم اوصل له كيف يااربي جلس على الكنب وهو يفكر والهم زاد عليه اضعاف رجع يتأكد من الدفتر اكثر

طــلع الدكتور وهـو يقول نفس الكلام اللي يقوله بـكل مره ... جلست سمــر بغرفتهــآ بعد مآشافت محمد جاي يتطمن على خــآلد..
تأمل محمد خـآلد بصمت تذكر كلام صاحبه اليوم بأنه يرقيه باالبقره قرب عنده وفتح المصحف وبدآ يقرآ بصوت هــآدي وعذب مرت عشــر دقايق وهو مازال يكمل عليه الصوره
طلعت سمر من الغرفه بظنها ان محمد طــلع من عند خالد وقفت عند الباب تبي تتطمن على خالد وهي تسمع صوت محمد حست براحه كبيره وهـي تسمع القرااان ...
تجاهل محمد وجودها دخــلت وجلست بزاويه الغرفه وهي تسمع حست برغبه كبيره انها تقرا القران وقفت وطلعت تتوضا بعدها رجعت تدخل انتظرت حتى انتهى محمد التفت عليها وطلع وقفت بسرعه واخذت المصحف بدت تحرك شفايفها بهمس حتى علت من صوتها شوي واحساس الراحه ملازمها
خالد استسلم للعذاب اللي يزيدون عليه اخوانه وهم يقرون القــرآن

الســآعه 9 الليــل ..
ريــم شوي وتنهــآر الكل يدور عليه ولاحصلوه بأي مكان حتى ســآلم انكر انه شاافه ..
ارسلت لسعود |رجيتك حبيبي تطمن قلبي حرام عليك وربي راح اذبح نفسي لو صار لك شي|| رجعت تتصل كذا مره حتى تعبت يدهاا
سعــود كــآن يفكــر وين يقدر يوصل لخــآلد .طالع مسجات ريم وهو خايف عليها احتار ايش يقول لها ارسل لها بدون مايفكر (ريم انا مشغول كثير انتبهي لنفسك حبيبتي ..)
وصل المسج لريم فتحته وهي تتمنى انها من سعود طالعته وهي تقراه كذا مره وبهمس: مشغووول ؟؟
بعدها نزلت دموعها مقهوره من رده :ندى ارسل وبكل برود يقول انا مشغوول
ندى تاخذ الجوال وتقراه انقهرت منه .. ريم اللي مموته نفسها من البكاء وفي الاخير يعطيها هاالرد ويطلع من ليله عرسه علشانه مشغول
سكتت ماعرفت كيف ترد على ريم
ريم لحد الحين الصدمه على وجهها ندى تضمها :ماعليك حبيبتي اول مايخلص شغله يرجع
ريم تبعد نفسها من ندى وبصوت مخنوق :ندى ابي اجلس لحالي
ندى توقف :ريم لاتزعلين نفسك كثير يكفي اللي فيك بعدها طلعت
سوت ريم رد لسعود وهي شوي وتنفجر (ايش الشغل اللي يطلعك من الليله اللي كنا نتمناها مع بعض وليش مااعطيتني خبر !!)
انتظرت رده لكن مارد قفلت الجوال بقهر وحطت راسها على المخده وهي تسمح لدموعها تنزل ماكانت تتوقع يصير هاالشي لها ابد

السبــت ..
(عند سـآمي..)
ياسر:يــوم الخميس كان زواجها
سامي :على البركه يااخوي
ياسر :الله يبارك فييك
سامي بأستعجـآل: متى تتقدم لعهد..
ياسر يحس باالسكين بقلبه من يسمع طاريها :متى ماطلبت ياالغالي
سامي :اخلص اوراقها بعد كم يوم وبعدها اعطيك خبر
ياسر: سامي ليش انت واثق ان عهد راح ترضى فيني مااتوقع يااخوك
سامي سكت ولاعرف يرد مايدري ليش هو واثق انها راح توافق
ياسر:سامي لاتستعجل بهااالامر كانك خايف عليها تطمن انا اروح لعمتي واتطمن عليها بين فتره وفتره
سامي:ابي ارتاح من الهم والتفكير
ياسر:ماظنتي ياسامي انك بترتااح
سامي: حاولت بساره تمهد لها الموضوع لاكن رافضه
ياسر سكت بضيق حاول يتصنع الشجاعه عند سامي :لاتدخل ساره بهاالشي انا بكلم عمتي وهي مابتقصر

بفله محمد ..
استغرب محمد من سمر على حالها من امس وهي عند خالد تقرا القران ..و تتجاهل وجوده جلس قريب منها وهو يطالع وجهها اللي كل دموع حست بوجود محمد مسحت دموعها وعينها على المصحف محمد يحاول يلفت انتباها :احم
سمر رفعت عينها وهي تطالعه ابتسم لها استغربت من بسمته ماهي من عوايده
بادلته البسمه وكأنها تنتظرها منه بعدها نزلت تكمل القراءه
محمد :سمر
سمر :همم
محمد :اول ماتخلصين اعطيني خبر حتى نطلع وياك نغير جو
سمر هزت براسها بمعنى لا :خليني مع خالد شوي
محمد تركها براحتها وقف وقبل لايطلع باس سمر مع راسها وكأنه يعتذر او انه مشتاق له ماقدرت تفسره سمر وطلع
سمر سكتت عن القراءه وهي ماهي مستوعبه اللي سواه محمد.

انتظرت ريم اي رد من سعود بعد ماقفلت جوالها لاكن خاب املها حطت يدها على خدها وهي تفكر لايكون تسرعت بقرارها انها وافقت على سعود وتزوجته تذكرت كل اللي صار قبل مايخطبها كرهت نفسها انها اعطت نفسها فرصه تحبه ايش الشغل اللي يطنشها علشانه
ام ياسر تدخل على ريم :ريم يابنيتي قومي كلي لك اي شي من امس وانتي ماذقتي شي
ريم بدون نفس:مابي شي يمه والله مالي خلق
ام ياسر تجلس بجنبها :يابنتي لاتسوين بنفسك كذا
ريم تضم امها:يمه قلت لكم من قبل ان سعود مايصلح لي ماابيه وانتي خليتوني اعطي نفسه فرصه لاجل احبه واتزوجه ايش استفدت عليه مرميه عند اهلي
ام ياسر :ياحبيبتي لاتضيقين صدر امك عليك وش اسوي بياسر مدح الرجال وانه الف بنت تتمناه وانا ابي ادور لكم السعاده والستر يابنيتي
ريم: الله يسامحه حتى ماكلف على نفسه يتصل يسمع صوتي او يرد على رسايلي او حتى قالي قبل لايطلع شغله عند ابوه وابوه يقول ماادري عنه وشلون اصدقه وشلوون؟؟؟
ياسر بعد مارجع من عند سامي اتجهه لغرفه ريم يتطمن عليها وقف برا الغرفه وهو يسمع امه وريم حس ياالقهر بداخله :حتى انتي يمه تحطين اللوم علي حاول يهدي نفسه ودخل :يمه خليني شوي مع ريم
ام ياسر : حسبي الله على هاالرجال اللي مايستحي على وجهه اتصلت فيه..؟
ياسر :اي ومايرد
ام ياسر توقف : هد اختك وحاول فيها تاكل شي لاتعور قلبي اكثر
قرب ياسر من ريم اللي متقطعه من الصياح بحنان :ريم
رفع راسها من على الكنب : ريوم خلاص لاتتعبين قلبك على واحد مايستاهل
ريم :الحين مايستاهل ولا اول جابرني عليه باالغصب
ياسر:ريم انا اللي علي سويته وسألت عنه والكل يمدحه مافي يدي شي وانتي رفضتيه لاسباب ماحد يدري عنها لو تقولين لي عنها كان ماكملت المشوار وبعدين ياريم انتي اللي كلمتيه بعدين وحددتي الزواج ولاادري ايش اللي غير رايك بهاالسرعه
ريم حست انها غلطانه وياسر ماله ذنب يكفي اللي فيه سكتت ولاردت عليه
ياسر :ولايهمك ياريم انتي غاليه واللي يضرك اموته بيدي هاالثنتين وخلي سعود يرجع اذا مااعطاني سبب مقنع قسم بالله يحلم يمس شعره منك
اللي مايقدر اختي مايستاهل التقدير بس ماابيك تضيقين صدرك قومي مسحي دموعك ولاتنزل دمعتك عليه ابد ولاعاد ترسلين له او تتصلين خلي كل شي علي انا
ريم ارتاحت من كلام ياسر حاول يقومها باالغصب تروح تغسل دموعها وبعد ماانتهت :دموعك ماابيها تنزل مفهوم وانزلي اكلي حاجه مسك يدها ينزلها تحت دخل المطبخ وهو يفتح الثلاجه طلع خبز توست ومسح عليها جبنه :يله كلي ماني رايح حتى اشوفك ماكلتها
ريم عينها على الارض اكلت شوي ورجعتها
ياسر:ريم لاتضيقين صدري ترى والله العظيم اطلع من البيت ولاراح ارجع الا سعود بيدي
ريم :لاتكلف على نفسك وتدور عليه يجي بكيفه وان ماجاء في ابليس بس والله مالي خلق اكل شي
ياسر يسحب الكرسي ويجلس : طيب اكلي لاتدوخين علينا ولاترى بنادي بدر يشوف شغله معك ماحد يعرفك الاهو
ريم تبتسم :لا خلاص علشان خاطرك اباكل

لمياء بضيق: لازم نبلغ الشرطه
عفاف :كل شي وسويناه بعدين وشلون نبلغ الشرطه وهو مرسل لريم انه مشغول
لمياء :وين يكون راح طيب ليش مايرد حرام عليه حال امي ينرحم بعدها سكتت تفكر :عفاف تصدقين احس نوف وراء هالموضوع
عفاف:انتي صاحيه ايش دخلها يعني ايش بتسوي بتخطفه .. بعدين هو مشغول مو مختفي علشان تشكين فيها
لمياء:كل شي جايز بهاالدنيا الغريبه ليش انتي ماتقرين جرايد وتسمعين المصايب اللي يسونها الحريم انا ماارتحت لنظراتها وكلامها في الزواج حتى جت وسألتني عن اسم العروس وبعدها طلعت تركض
عفاف تفكر مستغربه...!!؟؟

نوال ملت من كثر ماتطلب نوف تفتح الباب :يمه ارقي فوق وتطمني على نوف عاجبك حالها البنت بتموت نفسها
الجازي : هي اللي سببت لنفسها خانت ثقتي فيها
نوال:يمه الله يخليك ادخلي تطمني عليها
الجازي:لا ولااحب احط عيني بعينها اللي سوته ماهو شوي قال لي ي سالم كل شي
نوال تتنهد : يمه المسامح كريم وهي بحاجتك الحين
الجازي:روحي لها انتي انا مابي اشوف وجهها ابد حسبي الله ونعم الوكيل عليها انا الغلطانه اللي ماسمعت كلام اختي وخليت البنت على راحتها لااله الاالله الله يتوب علي بس
نوال قامت بضيق وطلعت تضرب الباب على نوف لعلها تفتح وتطمن عليها
الغرفه ظلام ونوف على السرير لامه يدها على بعض كأنه تدور الامان طالعت السقف بعيون تايهه وهي تتذكر كل شي خسرته علشان سعود
نوال :نوف حبيبتي افتحي رجيتك علشان خاطري
نوف تسمع نوال وهي تتذكر معاملتها معها كانت قاسيه ومع كذا ماوقف معها الاهي ..
لفت راسه للجهه الثانيه مستسلمه للهم والحزن ..

في بيت ام راشد ..
هديل :عهد وين رايحه ...؟
عهد:اذا ساره ماترد علي تطمني على سامي انا راح اروح بنفسي اتطمن
هديل :تروحين لحالك
عهد:لاتخافين علي روحي اجلسي مع امي
هديل: عهد لاتتسرعين اتصلي فيها يمكن ترد هالمره
عهد:لا ماراح اتصل ابرووح بنفسي
لبست عبايتها ولما جت بتطلع سمعت صوت الجرس
هديل :لحظه اشوف مين..؟
قربت هديل وهي تسال من عند الباب
:انا ياسر عمتي موجوده ...
هديل :اي موجوده لحظه اناديها لك
دخلت وعهد واقفه عند الباب :عهد لاتروحين هذا ياسر جاي اسأليه عن سامي بنفسك
دخلت عهد وهديل وطلعت ام راشد ترحب فيه دخل للمجلس وجلس وهو متوتر
سولف مع عمــته سوالف عن اهله وعنه بعدها تشجع بيقول اللي عنده
يـآسر :عمتي انا جاي من سامي ويطلبك في شي
ام راشد: سامي شخباره ياوليدي طمني عليه ومتى نفرح بطلعته
ياسر :عمتي سامي انحكم عليه سبع سنين
ام راشد بضيق:سبع سنين!!
ياسر: ايه ياعمه ادري ماودي اقولكم هاالخبر لاكن في شي اهم ابقوله
ام راشد:وش ياوليدي
ياسر:عمه سامي يخاف على عهد اكثر من نفسه ولايبي احد يمسها بشر ومثل ماتعرفين هو باالسجن ولابيده شي قفرر قرار هو مرتاح له حتى ترتاح عهد وترتحون انتم بعد
ام راشد: وش مقرر..؟
ياسر:عمه سامي بيطلق عهد
ام راشد توقف مصدومه:يطلقها..؟ يبي يفجع قلب بنتي غير اللي فيها
ياسر يوقف : عمه انا جاي اتقدم لعهد
ام راشد تطالع ياسر وهي ساكته بأستغراب
ياسر حاول يهديها :عمه انا ابي اتزوج عهد
ام راشد:وش تقول ياياسر تتزوج عهد ؟؟
ياسر :عمه هدي نفسك لاتقولين لها شي اليوم حتى تفهمهين اللي جالس اقوله وهو كل من مصلحتها حاولي تفهمينها هاالشي وتمهدين لها ادري انه صعب عليها لاكن حتى على سامي اصعب ..
ام راشد :لاحول ولاقوه الابالله يارب ان ترفع عني هاالمصايب وتفرج علي وعلى بنياتي ..
بعد عشر دقايق ..عهــد:يمه من طلع ياسر منك وانتي تهوجسين كثير ايش قايل لك
ام راشد: ماقال شي يابنتي روحي جيبي الشاهي
عهد : يمه ابي اتطمن اكثر على سامي واروح اشوفه
ام راشد:خلاص الرجال طمنك عليه والزياره ممنوعه..
عهد استغربت انفعال امها ووقفت تطلع

سعــود حاس بكأبه كل شي مجتمع عليه مسك راسه من كثر الصداع والتفكير بمنار ونوف وخالد وعبدالعزيز قام للمطبخ يشرب ماء وهو حاس بااليأس انه يلاقي خالد ..تذكر المصنع شلون راح على باله لازم يمر يقابل ربيع اكيد بيوصله لخالد اخذ شماغه وطلع بأتجاه المصنع ..وقف السياره بمسافه بعيده ومشى حتى وصل طالع اسم المصنع استغرب منه انه غير عن الاول قرب من العامل الفلبيني واستفسر منه حتى بان له انه حتى المصنع تخلى عنه خالد انقهر سعود اكثر واكثر كان خيط امل وتمسك به لاكن خاب رجع لسيارته وهو كله حسره ..
الساعه 11 الليل..
ســآره قفلت جوالها حتى ماتشوف رقم عهــد تحس باالذنب كل ماشافت رقمها طفشت وملت من البيت غير كذا اتعبها التفكير بجاسم
نزلت تحت عند آبوهــآ
حمـد:هلا باالغاليه ..
ساره تجلس جنبه وتبوس راسه:ربي لايحرمني منك
حمد :تعبــآنه حبيبتي
ساره :لابس طفشانه
حمـد:صار لنا اسبوعين وانتي مارديتي الخبر على الناس
ساره بضيق :يبه خلوني على راحتي اخذ قراري
حمد:بس الناس ينتظرون وجاسم رجال ماينعااف ابد
ساره سكتت
حمد بجديه: ابيك تردين علي بكره طيب ..؟
ساره تهز راسه بأستسلام..
بعدها وقفت
حمد:وين رايحه انا ماصدقت انك تعطيني وجه وتجلسين معي
ساره تبتسم وترجع تجلس من زمان ماصارت تجلس كثير مع ابوها من توفت جدتها واللي صار لسامي وعهد تغير حالها ..

الاحد ...الفجر ..
ام يوسف على سجادتها تدعي لسعود بضيق
دخل ابو يوسف بعد مارجع من الصلاه
ام يوسف :مارد عليك
ابويوسف مل من كثر ماتسأل ام يوسف كل مادخل وطلع :ولدك يبيله تربيه من جديد فشلني عند الناس
ام يوسف:رد عليك..؟
ابو يوسف :لا مارد خليه بشغله دامه مشغول ماوراه الا المصايب
ام يوسف: ابي اسمع صوته واتطمن عليه
ابو يوسف:الجوال وقفلناه مااني متصل متى ماخلص شغله شفتيه
ام يوسف:قلبي قارصني على ولدي ياسعود وينك تطمن قلب اميمتك
ابو يوسف مطنشه ورجع يكمل نومه
قامت ام يوسف لعفاف
عفاف بغرفتها نايمه
ام يوسف :عفاف يابنيتي قومي صلي واتصلي بأخوك
عفاف : طيب ان شاءالله يمه بس خلاص تطمنا انه بخير
ام يوسف :لاماهو بخير حاسه فيه شي اتصلي وعطيني الجوال ..
الــساعه 5 العصر...
ريم تحــاول تطنش ولاتفكر بسعود مثل ماقال لها ياسر كانت تتمنى تتصل بساره تجيها تغير جو لاكن امها محذرتها ماتبي يوصل الخبر لام نواف واهل الحي ان زواجها تاركها من اول ليله فتحت دولابها تبدل ملابسها طاحت عينها على الصندوق اللي مخبته باالدرج طالعته مدت يدها واخذته فتحته تطالع الايفون :شكل مافي امل استخدمك ؟ ضحكت بينها وبين نفسها على حالها صكرت الصندوق ورمته بضيق باالدولاب وجلست بملل وعينها على جوالها وهي مواعده نفسها ماتتصل بسعود ماهما يكون لاجل يعرف ريم مين ..؟
جاسم:يمه وين ريم
ام ياسر :بغرفتها
جاسم طلع فوق لريم يتطمن عليها قرب عند الغرفه بيدخل لاكن رده الالم اللي رجع له حط يده وهو يتألم بقوه جلس على الارض يخفف عليه لاكن ماقدر زحف لغرفته وهو ياخذ نفس كأن الموت بين عيونه من قوه الالم احتار ايش هاالشي اللي من جاء وهو يوجعه توجهه للدرج ياكل العلاج حتى يهدى...

بين بيوت الطــين
نزل المهندس مصطفــى وهو بقيه العمااال قرب يحدد المكان حتى يبنون عليها مشروع تجاري
دخل احد العمال للمكان اللي كان ظلام بعد ماغابت الشمس يتفحصه وبيده الكشاف عثرت رجله بشي وطاح على الارض استغرب ركز الاضاءه على الشي اللي طاح منه انصدم باالجثه اللي اكلها الدود طلع خايف واتجهه للمهندس بعدها دخل مصطفى يتأكد واستغرب من هاالجثه اتصل باالشرطه وطلب من العمال يوقفون الشغل
دخلو الشرطه للمكان نقلو الجثه وفتشو المكان زين حتى حصلو مجموعه اشرطه وورقه مخفيها التراب اخذها الضابط وهو يقرا المكتوب استغرب اخذا الاشرطه بكيس ودخل الورقه فيها ...

عند ام راشد ..
فكرت زين باالموضوع همها مصلحه بنتها بدل رجلها اللي باالسجن لاحول له ولاقوه خافت عليها شلون تكلمها ماتبي تتعب اكثر على بنتها يكفي نفسيتها تعبانه من بعد ولدها قطع تفكيرها دخله عهد عليها وهي هاديه بدون ماتتكلم عارفه انها متضايقه وصابره ترددت تكلمها باالموضوع حاولت تمهد لها الموضوع قبل لاتقول لها :عهد
عهد بهمس:سمي يمه
ام راشد : يابنتي هو اللي مثبت عليه انه مع الارهابين وش يسون له الحكومه
عهد مستغربه :ها ليش..؟
ام راشد:بس شفت باالتلفزيون ماسكين واحد وقمت افكر
عهد تذكرت سامي حست باالخوف :يمه ياسر قايل لك شي
ام راشد بأرتباك ملحوظ :ها لاماقال شي
عهد بعصبيه:يمه لاتخبون علي حسو فيني على الاقل ...
ام راشد:يابنيتي هدي نفسك سوالف بس مافي شي
عهد تذكر الله وبعدها سكتت وهي تفكر ..
ام راشد عرفت ان الموضوع كبير وعهد ماراح تتحمله ..
اخذت عصاها ووقفت حتى تجي الفرصه وتكلمها في هاالموضوع ..

الساعه 10 الليل ...
اتصــل المحــآمي باياسر يطلبه يجي بسرعه استغرب ياسر وقف بيطلع
ام ياسر :وين رايح له
ياسر :المحامي متصل يطلبني ولاادري ليش
ام ياسر :المحامي روح يمكن انه خير
طلع بأستعجال وهو يفكر لايكون في شي صار
دخل وهو مستعجل حتى قـآبله المحامي :
ياسر:خير ان شاءالله يااخوي
المحامي يبتسم:كل الخيــر ياياسر
ياسر حس براحه وهو يطالع ابتسامته وبحماس:بشرني
المحامي: حصلنا على جثه عبدالقادر ومعه اشرطه فيها دليل قوي على براءه سـآمي دقايق ويخبررنا بكل شي
ياسر بفرحه:الله يبشرك باالخيررر الله يبيشرك بالخير يعني مضمونه برائته
المحامي :اكيد ..
ياسر :يارب تفرجها
انتظــروا وياسر بداخله امــل انه يطلع براءه دخل المحامي مع الضابط وبعد نص ســآعه طلع المحـآمي يبشر باالافراج عن سامي
سجد يااسر على الارض يحمد ربه بعدها قام بفرحه يستقبل سامي

طـلع سامي وهو مو مستوعب فز ياسر وهو يضمه بفرحه
ياسر:الف مبروك ياالغالي الف مبروووووووك
سامي :صدق اللي سمعته
ياسر يضحك :صدق صدق يارب لك الحمد
سامي ماقدر يعبر عن شعوره الاباالحمد وهو يرتجف بعدها بفرحه :وين حمد
ياسر:ماحد يدري الا انا خلها مفاجأه
سامي : الله يرحمك ياعبداالقادر ويفرج عليك مثل مافرجت علي والله تمنيت انه عايش حتى ارد له جميله
ياسر:ادع له ياسامي وامش معي بسرعه مدري وس بيصير بأهلك لادرو
سامي: ياسر قلت لعمتك
ياسر وهو ناسي احزانه:اي وخلنا نستعجل قبل لاتقول لعهد
سامي:طيب ودني لهلي قبل وبعدها اطلع لعهد..
ياسر حس براحه هم على قلبه وانزاح ولحد الحين ساره ماردت عل جاسم لازم اقول لريم تقنعه مااقدر اصبر اعذرني ياجاسم ياالغالي بس ماعرفت ارتااح ...
في بيــت حمــد..
ساره عند امهــآ باالغرفه ..
:يابنيتي الرجال ماينرد وانا تأخرنا عليهم باالرد
سـآره:يمه كيف اتزوج وسـآمي كذآحاله
نوره :ياحبيبتي ربي بيفرجها عليه وهو بينبسط اذا وصل له هاالخبر ان تدرين انه اكثر شخص يفرح لك ..
ساره بتردد كانت بداخله رافضته بس خلاص اللي تبيه ماهو حاصل لهــآ :خلاص يمه على رآيك
نوره:يعني موافقه
ساره تهز راسها بعدها وقفت وطلعت بسرعــه
قـآمت نوره ام نواف واتصلت بـآم ياسر
ام ياسر:السلام عليكم
ام نواف :وعليكم السلام شخبارك ام ياسر
ام ياسر:هلا ام نواف الحمدالله بخيير شخبارك انتي والعيال
ام نواف :بخير شخبار ريم مااتصلت عليكم
ام ياسر تطالع ريم وهي مقهوره :الا بخير الله يسلمك
ام نواف : ام ياسر الموضوع اللي قلتيه لي
ام ياسر : عسى البنيه وافقت بشريني
ام نواف:الله يوفقهم ويسعدهم ويجمع بينهم
ام ياسر :الله يبشرك باالخير يابعدي
صكرت من ام نواف والفرحه على وجهها...
دخل ياسر وهو اسعد الناس والفرحه باينه على وجهه قبل لايدخل الباب وقف وهو يسمع كلام امه
ام ياسر :على البركه ياولدي ام نواف رددت علي وقالت البنت موافقه
جاسم يبوس راس امه :الله يبارك فيك يمه الله يتمم الباقي على خير
تلاشى كل شي فرحته والامل بقلبه حس ان احد صافعه على وجهه خلاص صحيح سامي رد لعهد لاكن ساره ماردت له
كل الابواب تصكرت بوجهه ..
ندى:ياسر ليش واقف هنا
ياسر طالعها ببرود :ندى سامي افرجوا عليه بعدها طلع من البيت ...

البارت الاخيــر على فصلين الفصل الاول ..(1) راح يكون اليوم اما الثاني فيكون يوم الاحد ..

الفصل الاول ,,,

جلست قدآم ابوهـآ وهو يبتسم لها بحب نزلت سـآره عيونها بحياء
حمد:واخيرا ياالسوري شفتك عروس ..
ساره اكتفت ببتسامه ومدت يدها تصب الشاهي لابوها وتقطع الخبز لاجل تتعشى..
قـآم نواف وهو يعلق على سـآره اللي مولع وجهها ماتبي احد يجيب هاالطاري
حمد:نواف اخلص افتح البــآب
نواف :ان شاءالله ..اسرع بخطواته وهو يقول من بعيد :طيب طيب ..
سـآمي اللي ينتظر وراء الباب رفع عيونه على شهقه نواف
:ســوووويمي ؟؟؟!!!
سامي ضحك على شكل نواف :هههه اي سوويمي على قولتك
نواف متفاجأ :وش وشلون ؟؟
سامي يضمه وهو يهدي روعته:طلعت براءه يانواف
نواف يسلم عليه بحراره وهو رافع صوته من الفرحــه
سامي يبعد نواف عنه:وين اخوي حمد وساره
نواف يرتجف من الصدفه ووده يصرخ ينادي على هله من الفرحه: داخل داخل
سامي:اوش اسكت خلي اسوي مفاجأه لهم ..
نواف يبتسم ودخل بسرعه وراه سامي اللي حاس بفرحه مايقدر يعبر عنهااا بعد الهم والتعب والحرمان اللي ذاقه تمنى ان امه هي اللي تستقبله غمض عيونه بتنهيده وهو يدعي لها
دخل سامي ووقف قدآم حمد اللي يتعشى وماانتبهو لوجوده
سامي يبتسم بداخله اشتاق لها اللمه اللي من زمان عنها :احم احم
حمد رفع راسه بظنه انه نواف بعدها وقفت اللقمه عند فمه وهو مفتح عيونه بقوه على سامي اللي واقف قدامهم ساره رفعت راسها وهي تطالع سامي وساكته بصدمه بعدها رمت الكاس من يدها وهي تصرخ :سااااااااااااااااااااااامي قامت ونطت عليه بقوه حتى طاح على الارض وهو يضحك
حمد قرب عند سامي كأنه مب مصدق :سااامي سامي
ساره مثل العاده ماتمالكت نفسها جلست تصرخ وهي فوق صدره
سامي يحاول يعدل جلسته اللي خانقته ساره:
حمد يسحب ساره من سامي وهو موقادر ينطق شي غير انه يحمد ربه
عدل جلسته وهو يمسح على راس ساره ببتسامه :خلاص قطوتي طلعت برائتي بس بكاء
حمد :الله يبشرك بخير يالغالي الحمدالله يارب الحمدالله قرب له وهو يضم اخوه بحب ويتحمد له باالسلامه ..

في بيت ام رآشد ..واقفه بخوف وراء الباب وبشجاعه :ماراح افتح واذا فيك خير اصعد فوق الجدار وربي لاابلغ الشرطه عليك
عماد وهو متنرفز : افتحي ولاقسم اسحبك مع شعرك وارميك على ابو عبدالكريم وتحملي اللي يجيك
هديل بلعت ريقها بخوف اخوها متهور ويسويها وبيت ابو عبدالكريم قريب سكتت وهي تفكر حتى لاتحس امها وعهد وتزيد عليهم الخوف
وبعناد :اتحداك ماتقدر تلمس شعره من شعراتي
عماد صقع الباب برجله وهو فاقد اعصابه بعد مافصلت هديل الجرس:افتحي ياحيوااانه افتحييي
طاحت على ركبتها باالارض وهي تسد اذنها من ضربات عماد القويه اللي على باب الشارع ...
عماااد:قلت افتحي
هديل بصراخ :لاااااااااا
عمااااد :طيب طيب يصير خير
هديل حست انه راح نزلت راسها تطل تحت الباب بعدها رفعت راسها وهي تتنفس براحه وخرت التراب من ملابسها ودخلت تركض لداخل وهي تحاول تكون طبيعيه ...

طــلع ســآمي من البيت وفي نيته يتجه لعهد...استغرب من ياسر اللي باالسياره وراسه منزل على الدركسون تمنى فرحته تكمل انكسر كل شي فيه ولايقدر يوقف بوجهه جاسم بعد اللي اسمعه
قرب وهو يضرب شباك السياره
رفع ياسر راسه يطالع سامي بعدها فتح الباب
سامي:ياسر وش فيك..؟
ياسر وهو يتصنع البسمه :مافيني الاكل خير ياالغالي ..
سامي :والله يااياسر مدري وشلون ارد جميلك معي وقفتك وياي
ياسر:يارجال مابينا هاالاشياء عزيز وغالي وكل شي لاجلك يرخص يله توكل وخذ زوجتك قبل لاتكلمها عمتي باالموضوع اركب اوصلك ..
بعد عشر دقايق وصـل سـآمي ويـآسر
هديل دق قلبها بخوف وهي تسمع صوت الباب ينضرب طنشته وجلست باالصاله بظنها عماد...
سامي يطالع ياسر باالسياره :مااحد يرد..؟
ياسر بأستغراب :وين بيروحون..؟
رجع سامي يضرب الباب مرت خمس دقايق وهو واقف ينتظر ...
التفت سامي على ياسر بعدها انصدم من عمــآد اللي جاي من بعيد وبجنبه رجـآل كبير باالسن ..
هديل ارتاحت بعد مااهدى الضرب على البــآب ..قامت تدخل عند غرفه عهد..
عماد وقف وهو يطالع سـآمي حاقده تذكر كل شي حس باالدم يغلي بعروقه
سامي واقف بكل برود ويطالع وجه عماد بهدوء كأنه مايعني له شي جاته الفرصه اللي يوقفه عند حده
عماد بعصبيه :ايش اللي موقفك عند الباب ...؟؟؟
سامي ..: وش يخصك انت ..؟
ياسر نزل من السياره وهو يطالع عماد ...تأمل بملامحه وهو يهمس بداخل ولد عمتي من دم واحد معقول هو اللي تضاربت معه باالمره اللي راحت
عمــآد : ولا جايب ربعك معك هــآ..؟
ياسر وســآمي يطالعون عماد بصمت ..
قرب عماد بوقااحه لاجل يبعدهم مد يده على سامي شد سامي يد عماد وبجديه :ابعد يدك قبل لااكسرها لاتظن اني بأسكت مثل كل مره لا هذاك اول مب الحين
عماد يطالع وجه سامي وهو يشوف فيه القوه مب الضعف اللي كان يشوفه :جاي تاخذ اختي حلم ابليس تسمع
سامي : مب انت اللي تأمرني وتنهى روح تقلع عن البيت قبل لاابلغ فيك الشرطه انت حرام تعيش بين الناس
عماد طلع من طوره ومسك ثوب سامي من صدره وهو يشده
ابو عبدالكريم حس ان فيه مشكله كبيره ترك عماد ورجع لبيته بسرعه ...
ياسر مسك يد عماد :وخر يدك ياعماد وتعوذ من الشيطان هذا رجل اختك مهما يكون وانا ولد خالك
عماد فتح عيونه على كلمه ولد خالك طالع وجه ياسر كأنه يطلب منه يعيد اللي يسمعه
ياسر ببتسامه :عماد انا ولد خالك صالح ..
عماد بأستغراب :ولد خالي ..؟
ياسر بأستعجال : خلنا نفاهم ياعماد امك مب هي اللي قتلت ابوي تدري من هو ابوك ايه ابوك ظلم امك وثبت عليها الدليل لاكن ربي بين كل شي لا تظلم امك ولاخواتك وهم مالهم ذنب
عماد ساكت بصدمه وهو يسمع ياسر ومب مصدق
سكت الجميع وعيونهم على بعض نزل عماد يده اعطاهم نظره مافهموها بعدها تركهم بهدوء وطلع من الحاره كأنه يتهرب من شي...
ياسر استغرب من هدوءه التفت على سامي :الله يهديه
ابتسم سامي بأستغراب ورجع يضرب الباب من جديد ..كذا مره
طلعت عهد من الغرفه بأتجاه المطبخ وهي تسمع الباب ينضرب اتجهت له وبهدوء :مين ..؟
سامي ارتاح لما سمع هاالصوت اللي اشتاق له فتح فمه بتوتر :انا
عهد بأستغراب :مين انت ..؟
ياسر ابتسم :ياسر ياسر
عهد فتحت الباب وهي ماسكته:لحظه راح انادي امي ...مشت بأتجاه داخل
ياسر:تامر شي ياالغالي
سامي وهو يفتح الباب :ماتقصر ياياسر
دف الباب وهو يطالعها تمشي ومن غير شعور ركض له حتى قرب لها وضمها لصدره من وراء بقوه عهد فتحت عيونها بخوف وهي ماتدري من وراها ارتجفت ونزلت دموعها بخوف
سامي يبوس شعرهااا بشوق وهو يلمها اكثر لها وبهدوء:عهد
عهد فتحت عيونها اكثر وهي تسمع الصوت اللي تنتظره من زمان لفت وجهها بسرعه تتأكد
سامي يطالع وجهها البريئ بحنان
عهد تحاول تركز في ملامحه كأنها حاسه بحلم
سامي بحب: ماوحشتك ..؟
حاولت تنطق اسمه بصعوبه
سامي يمسك وجهها بيده الثنتين وهو يبوس انفها بخفيف :اشتقققت لك حياتي
عهد انفجرت مب قادره تتحمل ولاحتى تصدق ابد حست انها راح تنجن كانت المفاجأه قويه منعتها من الكلام
سامي شد يده الثنين اكثر وهو لامها ويسمع صوت بكاها بهدوء حس برجفتها وقد ايش مشتاقه له سكت حتى تهدى بعدها رفع وجهها وهو يبتسم لها
عهد شفايفها الصغيره ترتجف بربكه كأنها تتأكد من اللي واقف قدامها سامي: ماني مصدقه
رجعت ودفنت راسها بحضنه وبصوت متقطع ماينفهم تصرخ بصوت مخنوق حزن على فرح وتردد اسمه بس
سامي بلع ريقه وهو يسمع صوتها اللي اثر بقلبه طالع السماء وهو يحمد ربه انه رجع لحبيبته
سامي قرب يبوسها كأنه طفله وهي بين يديه: عهوود بس حبيبتي خلاص اوعدك ماعاد تنزل دمعتك وانا موجود اوعدك
تركته عهد وهي تصرخ تنادي على امها مثل المجنونه بفرحه وتدخل داخل ..
سامي ضحك بداخله على برائتها ودخل وراهاا...

سعــود كــآن يفكــر وين يقدر يوصل لخــآلد جــآء على باله نـآيف ابوه كــآن شريك لاابراهيم آبو خــآلد اتصل فيه بسرعه
نــآيف:الو
سعود:نايف
نــآيف :لا بعد تتأكد اذا انـآ نايف ولا..؟
سعود:اعذرني ياالحبيب انشغلت كثير شخبارك..؟
نايف: والله لك فقده انت وخويك خالد
سعود:نايف طلبتك وولاتردني
نايف:امر
سعود:ابي تجيب رقم ابو خالد من ابوك
نايف:ابو خالد خوينا..؟
سعود:اي
نــآيف:ليش..؟
سعود:ابقولك كل شي بس بأسرع وقت رد علي او ارسل لي الرقم
نايف:خلاص طيب دقايق واجيبه
صكــر منه وهو متوتر وسد راسه على الكنب وهو يفــكر بعد عشـر دقايق سمع صوت المسج فتحه وهو يطالع رقم الشركه اتصل بسرعه الخط كان يفصل معه حس بقهر بداخله كرر الاتصال حتى رد عليه السكرتير:شركه (....) اي خدمه
سعود:لو سمحت ممكن رقم فرع الشركــه بأمريكــآ
السكرتير :من الشيخ..؟
سعود:محتاج اكلم صاحب الشركه خالد ابراهيم ..
السكرتير :اوكي انتظر معي دقايق اعطيك رقم سكرتيره
سعود اخذ الورقه ينتظره: بعدها اخذ الرقم واتصل باالسكرتير اللي عرف سعود واعطاه رقم محمد لان خالد مقفل جواله ..واعطاه العنوان
قام سعود وحجز اقرب طياره لواشنطن اللي بتكون يوم الاثنــين ...
وقف ودخل غرفه منار يجمع اغراضها مب قادر يشوف اي شي يذكره نزل للارض يجمع ملابسها ويدخل للشنطه استغرب من وجود صورتين
مد يده وهو يتأملها كانت لمنار لما كانت صغيره كانت عمرها 11 سنه والثانيه 13 سنه تقريبا طالعها بحزن تردد ياخذها عنده بعده دخل الصورتين بجيب بنطلونه وطلع الاغراض لبرا ...

ام يــآسر :اجل الفرحه فرحتين ..
ندى :وربي بموت من الفرح الحمدالله ربي فرجها على عهد حبيبتي
جاسم ..: بكره بنسوي عزيمته في بيتنا ..
ام ياسر :ابروح اكلم ام نواف وابارك لهم برجعه سامي ..
ريم تطالعهم بصمت كان ودها تشاركهم الفرحه لاكن موقادره وقفت وهي حاسه بخنقه ماقدرت تتكابر كثير
ندى :ريوم وين رايحه
ريم :تعبانه شوي ابي ارتاح..بعدها طلعت
ندى بضيق تطالع جاسم
جاسم :خليها براحتها وسعود يصير خير معه
دخلت غرفتها وهي تطالع المكان بملل طالعت جوالها تتصل على ساره بس ماله خلق تكلم احد دخلت تتوضى وتقراء قران لاجل ترتاح شوي

الاثنـــين ....

السـآعه 7 ..الصباح ..
جاسم يعدل سماعه اللي بأذنه وهو حاس بأحباط اليوم مافكر اذا ساره راح ترضى فيه وهو يسمع من اذن وحده والثانيه سمع ضعيف
طرد هاالفكره وهو يفكر فيها حاس بحماس كبير ان يقدم الملكه بسرعه قرب عند المرايا يعدل شماغه وبهدها نزل يفطر تحت مع امه
جاسم :صباح الخير ..
الجميع :صباح النور
جاسم :غريبه بدر صاحي
ياسر :هو نام اصلا
جاسم :ايه ياسر اليوم عزيمه سامي عندنا
ياسر تعكر مزاجه : متى ..؟
جاسم : عشاء
ياسر هز راسه ورجع يكمل فطوره
جاسم :يمه متى اتملك على ساره
ام ياسر :تبتسم ابكلم امها بهاالموضوع
جاسم:استعجلي يمه
ياسر حط اللي بيده وقام : يله يمه طالع للدوام تامرين شي
ام ياسر:ماافطرت..؟
ياسر :لاشبعت الحمدالله ...

وصــل سعود لاراضي واشنطــن نزل من الطياره وهو حاس بتعب وارهــآق بعدها طلع من المطار وهو يطلب من التاكسي يوصله للعنوان اللي اعطاه السكرتير ...وصل للمكان اخذ جواله واتصــل بمحمد ..
محمد مستغرب الرقم :الو
سعود:السلام عليكم محمد
محمد مستغرب:من معي..؟
سعود: معك سعود صديق اخوك خالد
محمد تذكره:سعود؟؟
سعود:شخبارك يامحمد
محمد:والله بخير زمان عنك
سعود:لا خلاص قريب عندك وبشوفك الحين... خالد عندك
محمد:ايه
سعود:عطني عنوان بيتك لاهنت
محمد :الله يحييك واعطاه العنوان
بعد خمــس دقايق وصل سعود للفله واستقبله محمد
سعود بعد ماسولف معه سوالف سطحيه وبأستعجال:الاوين خالد ..؟
محمد سكتت وعينه على غرفه خالد
سعود حس باالخوف:خالد فيه شي ؟!
محمد يوقف ويطلب من سعود يجي وراه قام سعود حتى وصل لغرفه خالد بعدها دخل
محمد:هذا خالد
سعود رفع عينه على خالد اللي يشوفه مايعرفه حس بدووخه كبيره تقدم بسرعه يتأكد من انه خالد او لا
بصوت واطي :خالد؟!! دقق بملامحه ماهو مصدق ان اللي منسدح قدامه خالد ابد لف راسه بسرعه لمحمد يستفسر:محمد ايش صار بخالد؟؟
محمد رفع يده على كتف سعود:والله مدري ايش اقول لك بس من كم اكثر من شهر وهو على هاالحاله ياسعود حتى الطب عجز عنه
سعود:عجز عنه ؟؟ رجع قريب عند خالد وهو يمسك يده وبصوت كله حزن:خالد خالد خالد انا سعود
محمد :لاتعب نفسك موحاس بأحد خصوصا هالايام اول كنت احس يحس بوجودنا الحين لا تحس انه بعالم ثاني ماهو معنا
سعود يطالع خالد بصمت وهو يتذكر اخر يوم طلع منه زعلان اشتاق له واشتاق لكل شي فيه قرب عنده وضمه وكأنه يحسس انه سعود خويك اللي مانساك ابد
محمد حزن على شكل سعود كثير
سعود عرف كل شي تقصده منار قام وقرب عند محمد بأستعجال: لازم ترجع معي للسعوديه
محمد بأستغراب:ليش؟؟
سعود يشد على يده: افهمك كل شي بعدين
محمد:مااقدر اترك خالد وسمر
سعود: ماراح نطول يامحمد
محمد يفكر باالكلام اللي يقوله سعود: خلاص ابروح معك
سعود :انا رايح احجز

الساعه 9 العشــآء ..
عهد مع ساره باالغرفه ..
ساره :اشتقت ياالغاليه ياليت تفهمين عذري وربي كنت مصدومه ومدري كيف اواجهك بعد ماسمعت ان سامي راح يظل سبع سنين باالسجن
عهد ببتسامه:ولايهمك حبيبتي خلاص نسيت كل شي وفهمتك الحين
ساره : اه ياحلو البيت بوجودكم شي مايقااوم
عهد وهي توقف :ههههه ربي لايحرمنا منك يله نطلع لام ياسر لاجل مانتأخر
ساره :اوكيه انا راح اطلع الحين...
دخلت عهد الغرفه وهي تطالع سامي
سامي يبتسم ويجلس على الكنب بعد ماسحب عهد لجنبه حط يده على كتفها :وين كنتي ..؟
عهد بدلع:عند ساره حبيبي يله نطلع تأخرنا..
سامي :لا لسى ماشبعت منك
عهد ابتسمت بخجل :بس حبيبي الناس ينتظرونا
سامي يلمها اكثر ويوقفها بجنبه :يله ياقلبي قبل لايسوي ياسر سالفه لي ههه
عهد بضحك :قول من اول طيب ..
باسها مع خدها :بشتاق لك لاتتأخرين علي ..
عهد هزت راسها بحنان ولبست عبايتها

عند ام يوسف...
لمياء : خاله خلينا نروح نزور ريم
عفاف : وين نودي وجهنا فشله والله اللي سواه سعود
ام يوسف :ولدي في شي ومخبيه علينا قلبي ماارتاح
مها: طيب ليش مايعطينا خبر ويريحنا
لمياء :جواله متقفل الله يستر لايكون صاير شي ولاقال لنا
عفاف :تفائلي خير انتي الثانيه
الجده:قايله له لاياخذ هاالمقروده ويتردى حظه
لمياء مااعجبها كلام جدتها وقفت تطلع
الجده:مااعجبك الكلام هذا اللي جبتيه لاخوك واقفه معه حتى خذاها
لمياء وهي تشد على الكلام:يمه ريم احسن من غيرها(تقصد نوف ) وبعدها طلعت بسرعه

بغرفه نوف ...
وقفت نوف وهي حاسه بدوخه من كم يوم ماذاقت الاكل تتمنى تموت وترتاح من هالدنيااا في كل مره تتخيل شكل منار تحس باالعذاب
حاولت تتوازن حتى توصل للبــآب فتحته وهي تتحاشى سالم ..نزلت تحت كانت الجازي جالسه طالعت نوف وصدت وجهها ماتبي تشوف وجهها حست نوف باالحسره من نظرات امها انسدت نفسها من الاكل وقررت تصعد مره ثانيه لاكن الدوخه رجعت لها جلست بألم على الدرج :ماماااا
الجازي التفتت بسرعه وهي تطالع نوف ماسكه راسها قامت بسرعه :ايش فيك..؟
نوف :ماما راسي يألمني
الجازي بقسوه : اخذي لك حبوب من الثلاجه واطلعي لغرفتك تركتها ورجعت للصاله
نوف نزلت دموعها على قساوه امها مسحتها بطرف كمها ورجعت لغرفتهااا ..

الجميع مجتمع في بيت ام ياسسر
ام نواف :اجل ريم ماسافرت ..؟
ام ياسر بأرتباك :سافرت ورجعت زوجها جاه شغل ضروري ..
ام نواف :الله يوفقها يارب
ساره حاس ان ريم ماهي طبيعيه قربت عندها وبهمس :ريم قلبي فيك شي
ريم تبتسم ابتسامه صفرا:تعبانه شوي
ساره بخبث :لايكووون..؟
ريم تضحك :لايروح بالك بعيد لسى بكير
ريم :تعالي نطلع عن جو الحريم وازعاجهم
ساره:اوكيه
قبل لاتطلع ريم دخلت للمطبخ ومعها ساره حتى تجيب القهوه ..
دخلت عهد على الضيوف الكل يسلم عليها ويتحمد لسامي باالسلامه ...
دخل جاسم مع الباب الثاني للمطبخ بدون مايدري عن وجود ساره .
جاسم :ريم وين الشاهي ...؟
ساره لفت ظهرها بسرعه
جاسم فتح عينه على ساره انحرجت ساره وطلعت براا
ريم :احرجت عروستك ..؟
جاسم بفهاوه:هذي ساره ..؟
ريم نزلت عيونها تكمل شغلها:اي ساره
جاسم حس قلبه يضرب ابتسم بداخله وهو يتذكرها تحمس اكثر يتقدم لها ماعاد يقدر يصبر اكثر
ريم بيدها الشاهي :هييه جسوم وين رحت
جاسم وهو ذايب عليها: سلميني على سارونا
ريم :ههه لا بعد دلع وحركات من الحين يله بره بسرعه
جاسم بضحك :يمه خرعتيني زوجتي وحلالي ههه
ريم :مابعد تملكت توك في بدايه المشوار ههه
طلع جاسم وهو يضحك وحاس براحه كبيره ...

الساعه 11 ...الليل ..

رجــع سعود بعد ماقدر يحجز الرحله بواسطه محمد للسعوديه ركب السياره مع محمد ..
محمد: سعود نروح على الفله ..
سعود:لا خلك معي بالشقه
محمد سكت وهو حاس مزاج سعود ماهو طبيعي وصل للشقه فتح الباب
ودخل
سعود:هذي شقه اخوك خالد ..؟
محمد:شقته ..؟
سعود :ايه ادخل ارتاح ننام لنا كم ساعه علشان اطلع وياك لمشوار الصبح
محمد واقف قله صبر :تعال انت من وين يجيني النوم وانت مسحبني من امريكا على وجهي وانا مدري ايش السالفه يرحم امك فهمني بكل شي مافيني صبر انتظر حتى الصبح
سعود تأفف بداخله مافيه حيل يتكلم حاس باارهاق ويتمنى النوم يجيه جلس على الكنب وهو يفتح الدرج ..ويطلع الدفتر ..بعدها رفع راسه لمحمد يطلبه يجلس
جلس محمد قباله وهو يطالع الدفتر ..
سعود:محمد كل اللي في اخوك سحر ...؟
محمد يطالع بأستغراب :ها..؟
سعود :اخوك مسحور تدري ولا..؟
محمد:مسحور...؟
سعود تنهد وهو يتذكر منار : محمد اتوقع انك اكثر واحد فاهم اخوك وحركاته
محمد ساكت يسمع سعود بدون تعليق
وقف سعود بيروح للمجلس حتى يرتاح : هو سوى غلطه كبيره وراح ضحيتها افهمك كل شي الصبح اخذ الدفتر ودخل للمجلس تارك وراه محمد مصدوم من اللي سمعه ....

عند ام ياسر ...
ساره :عهد وربي من زمان ماجلسنا مع بعض خلينا نسهر سواء
ندى تفتح باب الغرفه وتقفله : ياالدبات هنا ولااحد خبرني
ريم :اليوم سهره ولااحلى
هديل بفرحه :واااااو هههه
ندى تبتسم وهي تغمز لساره وبيدها علبه شكولاته وقهوه ..احم احم
ريم :ايش السالفه ..؟
ندى وهي تاخذ الشكولاته وتطالعه بنظره اعجاااب والبطاقه عليها
ريم نطت وسحبت الصندوق وهي تقراء البطاقه ابتسمت ورجعته لندى
ندى :بعض الناس مو دارين ايش السالفه
ريم وهي تطالع ساره:ههههههه
ساره :بلاسخافه ايش فيكم
ندى تمد العلبه على ساره وتقلد صوت جاسم :وصليها لسااارونااا
ساره فاتحه فمها بفهاوه وهي تطالع ندى بعدها نزلت عينها على العلبه تقراء البطاقه من جاسم اللي على علبه الشكولاته بعد ماعرف انها فوق (احمرت خدودها بخجل )
البنات يضحكووون بأستهبال على وجهها
ساره مو قادره تتحمل ماتحس ان تميل له ابد :بسسس عااااااد
عهد :ياااحياااتي على الخجووله هههه يله ابتصل بسامي اعطيه خبر
اتصلت بسامي اللي طالع للبيت ابتسم وهو يطالع رقمها :هلا حبيبتي
عهد :هلا فيك قلبي
سامي :يله انتظرك عند الباب
عهد :حبيبي خليني اسهر مع البنات اليوم ...
سامي يتصنع الضيق:يعني مااشتقتي لي
عهد انحرجت عند البنات: كثيير
سامي بهدوء : طيب انتظرك ياروحي بسرعه مافيني صبر
عهد مب قادره تترجاه وهي محتاجه له ومشتاقه : خلاص دقايق ..
صكرت السماعه وهي تطالع البنات :رفض
ندى : اووه قهر عهد
عهد وهي توقف :مره ثانيه حبيبتي اوعدك ...

الثلاثاااء الساعه 7 ...قام سعود بسرعه وغسل وجه وبدل ملابسه ومحمد نايم على الكنب
قرب عنده بأستعجال :محمد قم تأخرنا بسرعه
محمد مرتاع :ها ايش فيك
سعود: متفق مع الرجال اقابله الساعه 6 والحين الساعه 7 اخلص بسرعه
محمد:طيب طيب قام بسرعه وغسل وجهه وطلع ويا سعود
وهو في الطريق اتصلت سمر ...
محمد:الو
سمر :محمد وينك ..؟
محمد مااعطاها خبر انه مسافر : طالع لشغل وبطول شوي شخبار خالد
سمر عينها على خالد: على حاله
محمد :انتبهي عليه كثيرطبيب
سمر :اوكيه ..
وصل سعود للشيخ عبدالله نزل له بأحترام وهو يسلم عليه بعد مااخبره بكل شي
الشيخ عبدالله اخذ الدفتر وهو يطالع الكلام ويحاول يفهم العنوان رفع راسه لسعود :خلاص خلي الدفتر وياي وانا اخذ الاذن مع الشرطه نراقب المكان ..
سعود:طيب ياشيخ متى بتاخذ الاذن استعجل الله يخليك خويي يتعذب وخايف اني افقده
الشيخ: الحين اتصل وخلك معنا هنا نراقب البيت طول اليوم اذا في وضع مشكوك داهمنا المكان
سعود يطالع محمد ويأشر له يجلس ...
جلس سعود وهو قلقان كل تفكيره وهمه بخالد ..........بعد نص ساعه طلع سعود ومحمد بعد مااخذ الشيخ الاذن يراقب المكان وانه راح يتصل فيهم اذا حصل اي شي

ريم جالسه باالصاله بعد ماراحوا البنات منهااا كانت انوارها خفيفه وامها مابعد صحت من النوم دخل ياسر اللي كان بيطلع للدوام
:ريوم
ريم ترفع راسها بهددوء:نعم
ياسر تضايق من شكلها وجلس بجنبها :مانمتي ..؟
ريم :لا كنت سهرانه مع البنات
ياسر:تعبانه
ريم سكتت وعينها على الارض
ياسر طالعها :ريوم ايش اتفقنا عليه ماتضايقين نفسك عليه ..
ريم :صار اليوم الثلاثاء ..؟
ياسر سكت بحزن عليها
ريم : ولامره اتصل لها الدرجه رخيصه عنده ليه طيب يتزوجني وهو بيسوي كذا ليش
ياسر قرب ريم له وضمها وهو يهديها ..
ريم : تعبت مااقدر اتحمل اكثر يايسر وربي وربي ..
ياسر : ريم خلاص هدي والله لو بيدي شي سويته لاجل ترتاحين بس مايرد علي واهله لحد الحين مايرد عليهم توكلي على الله وان شاءالله تتصلح الامور
رفعت راسها وهي تمسح دموعهااا
ياسر :ريم اطلع وياك نتمشى
ريم بهدوء:ودوامك..؟
ياسر :اعتذر من المدير ساعه
ريم :مالي نفس اطلع
ياسر يمسك يدها :الجو بارد على هاالصبح والله حتى انا محتاج اتمشى حاس اني مخنوق
ريم طالعت عيون ياسر وهي فاهمه قصده هزت راسها بطيب وطلعت تلبس عبايتهاا
قامت ام ياسر وهي تطالع الساعه خافت انه عيالها فاتهم الدوام طلعت لغرفه ياسر ولاحصلته ارتاحت بعدها فتحت غرفه جاسم حصلته بغرفته
جاسم يتألم بهدوء ولاهو قادر يقوم لدوامه قربت ام ياسر :جاسم صاحي ليش مارحت الدوام
جاسم يبتسم حتى مايبان عليه انه تعبان ..:لا يمه اجازه عندي اليوم
ام ياسر :الحمدالله قمت متأخره كنت سهرانه مع عمتك وفاتتني الصلاه الله يتوب علي اجل ارتاح ابطلع اصلي
غمض عيونه وهو يدعي بداخله يخف هاالشي مرت على باله ساره تذكر شكلها وجسمها ونعومتها وملامحها ابتسم بداخله حس انه دخلت قلبه قطع تفكيره الالم بعد مارجع له ...

الســآعه 12 الظهر..
داهمت الشرطه المكان بعد ماعرفت ان الوضع مشكوك فيه اخذوا العجوز باالقوه وبعد معناه حتى تم القبض عليها بمعاونه الشيخ عبدالله اللي تضرر كثير من الضرب حتى قدر يوصل لها باالتحصين ساعتين وقبضوا عليها دخلت للتحقيقاات واعترفت بكل شي
تكلم معها الشيخ بموضوع خالد حتى قدر يوصل لسحره اللي مدفون داخل البيت ....

سمر كانت جالسه بجنب خالد حست بتعب ونامت بدون ماتحس بنفسهااا فجأه حست بأحد بيد بارده على خدها فتحت عيونها بتعب ورجعت تغمضها كأنه تشوف حلم بعدها فتحت عينهااا ..
خالد يبتسم لها وابعد يده عن خدها ...
قامت وهي مرتاعه تطالع خالد اللي يتحرك ويبتسم وقفت مصدومه وعيونها معلقه عليه :خ خ خاالد
خالد بألم من ظهره ابتسم اكثر لها حمد ربه انه يحرك جسمه الحين فتح فمه يتأكد اذا قادر يتكلم :سمر
سمر بصرخه:خااااااالد نزلت دموعها بفرحه بعدها اسرعت ورمت نفسها عليه وتصرخ فرح من غير شعور
خالد يطبطب على ظهرها وهو مومستوعب انه تكلم رفعت سمر جسمها منه وركضت تتصل بمحمد

محمد نايم باالشقه على الكنب وبجنبه سعود نايم على الارض
قام محمد بسرعه وهو يدور جواله
سعود فتح عيونه وبقلق:رد بسرعه
محمد:وين جوالي.راح.؟ قام يدوره وحصله تحته طالع رقم سمر وخاب امله ظن انه الشيخ :الو
سمر تصرخ بفرحه وتتكلم بكلام مافهمه محمد
محمد يوقف:هييه ايش تقولين انتي..؟
سمر:خالد قام تحرك تكلم وربي وربي
محمد يبتسم بفرحه قطع الخط بوجهها ونط على سعود اللي يفرك عيونه على فراشه :خاالد تحررك
سعود ومحمد فوقه فتح عيونه وهو يستوعب وبهمس بصوت كله فرح:خاللد قام ؟؟
بهاااللحظه اتصل الشيخ عبدالله رد عليه محمد:ياشيخ اخوي انفك سحررره
الشيخ عبدالله: الحمدالله الحمدالله ماجئتم به السحر ان الله سيبطله
محمد ودموعه على خده :الله يجزاك خير ياشيخ ويفرج عليك
سعود ساكت وهو يسمع محمد يكلم الشيخ نزل عينه اختلطت عليه مشاعره تذكر منار وخالد بنفس اللحظه مايدري يفرح او يحزن
محمد بعد ماصكر من الشيخ نزل لمستوى سعود :سعود عمري ماانسى جميلك
سعود يبتسم بصمت وباين عليه الحزن :اهم شي تسامح منار يامحمد الله يبيح لها
محمد اللي قاله سعود كل شي كان حاقد عليها نسى كل شي بعد ماتطمن على خالد:الله يسامحها يااخوي
سعود بصوت هادي :محمد اوعدني
محمد:بأيش..؟
سعود:تدور على تركي ولد خالد
محمد: وين القاه وانا مااعرف شكله ياسعود لازم خالد يتدخل بهاالشي ويقتنع
سعود :اطلع احجز لنا طياره ابي اتطمن على خالد وابطلب منه واذا رفض انا اللي بدور عليه بنفسي
محمد :ان شاء الله اعرف واحد هنا بيحجز لنا اقرب طياره

سمر وهي مب مصدقه:خالد ايش صار لك
خالد يفكرر ويطالع جسمه وبهدوء:ماادري كل شي احسه حلم عشته وكوابيس توجع
سمر سكتت ورجعت تكمل بكاها وهي تضمه اكثر خايفه تفقده من جديد
خالد :تذكر محمد رفع عينه يطالع البيت وبسرعه سأل سمر :ليش جيتي هنا سمر وايش صار عليك باالبيت كنتي تبكين
سمر رفعت راسها وهي تدور الامان بعيونه قبل لاتقول له ويكمل عليها :خالد كل شي فقدته راح كل شي بسبب جون سرقني
خالد يركز عيونه عليها كأنه يفهم اللي قالته :سرقك..؟
سمر : انا غبيه ماسمعت كلامك غبييييه
خالد حس بدوخه من سوء التغذيه غير الكلام اللي سمعه زاد عليه جلس على الكنب بسرعه
سمر بخوف :خالد ؟؟
خالد يمسك راسه :مافيني شي بس حاس بدوخه
سمر طلعت بسرعه تطلب من الخدامه تجيب كاس عصير واي شي ياكله خالد وبعدها رجعت له
خالد يفكر بجون سوى اللي كنت خايف منه رفع عينه وهو يطالع عيون سمر بعتاب
سمر حست باالذنب ماتحب هاالنظره من خالد حست انه ماعاد تقدر تستغنى عنه ولاتبي زعله جلست قريب عنده وهي منزله راسها:سامحني خالد يكفي اللي جاني من محمد وابوي
خالد: ابوي وصل له الخبر
سمر تهز راسها بأي
دقايق ودخلت الخدامه باالاكل
سمر :اكل حاجه خالد من شهر وانت ماتذوق شي غير المغذي

بيت ام ياسر ...
السلام عليم ...
ام ياسر :وعليكم السلام ...
ياسر يجلس :وين اخواني ..
ام ياسر: نايمين
ياسر:ماشفت جاسم اليوم
ام ياسر :عنده اجازه
ياسر يوقف ويطلع لغرفه ريم ضرب الباب بخفيف
ريم نايمه وموحاسه بوجوده ...
قرب عندها يطالعها وهي نايمه ابتسم على طريقه نومها :حتى بنومك شكلك مضحك ابتسم وحط الورقه على الطاوله وطلع لغرفه جاسم
جاسم توه صاحي من النوم وجالس على الكنب وباله بعييد
ياسر :جاسم
جاسم فاق من سرحانه: همم
ياسر :ماشفتك اليوم ..تعبان ..؟
جاسم طالعه بنظره حزن ووقف :مافيني شي
ياسر:وجهك مصفر
جاسم بضيق : مرهق بس
استغرب ياسر وطلع من الغرفه ...
جاسم تنهد ونزل تحت ..
فتحت ريم عيونها بعد ماشافت الحلم بمناار ضاق صدرها حاسه بمنار فيها شي مدت يده على الطاوله تتصل فيها لاكن مغلق صكرت بضيق وهي تطالع الورقه على الطاوله استغربت اخذته وهي تقراها بعدها ابتسمت بفرحه كانت ورقه مباشرتها باالبنك اللي واعدها ياسر رمت اللحاف وركضت تدور على ياسر ..لاجل تشكره ..

سمــر سمــر...
سمر مع خالد فــزت وهي تسمع الصوت ركضت بتجاه محمد اللي بجنبـه سعود
سعـود طالع سمر بعدها نزل عيونه ..
محمد حس عليه وطلب منها تدخــل بعدها دخل على خالد وهو يسلم عليه ويتحمد له بالسلامه ...
سعود واقف وراء محمــد عند الباب بدون ماينتبه له خالد
محمد يطالع سعود بأبتسامه :حياك سعود
خـآلد :فز للاسم ولف راسه بسرعه وهو يشوف سعود
سعود ركز نظراته على خالد كأنه يتطمن انه بخير تقدم له وهو ماد يده ومبتسم
خالد كانت ملامحه جامده وهو يشوف سعود يتقدم له ويتذكر اخر موقف معه
قرب سعود يضمه ويتحمد له بالسلامه
خالد واقف بدون مايتحرك او يتكلم كأنه مستغرب من وجوده
سعود يرفع راسه :ويطالع خالد بصمت
خالد حس بشوق كبير لسعود ابتسم له ورجع يضمه :ايش اللي جاابك..؟
سعود يضحك بفرحه:هذا استقبال ياالشين
خالد ضحك عرف انه مشتااق له اكثرر
جلس خالد بعدها جلس سعود
خالد:كنت داري عن اللي صار
سعود: كنت حاس وجيت ااكد احساسي
محمد يوقف:اخليكم اجل تاخذون راحتكم
خالد بعدم صبر:سعود ايش دراك عن اللي صار لي ..؟
سعود ياخذ نفس:خالد تدري من اللي سواء بك كذا
خالد بأستغراب: سوى بي ..؟
سعود: منار..
خالد تضايق بذكر منار : ايش سوت
سعود:خالد اللي فيك انت سحر وقدرنا نبطله بأمر الله
خالد بصدمه : سحر .؟؟؟؟؟؟؟؟؟؟؟؟؟؟
سعود يتنهد وهو يهز راسه
خالد بعصبيه:وش قاعد تخربط انت
سعود : كلامي هو الصدق منار انتقمت منك بهاالطريقه
خالد :سعود انت وش قاعد تقول
سعود:اقول لك االلي صار انت اللي سويته بمنار ماهو بشوي
خالد:جاي من جديد تكلمني عنها لايكون مصر لحد الحين ارجع لها واتزوجها على قولتك بعدين انا كنت تعبان ماني مسحور
سعود: لامصر ولاجاي اقنعك تتزوجها انا جاي اقولك منار تطلبك الحل
خالد :ايش؟؟؟؟؟؟؟؟
سعود بحزن:منار ماتت ياخالد وخلت الدنيا لك
خالد بصدمه كبيره:ماتت
سعود: ادري ماهو وقته ياخالد
خالد ساكت يطالع سعود بأستغراب
سعود:خالد منار سحرتك لشي بداخلها لاكن تندمت لقيتها باالشقه مقتوله ومع التحقيق صارت منتحره وباالصدفه وانا ادور بااغرضها حصلت دفتر وعرفت ذاك الحين ان فيك شي حتى قدرنا انا واخوك محمد نتوصل له ويبطله الشيخ ادعي لها باالرحمه وسامحها واللي سويت لها انت ماهو شوي لاكن بيدك شي واحد يمكن ربي يغفرلك اللي سويته فيها وهو تدور على ولدك وتضمه لك لاتخليه يعيش يتيم ياخالد هذا ولدك ياخالد ولدك..

خالد ماقدر يتكلم او ينطق بحرف وقف زي المشلول يسمع كلام سعود وهو مصدوم
سعود بهدوء:خالد اعذرني ادري قسيت عليك انا طالع ارتاح الحين ..بعدها طلع من الفله لاقرب فندق يريح كل شي فيه ...
جلس خالد وبصوت متقطع:ماتت ؟؟
فتح عيونه وهو يتسأل بينه وبين نفسه ويتذكر كل شي قاله خالد وقف بتوتر يحاول يركز باللي صار له
دخلت سمر وهي تطالع شكله بحزن بعد ماخبرها محمد بكل شي :
خالد ركز نظراته بسمر : ماتت
سمر بحزن وهي مب مستوعبه اللي سواه خالد جلست على الكنب بصمت
خالد جلس وهو حاط يده على راسه ويحركه
سمر خافت عليه :خالد هدي نفسك خلاص انتهى كل شي مافي وقت تندم عليه ابد خلينا ندور على تركي طلبتك ابي اشوفه قلب عمته وين يكون
خالد بصراااااااخ:وانتي مصددددقه عندي وووولد لعب بعقلك بعد انتييي
سمر مسكت قلبها بخوف من صرخته
خااالد تركها وطلع من البيت بسرررعه....

الساعه 5 ..العصر
ندى تبتسم : يله عقبالي اصير اخصائيه
بدر :ووع منك ياالنفسيه
ندى :لازم اطبق عليك تجااربي انت اول وااحد
بدر :شايفتني فار انتي ووجهك
ياسر:ههههه هذا من بعد الدباب وهوحالته حاله
لمحوا جااسم طالع بدون مايلتفت عليههم
ندى استغربت:هييه نحن هنااا
جاسم طنشهاا وهو مايبي يشفون التعب بوجهه ركب سيااارته واتجهه للمستشفى ياخذ تحاليل وينتظر النتيجه...

بعد ماارتاح سعود طلع لفله محمد دخــل يسأل عند خالد استغرب انه طالع وهو بهاالوضع جلس ينتظره مع محمد..بعد نص ساعه رجع خالد..
محمد:خالد وين كنت..؟
خالد طنشه واتجهه لغرفته حاس بتعب فضيع ..
سعود:محمد اتركه شوي انا بروح له قام ودخل عليه
خالد بعصبيه:اطلع برااااااااا ماابي اشوف وجهك هنا ابد تسمع
سعود: خلاص طالع طالع هدي نفسك ياخالد لاتزيد عليك التعب
خالد: ان شاءالله امووت مالك خص اطلع برااااا
طلع سعود لمحمد
محمد:معليش سعود يمكن نفسيته تعبانه
سعود: محمد انتبه لخالد زين وخلك على وعدك انك تقنعه اذا مااقتنع اتصل فيني انا راجع للسعوديه
محمد:ارتاح ياسعود تعبت نفسك وانت رايح وراجع
سعود:ماعليك ياالغالي خالد غالي وعمري مااخليه ...

الخميس........
ام ياسر : كلمت ام نواف وحددت موعد الملكه يوم الاحد ...
جاسم ببرود وهو قلقان ينتظر النتيجه :ان شاء الله يتمم على خير عن اذنك يمه طالع
ام ياسر:وين طالع هاالوقت اجلس ونسني
جاسم :يمه عندي شغل ضروري
ام ياسر:يحفظك ربي
دخل ياسر وهو يطالع جاسم وحاس مب مرتاح من وجهه
ياسر:فيه شي جاسم
ام ياسر:لا مافي شي خلاص حددنا الملكه يوم الاحد الله يفرحني فيك انت بعد
ياسر بضيق تمنى انه ظل برا ولارجع احسن من اللي يسمعه:امين
ام ياسر:ياوليدي عهد ورجعت لزوجها خلاص خلني ادور لك بنت الحلال
ياسر يفكر مايدري ليش لحد الحين يفكر بساره رغم انها انتهت من حياته خلاص
ام ياسر: ياوليدي لاتضيق صدري
ياسر :يكون خير يمه لاتستعجلين علي ان شاءالله بيجي اليوم اللي اقولك اخطبي لي
ام ياسر:متى ياوليدي متى وانت دخلت 28 سنه
ياسرمايبي يضايق امه : ان شاءالله قريب يمه اوعدك

دخل سعود للشقه بعد ماوصل للسعوديه وهو مايشوف طريقه رمى نفسه على الكنب وهو مغمض عيونه لازم اليوم يروح لريم مايدري ايش يقولها ماحد حاس فيه ولايقدر يصارحها باللي صار ابد قرر يرتاح حتى يطلع لهااا
ريم فاتحه الشباك وهي تتذكر هالوقت كانت تتجهز تنزف لسعود مر اسبوع وماله حس تحسرت على نفسها صكرت الشباك بضيق وهي تحاول تكون اقوى لاكن اللي دخل قلبها مستحيل يطلع بهاالسهوله تمنت تتصل فيه لاكن طنشه هاالفكره لاجل يعرف من هي ريم ...
نااام سعوود حتى العشاء قام واخذ له شاور بدل ملابسه وطلع لبيت ريم وقف السياره وهوحاس بشوق كبير لهااا نزل يضرب الجرس وهو يتصل فيها
ريم مع اخوانها باالصاله وجوالها بغرفتها قام ياسر وتوجهه للباب انصدم بوجود سعود
سعود وهو منحرج من ياسر ابتسم له وقرب يسلم
ياسر : اهلين باالاخ سعود واخيرا شرفت
سعود:هلابك
ياسر ينزل يده ومن الذوق ماحب يوقف سعود عند الباب ضيفه على المجلس ...
جلس سعود وطلع ياسر يجيب القهوه ...
جاسم :من اللي جاي
ياسر بضيق:سعود
جاسم تقدم بعصبيه للمجلس مسكه ياسر :جاسم لاتتدخل بهاالموضوع خله علي رح ادخل ولاتحسس ريم انه موجود فاهم
اخذ القهوه من ندى وطلع للمجلس
ياسر يمد القهوه لسعود وهو ساكت وباين عليه الضيق:وين كنت ياسعود
سعود:اعذرني ياياسر ادري اني غلطان لاكن والله مشغول ولاقدرت اجي (سعود يدري ان عذره بايخ ومستحيل يرضى عنه)
ياسر يبتسم بأستنكار:مشغووول واللي مشغول يترك حرمته من دون مايتصل فيها ويطلع من اول ليله
سعود سكت من عصبيه ياسر
وقف ياسر:عذرك ماهو مقبول انت ماتستاهل الحشيمه ولاالتقدير كأنك واحد مراهق ماهو رجال عمره 25 اعذرنا مالك زوجه عندنا واطلع برا وانا قلت لك من قبل لو اسمع عنك شي والله ماارحمك تركه باالمجلس وطلع براا ..
سعود مصدوم من ياسر ماتوقع رده فعله كذا ابد نزل راسه بقهر وطلع وهو يتصل بريم محتاج يسمع صوتها اكيد راح تفهمه ...

طلع ياسر للصاله وطلب ريم تجي ...
ريم قامت مستغربه وهي مو متطمنه من وجهه ..ومشت وراء ياسر لغرفتهااا
ريم :ياسر فيه شي..؟
ياسر : ريم سعود جااء اليوم
ريم بصدمه :سعوووووود...؟
ياسربعصبيه : لاكن طردته تدرين ليش لانه ماهوبكفو ابد ولااتشرف انك ترجعين له اذا اول ليله رماك عند اهلك وش يسوي بعدين انتي ماانتي لعبه بين يديه ..
ريم فاتحه فمها وهي تسمع الكلام وباين عليها الصدمه اكثر
ياسر حس عليها قرب وهويحط يده على كتفها وبهدوء :ريم ماعنده كلام جديد نفس الكلام اللي قالك اني مشغول
سمعت صوت جوالها يتصل اخذه ياسر وهو يطالع الرقم :هذا سعود يتصل ..؟ عذره اقبح من ذنب انا ماراح امنعك لك رايك..؟
ريم عينها على الجوال وهو يتصل تطالع اسمه بصمت سحبت الجوال من يد ياسر وبصرااخ :مااابي ارد .. وقفلته ورمته على الارض وجلست على السرير وهي تشهق من البكاء ....

تابع ..الفصل الثاني راح يكون يوم الاحد ...بأذن الله ..

عدد المساهمات : 63 تاريخ التسجيل : 11/01/2012

وااااو الروايه مررررررره حلوة

بليز كملي الروااايه لا تعلقيني

ويسلمو على هالروايه الحلوه

تــآبع البارت الاخير الفصل الثاني ....

في الصــآله ..
ندى :جاسم وش السالفه ..؟
جــآسم بنفسيه زفت : سعود جاء.
ندى بفرحه :من جدك..؟
جاسم : وش عليه فرحــآنه عاجبك اللي سواه بأختك
ندى :جاسم اكيد ماغاب الاله عذر ولو مايبي ريم كان مارجع
جاسم طنشها وجلس يتابع التلفزيون ..وهو يحاول يفكر بالقرار اللي قرر يقوله نفسيته تعبانه عجز يفكر بهدووء حاس انه محبط وفاقد الثقه بنفسه مد يده من تحت الشماغ يعدل السماعه بأذنه بدون ماتحس ندى
ندى :طيب هو راح ..؟
جاسم :اي
قــآمت ندى بسرعه لغرفه ريم ...
سعود رجع يتصل بريم لاكن الرقم تقفل تنهد بضيق وهو يقطع الخط وحرك السياره حتى وصل للبيت ..
قابل ياسر ندى عند الدرج :تعالي وين رايحه
ندى :وين ريم ..؟
ياسر بهدوء :ندو انزلي خليها لحالها الحين بعدين ادخلي عليها
ندى بخوف:ياسر صاير شي..؟
ياسر يتنهد بضيق:سعود ياندى رافع ضغطي جاي وبكل برود يقول كنت مشغول
ندى : ريم شافته
ياسر :ولاعاد راح تشوفه لاني طردته
ندى بشهقه:من جدك طردته ..؟؟؟؟!!
ياسر : لاتتدخلين ياندى بكلام رجال نفهم بعض اكثر منكم ياالحريم وبعدها سحب يدها ونزلها تحت حتى ماتدخل على ريم ...

لمياء جالسه عند التلفزيون وبيدها بطاطس ليز وهي منسجمه مع الفلم لفت راسها وهي تطالع سعود صرخت :سعوووووووووووود
سعود يسد اذنه بأستهبال من صرختها لميااء تتعلق فيه وهي تهاوشه وتعاتبه :وينك فيه خفنا عليك حرام عليك تسوي فينا كذا
سعود ببرود :مشغول يالمياء كثير
تركته لمياء ورفعت صوتها تنادي:يمااااااه يماااااااه سعووود
ام يوسف باالمطبخ مع عفاف سمعت الصوت وتركت اللي بيده :وليدي سعووود وينه وينه..؟
سعود يبتسم وهو يطالع امه القلقانه عليه قرب يسلم عليها ويحضنها له
ام يوسف تصيح :وينك فيه ياولدي وينك
سعود يحاول يكون طبيعي: كنت مشغول يمه وهذا انا قدامك مافيني شي
عفاف تسلم عليه :والله زين تخوفنا كذا وش هاالشغل اللي مايخليك تتصل بهلك ..
سعود متوهق مايدري ايش يقول ولاحتى جهز الكلام اللي بيقوله سكت وهو يهدي امه ويجلس على الكنب ..
عفاف بجديه وهي متضايقه منه:رحت لريم
سعود بلع ريقه :اي رحت وسلمت عليها وجيت
ام يوسف:وليش ماجبتها معك
سعود :ان شاءالله الايام الجايه
ام يوسف :خذت قليبي ماذقت الراحه وانت بعيد
عفاف ماارتاحت ابد وظلت تكثر عليه من الاسئله حتى مل منها وقام لجناحه...

ريم دافنه وجهها على السرير ومغطيه شعرها وتبكي بهدوء حست مشاعرها من داخلها فرحانه برجعته لاكن تحس باالجرح من كلامه ماقدرت تتقبل عذره ابد ليشش ياسعود ماتدري اني احبك والله احبك نزلت دموعها اكثر وظلت ربع ساعه على حالها حتى حست بلمسه دافيه على كتفها
:ريووم..؟
ريم تسمع صوت جاسم بدون ماترفع راسها
جاسم :ريم لاتسوين بنفسك كذا ولو تبين اروح اكسر راسه الحين سويت لاجل مانشوف دموعك ترانا اخوانك ونحس فيك ابوي من كنتي صغيره مايرضى احد يزعلك بشي وشلون يجي ولد اللي مايسوى وينزل دموعك والله العظيمم لو تبقين على حالك كذا ان اروح واشوف شغلي معه
ريم خافت عارفه ان جاسم متهور في هالاشياء ماتبي يتأذى سعود ماهما كان تحبه وتخاف عليه رفعت راسها بتعب والدموع مغطيه وجهها
طالعها جاسم وهو يرفع شعرها عن وجهها :ريم ماعاش اللي يذلك وربي اوطاه برجلي واخليه ولاشي..
ريم تتصنع البسمه : خلاص جاسم بس كنت مصدومه منه لاتخاف علي انا بخير
جاسم :ابيك تريحني ياريم ماابيك ضعيفه كذا دايم اشوف فيك القوه ماكنت اخاف عليك لاني اعرف ان شخصيتك قويه ومحد يقدر عليك
ريم طالعته بحزن وسكتت
جاسم سكت وهو يبلع ريقه بعدها ضمها وكأنه يودعها: اوعديني ان ماتهمتين كثير بهااالشي ابي اطلع وانا مرتاح
ريم جسمها وهي تطالعه :وين تطلع
جاسم يحك راسه بتصريفه ويبتسم :من الغرفه
ريم تنهدت وبضعف :اوعدك ..
ابتسم جاسم وهو يطالع الساعه بعدها طلع
ريم قرصها قلبها حاسه بجاسم ماهو طبيعي وبوجهه شي ...
نزل جاسم طالع امه وباين عليها القلق وندى وياسر ابتسم لهم :تامرون شي ..؟
ياسر : سلامتك ..
ام ياسر:اجلس تعشى ياوليدي
جاسم مايبي يطالع بوجهه امه حتى مايضعف :لا يمه معزوم بره يله مع السلامه اسرع بخطواته وطلع برااا والحزن على وجهه ركب السياره وهو يطالع بيت حمد وباله عند ساره مايدري اللي سواه راح يريحه مايبي يظلم ساره ايش تبي مني وانا انسان مريض راح بعالم ثاني بعدها طرد افكاره وتوجهه للمطاار تارك وراه كل شي وقبل لايقفل جواله ارسل لياسر (ياسر انا مسافر ويمكن راح اطووول كثير تعذر لي من حمد مااقدر اتملك على ساره والله يوفقها مع واحد غيري ))
طالع الرساله بحسره ومشاعره من داخل تبي ساره حس انه بدا يحبهاا لاكن غصب عنه مايبي يتملك عليها ويتندم بعدين كان وده يرجع بكلامه لاكن تذكر اللي قاله الدكتور وبعدها قفل جواله
سافر للاردن يعالج بعد مااطلعت التحاليل بأنه عند تلوث بالكلى وتحتاج علاج طويل بعد مافقد الاوله جلس فتره ينزف والجرح مفتوح حتى تلوثت الكلى الثانيه ...ويمكن يتعرض لفشل كلوي اذا مانجح العلاج
صعدت ندى لغرفه ريم استغربت انها ماهي موجوده دقايق طلعت ريم من الحمام وانتم بكرامه وهي تمسح وجهها
طالعتها ندى بنظرات كأنها تتفحص رده فعل ريم
ابتسمت ريم ومن داخلها ودها تصرخ
ندى بادلتها البسمه :ريم تنزلين تتعشين ولااجيب لك العشاء هنا
ريم تطالع المرايا وتلم شعرها وترفعه لفوق :مالي خاطر اكل شي
ندى تجلس على السرير وهي ماتدري وش تقول ..بعدها نطقت: ريم ايش بتسوي مع سعود
ريم نزلت عيونها على التسريحه تدور على المرطب بدون تعليق
ندى :ريم ترجعين وياه..؟
مسحت الكريم بيدها وهي تطالع ندى مع المرايا:لو مكاني ايش بتسوين ..؟
ندى احتارت:ريم كلميه يمكن ظروفه اقوى منه ..
ريم : الللي عنده قاله لياسر ايش بأاستفيد لو ابكلمه خليه يروح يكمل شغله هااللي يقوله ..
ندى:ريم لاتتسرعين
ريم: وش اصعب من البنت اللي تنرمي عند اهلها من اول ليله ماجلست معه حتى عشر دقايق احمد ربي ماوصل الخبر لاهل الحي كان ايش بيقولون وبيحطون ويزيدون من الكلام طيب لوفرضا قبلت عذره انه مشغول وليش مايرد على مكالماتي ومسجاتي ليشش ..؟
ندى تطالع ريم اللي منفعله :خلاص حبيبتي هدي نفسك وخليها على الله لعلها تنفرج
ريم تتنهد جاء على بالها جاسم :ندى جاسم فيه شي..؟
ندى :حاسه انه تعبان بس يقول مافيني شي ..؟

دخل سعود لغرفته طالع المكان اللي جهزه بااحسن الاثاث لعيون ريم كان هو المكان اللي يجمع قلبين يعشقون بعضهم جلس على السرير بحزن وهو يتخيل ريم غمض عيونه وهو يلعب بأصابعه بقهر كل شي كان يتجهز له اخترب بلحظه وحده تذكر نوف تمنى يذبحها بيده هي سبب كل شي اخذ الجوال يتصل بريم لاكن لسى مقفل رمى نفسه على السرير وهو محتاار كيف بترجع ريم اشتاااااق لها راح ينجن لو ماترجع له ..ماحد راح يقبل عذره اذا اهله ماصدقوه كيف بريم تقلب على اليمين تذكر خالد رجع يتصل بمحمد لاجل يتطمن على خالد...

خــالد ماقدر يذوق طعم النوم تندم على كل شي سواه بهاالدنيا كره نفسه كثيير مسح دمعته وهو يوقف تعب من التفكير بمنار تذكر اخر لحظه وياها ظلمها كثيير هي باالذات قدر يلعب بعقلها من كانت صغيره حس باالذنب والخوف انتحرت اكيد كله بسببي مر على باله تركي كان يكذب ان تركي ولده لاكن كل شي بداخله يصدق اذا تذكر صوره الولد اللي بجوال منار يشده كثير رفع عينه على السقف وهو يرسم ملامحه يتذكرها زين مانسااها ابد
مر على باله الولد الصغير اللي باالمطار غمض عيونه وبدا قلبه يضرب نفس الملامح لاكن ليش تجاهلها تذكر سعود في اخر يوم لما تهاوش وياه بعد مااختفى تركي ..تنهد وهو حاس بصدااع غريب قام بسرعه وهو يتذكر انه كان معه بالرحله هو تقريبا الطفل لالا في كذا عائله معهم اطفال ياربي كيف اعرف وامريكا كبيره وين القاه لازم اسأل واتأكد اذا هو اويتخيل لي بدل ملابسه وطلع بســرعه
سمر:خالد خالد وين طالع لسى تعبان اخاف يصير لك شي براا
خالد مااعطاها فرصه تلحقه قفل باب البيت وطلع ...اتصل بالسكرتير بسرعه كان له علاقه مع واحد يشتغل باالمطار اعطاه تاريخ رحلته وطلب اسماء الموجودين باالرحله وماهي باالسهوله يقدر يجيبها ....
في بيت حمد...
بجناح ســآمي ...
:عهوووده ...
عهد طلعت من الغرفه :جيت حبيبي ..؟
سامي يطالع عهد اللي اخذت قلبه كانت لابسه فستان فوق الركبه لونه اصفر مبين بيضاها كأنها طفله ابتسم لها وقرب يبوسها
عهد بزعل على دلع:انتظرت كثير وتأخرت
سامي :غمضي عيونك
عهد:ليش
سامي :امم غمضي وبتعرفين
عهد تغمض عين وتفتح عين
سامي :هههه بس بلاغش كلها غمضي
عهد ببتسامه :طيب
سامي يمسك يدها بحب ويحط التذاكر :يله فتحي
عهد تطالع التذاكر بأستغراب
سامي : بنسافر لتركيا بعد اربع ايام علشان نحضر ملكه ساره
عهد بفرحه واضحه ابتسمت وضمته بسرعه:ربي لايحرمني منك حبيبي
سامي بهدوء وراحه قرب عند اذنها: ولامنك على طول العمر

ياسر بعد ماخلص من العشاء طلع للصاله وجلس وباله عند ريم اخذ جواله وفتح المسج من جاسم تضايق كثير وانصدم من جاسم حاول يركز ويقرا المسج كذا مره :هذا من جده ..؟ اتصل فيه لاكن مغلق استغرب مسااافر ..؟ اكلم حمد لا مب معقول اكيد فيه شي ليش يسافر بدون مايعطينا خبر وقف وهو محتار وش يسوي ...رجع يجلس ويقرا المسج بهدوء وبهمس ماراح تتزوج ساره ..؟ ليش تسافر..؟؟
دخلت ام ياسر صكر ياسر الجوال وعدل جلسته حتى ماتدري امه ويفهم الموضوع من جاسم بنفسه ...

بعد ثلاثه آآيــآم كان سعود يتصل بريم وجوالها مازال مغلق اما ياسر حاول يتواصل مع جاسم لاكن ماقدر وخبر امه بأنه مسافر وراح يرجع بعد يومين .. وخالد بهااالايام اللي راحت يحاول يحصل عناوين وارقام العوائل الخمسه اللي كانو بولايات بعيده ..هم اللي معهم اطفال ..
يوم الاحــد...الصبـــآح ...
قامت ريم من السرير بتعب عجزت تنام حتى رحمها النوم وقدرت تنام ربع ساعه وقفت عند المرايا بعد ماغسلت وجهها وبدت تحط ميك اب خفيف لاجل تطلع للبنك اول يوم دوام لها سرحت شعرها خلته مفتوح بدون اي حاجه لبست القميص الابيض والكرفته والجكيت الرسمي مع تنوره سكيني طلع شكلها مرتب ويفتح النفس باالملابس الرسميه حقت البنك ..قربت تحط على شفايفها روج بنكي بعدها اخذت شنطتها وعبايتها ونزلت تحت ..

ياسريلبس ثوبه وتفكيره عند جاسم قلقان عليه ومقهور بنفس الوقت اليوم موعد ملكته مع ساره وحطه بموقف محرج عند حمد حس بداخله فرحه لاكن حاول يتجاهلها مايبي ينصدم مثل كل مره عدل شماغه ونزل تحت :صباح الخير
ريم بهدوء :صباح النور
ياسر يطالع ريم وهو يحاول يغير مودها :الله الله انتي جايه تشتغلين ولاتخقيقين الناس
ريم ابتسمت وهي مالها خلق تعلق مدت كاس النسكافيه وشربته
ام ياسر :اليوم الاحد واخوك مارجع ..
ياسر باارتباك ":بتصل فيه يمه لاتحاتين يله ريم جاهزه
وقفت ريم تهز راسه بأي
في الطريق ..
ياسر :ريم
ريم :همم
ياسر : حاس اني محتار وقلقان على جاسم وفي شي مخبيه عنكم لازم اقولك عنه
ريم بخوف :ياسر لاتخوفني قول
ياسر :ريم ياسر ارسل لي رساله اني اتعذر له من حمد ماراح يتزوج ساره
ريم بضيق :ايش..؟؟
ياسر :قال انه راح يساافر ورااح يطوول
ريم تتذكر لما كان بغرفتها وكأنه يودعها :ليششش ..؟
ياسر :مدري مدري محتاار ولاادري عنه حاولت اتصل مايرد
ريم :وربي كان قارصني قلبي عليه كثير
ياسر :حتى كنت ادري فيه شي ومخبيه
ريم بخوف :ماقال وين مسافر
ياسر :مااقال شي
ريم : جسوم مايسوي كذا الافيه شي
ياسر :ياليت يرد بس لو يطمنااا قلقان عليه ومنحرج من حمد ابقول لحمد مافي غير هاالحل هو بيفهمني
ريم بضيق :ليش يسوي كذا بساره ؟؟
ياسر :ابتصل فيه واتأكد يله انزلي الحقي على شغلك
ريم حست بضيق من اللي سمعته عدلت عبايتها ونزلت

فتح عيونه وهو يشوف الساعه بعد المخده عنه وعدل جلسته طالع المكان وهو يفكر يداوم او لا وابوه متضايق منه كثير مايدري وشلون بيقابله مره ثانيه حتى اهله مايبي يسمع منهم اي كلام يكفي اللي فيه اتصل محمد رفع سعود السماعه بسرعه
محمد:هلا سعود
سعود:هلامحمد
محمد:نايم ..؟
سعود:لابطلع للدوام في شي
محمد ببتسامه :سعود ابشرك خالد طلع يدور على تركي
سعود نط على الارض وبفرحه :بذمتتتك ؟؟؟
محمد: اي والله الحين نبحث على كذا عنوان محدد لنا وان شاءالله خير
سعود:محمد وكيف بتعرفونه هو باامريكا صح لاكن ماعمره شافه شلون بيعرفه
محمد:لا هو يقول شفته باامريكا
سعود بااستغراب :شااااافه..؟؟؟؟ وكيف عرفه وهو مايعرف ملامحه
محمد:عند صوره لها من زمان
سعود ساكت بصدمه بعدها نطق:صوره؟
محمد وهو يدخل على الموظف:ابكلمك بعدين راح اقابل الموظف الحين يله مع السلامه
سعود صكر السماعه وهو مستغرب صوره ..؟ صحيح طلب من محمد انه يدور على تركي على اساس انه ياخذ له صوره من الدرار اللي كان فيها ويرسلها لهم .. وبهمس : من وين جابها يعني كان مقتنع ان له ولد سكت يفكر وقطع تفكيره صوت الباب
وقف يفتح الباب
لمياء :صاحي ..؟
سعود هز راسه بعدها دخل واعطاها ظهره
لمياء تمسك الباب :سعود ابوي موصيني اصحيك للدوام ..
سعود :طيب البس وانزل

رجع ياسر يتصل بجاسم كذا مره
جاسم على السرير الابيض باالمستشفى وجهه اصفر وشاحب انتبه على جواله طالع رقم ياسر بعدها رد بصوت كله تعب ..
ياسر :جاااسم
جاسم:هلاياسر
ياسر بجديه على عصبيه:جاسم وينك ..؟
جاسم سكت وهو يطالع المكان بحزن
ياسر :جاسم فيك شي وايش فيه صوتك
جاسم :تو صاحي من النوم
ياسر يتنهد براحه :جاسم فهمني الموضوع ليش سافرت
جاسم :ادور لي شغل باالاردن
ياسر بعصبيه : شغل وشغلك اللي هنااا ..؟
جاسم :ماارتحت له بعدين هنا رواتبهم اكثر وشغلهم مريح
ياسر مااقتنع : جاااسم طيب وتترك ساره ..؟
جاسم سكت يفكر ايش يقول وبكذب :ماكنت مقتنع بساره وخطبتها علشان امي ولاحسيت باالراحه ففكرت اتركها لاجل مااظلمها وياي
ياسر بقهر وبدون شعور :وليششش توووافق عليهااا من قبل كاان قلت لا وريحتني
جاسم بااستغراب :ريحتك ؟؟
ياسر انحرج :يعني انت ماكنت تبيها
جاسم وداخل قلبه يردد ابيها وهاالشي غصب عني :لا ماابيها
ياسر بضيق سكت وهو شوي يصرخ بوجه جاسم
جاسم بصعوبه وهو يبلع ريقه:الله يوفقها مع واحد غيري وانا ماتملكت عليها ليش تتضايق هي مجرد خطبه
ياسر بهدوء وتفكيره بعيد:ليش تتركني اتعذب ياجاسم
جاسم :ياسر ايش فيك ..؟
ياسر خذى نفس : مابغيت اوقف بوجهك
جاسم سكت وهو يسمع صوت ياسر اللي متغير
ياسر :جااسم انا ابي ساااره تفهم ليش سويت كذا من الاساس كان قلت لا امي تدور لك احد غيرها كسرت كل شي فيني وفي الاخير تتركها وتسافر مافي قلبك رحمه انت ايش ذنبها وهي اليوم تستعد لملكتها
جاسم فاتح عيونه بصدمه من الكلام اللي يسمعه ماتوقع ان ياسر يفكر بساره ابد حس بضيق بقلبه مايبي يتركها لكن قرار تنفذ وانتهى نزل عيونه على اللحاف وهو يهتز من الداخل كأن اخوه زود عليه التعب بدا يتألم ويكتمم صوت اناته عن ياسر مايبي اهله يدرون عنه وبعدها بصعوبه :ياسر اكلمك بعدين وقطع الخط بوجهه
ياسر يسمع الخط ينقطع نزل الجوال من على اذنه وهو يطالعه بصمت غمض عيونه يهدي نفس ومن داخله مقهوور رجع للبيت بسرعه يقابل حمد قبل لايطلع للدوام
ياسر :هلا نواف وش اخبارك
نواف :بخير اقلط
ياسر :حمد فيه ولاطلع
نواف : داخل ادخل وبناديه
دخل ياسر ودقايق دخل عليه حمد ..
مرت خمس دقايق يسالفون فيها بعدها باارتباك :حمد ابيك بموضوع واتمنى هاالموضوع انك ماتاخذه بخاطرك كثير لانه موبيدينا والله
حمد :وش الموضوع ياياسر
ياسر :حمد جاسم اخوي سافر وراح يطول بسفره
حمد :غريبه والملكه ماهو محددها اليوم
ياسر بصعوبه :حمد الله يوفق بنتك مع واحد ثاني مالنا نصيب فيها
حمد بااستغراب : وش تقول ياياسر
ياسر :حمد والله انكم ناس اجاويد والواحد يتشرف يناسبكم لاكن جاسم سافر واعطاني هاالخبر
حمد وهو يحاول يتماسك ويخلي الوضع عادي : كل شي فيه خير والحمدالله الله كاتب كل واحد نصيبه وان شاءالله هاالشي مايسبب بقلوبنا شي عليكم وساره بجيها نصيبها ان شاءالله بس ليش مسافر
ياسر حس ان جبل وانزاح عن قلبه وارتاح من رد حمد :يدور له شغل هناك
حمد سكت بتفكير وهو متضايق من داخله بس مايبي يبين لياسر
جلس يسولف وياه كان الوضع عادي وبعدها طلع لشغله ...
دخل حمد وهو يدور على ام نواف
حمد :نوره انا طالع للشغل الحين بس بقولك شي يمكن يضيق صدرك منه
ام نواف :خير ان شاءالله
حمد :نوره الرجال ماله نصيب بساره
نوره :وشو ..؟؟
حمد : البنيه بيجيها واحد احسن منه لاتضيقين صدرها قولي لها وخلي الامر عادي مانبي البنت تنصدم وهي توها صغير الولد سافر واخوه قال لي ان مالنا نصيب فيهم
نوره بعصبيه:وخير ان شاءالله كان من الاول يقولون يبيون يكسرون خاطر بنتي وليش ام ياسر ماكلمت
حمد :يابنت الحلال ياكثر البنات اللي ينخطبن ولايتم زواجهم واولهم بنت ام ياسر ندى ماهي بنتك وبس وبعدين البنت ماتملكت خطبه وبس والخبر ماانتشر ابيها لاقامت تقولين لها ولاتزودين عليها يله انا طالع ...

الساعه 10 سعود جالس على مكتبه وهو يشرب شاهي جت على باله فكره وخايف من رده فعل ابوه حط الشاهي على الطاوله وطلع لابوه باالمكتب
ابويوسف ضايق منه ولاحط عينه بعينه
سعود :يبه
ابو يوسف بجديه :نعم
سعود جلس على الكرسي :يبه ابيك تجي معي العصر لبيت اهل ريم
ابو يوسف يرفع عيونه :وليش ان شاءالله
سعود :اهلها رافضين اني اخذ حرمتي
ابو يوسف :دواك تستاهل رح صحح غلطتك
سعود :ماغلطت كنت مشغول وبس
ابو يوسف :ومن متى نوكلك بشغل الشركه برااا هاا درينا انك مشغول بس في ايش مدري ..؟
سعود بعصبيه:يبه اذا ماوقفت معي بهاالموقف متى توقف معي ابي حرمتي ترجع معي
ابويسف ببرود :بقلعتك انت وياهم مالي دخل فيك سودت وجهي عندهم ...
سعود قام وهو معصب وطلع

الظهـــر قــآمت ..ساره ونزلت تحت تساعد امها باالغداا ام نواف خاطرها متكدر طالعت ساره بضيق عليها
ساره تغسل القدر : يمه محتاره البس اي فستان حصلت امس فستانين حلوين لما جيت حصلتك نايمه
ام نواف تبلع العبره بصدرها وهي تقطع الطماط تركت السكين وغسلت يدها قربت من ساره اجلسي حبيبتي
ساره :يمه فيك شي
ام نواف :ساره حبيبتي الله يعوضك بواحد غير جاسم
ساره مستغربه : في شي يمه
ام نواف :حبيبتي جاسم راح في طريقه لاكن بيجيك اللي احسن منه ان شاءالله
ساره مصدومه ساكته تسمع امها وبهمس:ليش
ام نواف :تلاقين ولد طايش مايقدر الحمدالله ربي فكك منه
ساره طالعت امها ولاقدرت تفهم مشاعرها من داخل صحيح كانت ماتتمنى جاسم لاكن خطبها ورت عليه
ام نواف تحب راس بنتها :لاتفكرين فيه ياحبيبتي
ساره ساكته وموقادر تقول شي ماتحس انها ضايقه من داخلها لاكن مصدومه بس
عهد تدخل المطبخ وهي تطالع وجهه ساره : فيك شي ساره
ساره طالعتها ببرود وطلعت لغرفتهااا
عهد :خالتي في شي
ام نواف :ياحبيتي يابنتي حسبي الله ونعم الوكيل
عهد بخوف :خاله ايش فيه
ام نواف:جاسم جاسم ياعهد ترك بنيتي وكسر بخاطرها
عهد بصدمه :ليشش
ام نواف :وانا ادري عنه حتى امه مااتصلت ابد
عهد تركت ام نواف وطلعت لساره ......

حطت راسها على المخده بعد تعب الدواام ماتبي تفكر بحاجه لافي سعود ولاساره وجاسم اللي كان مشغول بالها طول الدوام فيهم غمضت عيونها وهي تطرد افكارها تبي ترتاح وتذوق طعم النوم اللي فاقدته سمعت صوت جواله يتصل نست تقفله لاجل ماتشوف اتصالات سعود قامت بسرعه واخذته طالعت رقم سعود بصمت صارت مشاعرها تلعب بداخلها وتعذبها اكثر واكثر
سعود متسند على السرير حس براحه وهويسمع الدقات اتصل مره ثانيه ولافي رد ارسل لها (ريم طلبتك ابي اسمع صوتك تعبان محتاج لك مشتاقلك طلبتك طلبتك )
ريم طالعت الرساله وبعدها ارسلت ( للاسف جرحك كبير بداخلي عجزت اداويه وبعدها قفلت الجوال وحطت راسها على المخده وسمحت لدموعها تنزل بهدوء ..
سعود حس باالقهر وهو يقرا الرساله اتصل والرقم مغلق حط يده على شعره ومن داخله يغلي عارف انه غلطان لاكن ايش يقول لها مستحيل يعترف لها عن منار نفسيته مريضه الايام اللي راحت ماقدر يكلم حتى اهلها حس باالتعب في كل مره يظن فيها انه بيرتاح تضيق عليه اكثر واكثر رجع يتصل فيها اكثر واكثربعدها طلع وركب السياره والارهاق باين عليه حرك السياره بأتجاه ريم محتاج شوفتها لو دقيقه رسالتها فجرت كل شي بداخله
وصل للبيت وضرب الجرس ..انتظر دقايق وطلع له بدر
سعود ملامحه جامده وببرود :بدر عط ريم خبر اني عند الباب انتظرها
بدر خاف من ملامح سعود ودخل :يمه سعود عند الباب
ام ياسر معصبه وضايقه من جاسم بعد ماقالها ياسر بكل شي هي وندى :سعووود؟
ياسر بعصبيه :ايش جابه ..؟
بدر :يقول عط ريم خبر اني عند الباب
ياسر طلع له ووقف قدامه
سعود :ياسر تعوذ من الشيطان انا جاي ابي اخذ حرمتي
ياسر :واذا قلت ان مالك حرمه هنا
سعود : ياسر يرحم امك تراني تعبان وماني ناقصك ابدخل اشوف ريم
ياسر :ريم ماتبي تشوفك
سعود:انت اللي مانعهاا ..؟
ياسر :مامنعتهاا خليت كل شي على راحتها والدليل انها مقفله الجوال ماتبي اتصالك يعني افهمها ..
سعود :ادخل عطها خبر ابي اقابلها دقايق
ياسر :علشان مااظلم احد لاانت ولاهي ابطلع اقولها لاكن بعدها ماابي اشوف وجهك تركه وهو حاس باالاهانه
دخل ياسر لغرفه ريم وهي تحاول تنااام
ياسر :ريم
ريم تفتح عيونها بتعب :همم
ياسر بجديه :ريم سعود عند الباب
ريم تعبس بوجهها :سعود
ياسر:يبي يقابلك دقايق تنزلين ....؟؟
ريم ساكته وهي تطالع السقف
ياسر :ريم ماحد جابرك قرارك بيدك .
ريم تلف على جنبها اليمين وتعطي ظهرها لياسر :ماابي اقابله وحتى دقيقه
ياسر وقف يطالع ريم عرف انها تبكي وبعدها نزل لسعود
:ريم رفضت
سعودركز نظراته على ياسر بصمت وبعده تركه وركب السياره

المغــرب ..البيت هاادي ندى باالصاله لحالها تشرب قهوه وهي تفكر بساره رفعت عينها على ريم اللي لسى صاحيه من النوم : صح النوم
ريم ابتسمت وجلست بجنب ندى :وين اخواني..؟
ياسر طالع مع امي لموعدها باالمستشفى وبدر بالشارع ..
ريم تنهدت وهي تطالع القهوه :اعطيني قهوه
ندى تصب له وتعطيها :كيف البنك ..
ريم :حلو تغير روتين ..
ندى:نطلع وياك ..
ريم :على وين ..؟
ندى:للمول اي مكان
ريم :حاسه نفسي متكسله خليها بعدين
دخل ياسر وامه باالبيت
ام ياسر وهي تطلع لغرفتها :ندى ..
ندى قامت :نعم يمه
ياسر يجلس عند ريم : توك قايمه
ريم :اي قلي ايش صار قلت لحمد
ياسر :ايه قلت له ..على فكره اتصلت بجاسم ورد علي
ريم :من جدك طمني عليه
ياسر :مافيه الاكل خير مسافر يحصله شغل باالاردن
ريم :شغل..؟؟ وشغله اللي هنا ... وسااره طيب؟؟
ياسر :يقول ماني مرتاح لها اخذتها علشان امي ولاقدرت ارتاح
ريم بااستغراب وهي تتذكر نظراته لها والشكولاته:ليش..؟
ياسر :مدري مدري ايش صار له
ريم بعصبيه :حرام عليكم ليش انتم ياالرجال ماتحسون فينا ماتدرون ان البنت مب جامد وتنكسر بسرعه
ياسرحاس بريم سكت بعدها بهدوء :لوبيدي ماضايقت خاطر ساره لاكن مابيدي شي
ريم بأنفعال :الابيدك شي
ياسر يلتفت لها باستغراب:ايش هو
ريم تبلع ريقها :تقدم لها انت
ياسر بصدمه سكت
ريم تطالع الصدمه على وجهه :موانت تحبها ياياسر صدقني ساره تحبك انت بعد انا افهمها اكثر من اي شخص ومااحس انها مبسوطه بزواجها مع جااسم كنت ساكت هذيك الفتره لانك كنت ناوي تتقدم لعهد ماحبيت اوقف قدام وجهك
ياسر :وايش يقول عنا حمد بنته مب لعبه كل واحد يرميه على الثاني
ريم :لاتفكر كثير بهاالشي ...
في بيت حمد..
ساره :صدقيني عهد مااحس اني متضايقه هي مجرد خطبه بس لاكن انصدمت بس
عهد:وربي خيره لك حبيبتي
ساره :عهد ايوه ادري انها خيره لاني ماادري ليش اصلاوافقت عليه وتسرعت
عهد :ياحبيبتي انتي صغيره وقدامك مشوار طويل كملي دراستك ولاحقه على الزواج وغثاه
ساره تبتسم/اممم يعني سامي غثاااء
عهد :هههه لااقصد الزواج بصفه عامه
ساره:ههههه اي ياخوافه ...
عهد :هههه يله ياقلبي خلينا نطلع ويياك وناخذ ويانا ندى وريم شرايك
ساره تذكرت جاسم :لابعدين حبيبتي
عهد فهمت عليها:خلاص انا وانتي طيب قبل لااسافر بكره
ساره:خلاص اوكيه ..

بامريكــآ _لوس انجلس
رفع السمـآعه بعد ماوصل خالد ومعه محمد اتصل باالشخص اللي اتفق يقابله اخذ العنوان وتوجهه لبيته
اسامه جميل ..من جده يحضر دكتواره كان من ضمن الرحله اللي توجهت لامريكا باتاريخ 20|6
عنده بنت وولدين فتح الباب يستقبل خالد بترحيب وهو مايدري ليش جاي ؟
بعد ربع ساعه من السوالف وتعرفوا على بعض تردد خالد باالكلام بعدها :اسامه ..؟
اسامه ببتسامه :امر يااخوي
خالد : والله يااخوي مدري ايش اقولك بس عندي سؤال انت عندك اطفال
اسامه بروحه الحلوه يرد عليه:ايوه عندي ولدين وبنت الله يحفظهم
محمد حس على خالد انه مرتبك :ممكن تخلينا نشوفهم ..؟
اسامه بااستغراب :ليش.؟
خالد مايدري ايش يرد حس باارتباك صعبه يقول جاي ادور ولدي من بين اطفالك
اسامه استغرب من سكوتهم وقام ينادي على اولاده
دخل اسامه ومعه جميل و يارا وبعدها دخل البراء هذولا اولادي يله سلمو على عمكم خالد..
خالد يبوس الصغار وهو يطالعهم وكأنه يدور تركي من بينهم وهو يتذكر ويركز اكثر كانه مايبي يفقد الامل بعده خاب ظنه ونزل راسه
محمد بهمس :خالد اي واحد فيهم..؟
خالد يهز براسه بانه ولااحد ..
محمد حس باالضيق بعدها وقف :يله نستأذن ياابو جميل
اسامه مستغرب منهم اكثر : لسى دخلتو خليكم جالسين نتعرف اكثر
خالد :ان شاءالله مع الايام وبعدها طلع وهو حاس بااليأس
محمد يهدي خالد :لاتتضايق في كم عائله مو هم بس
خالد بعصبيه:وانا ابنطل وجهي في كم بيت علشان احصل ولدي ترى الناس يتضايقون وبيشكون فينا
محمد:ماعليك توكل على الله خلينا نطلع للولايه اللي بعدها نروح لفلوريدا او شيكاغو
خالد : اي مكان بس نلاقي تركي

عند سعود
لبس تيشرت اسود وبنطلون رمادي عدل شعره وهو حاس باالجوع ماذاق شي غير الفطور فتح الجناح ونزل
عفاف:سعود
سعود :نعم
عفاف:جدتي تحت تبي تسلم عليك
سعود :ماني فاضي لكلامها وزنتها انا طالع
عفاف تطالع وجهه سعود باين عليه تعب بعدها نزلت لجدتها
سعود اتصل بريم للمره المليون ومغلق
ريم اخذت جوالها لاجل تتصل بساره لاكن ماردت عليها جاها اتصال سعود وطنشته
سعود ارسل بسرعه قبل لاتقفله (ريم ترضين علي الهم والشقاء والله ماذقت طعم الراحه وانا عنك بعيد ابي دقيقه تكلمين ماطلبت المستحيل ااو لو ثانيه اشوفك ..)
جاها المسج من سعود قفلت جوالها وتجاهلت رسالته انها تفتحها
انتظر ردها واتصل رجع يتقفل ماقدر يتحمل حاس انه راح يطلع من طوره مايدري ايش يسوي ..توجهه للبيت ريم ..(سعود باالحب ينسى الكرامه والحدود وصل حصل بدر يلعب باالشارع طلب منه ينادي على ريم بدون مايدري ياسر..
بدر :طيب
دخل بدر وصعد لغرفه ريم حتى مايدري ياسر مثل ماوصاه سعود :ريم
ريم :نعم
بدر :ريم سعود عند الباب
ريم وقفت وبدون شعور فتحت الشباك حصلت سعود واقف عند سيارته قفلت الستاره بدون مايحس عليها :قول لها ماتبي تقابلك
نزل بدر وركضت ريم على الشباك وهي تطالعه حست بشوق كبير له لاكن اللي سواه ماهو بقليل
بدر :تقول ماابي اقابله ..
سعود بضيق ويبي يتطمن عليها :بدر ريم بخير
بدر ببرائه: لا ماهي بخير كل شوي صجتنا بدموعهاا
سعود قرصه قلبه رفع راسه لشباك ريم ...نزلت ريم راسها وهي تدعي انه ماانتبه لها
ركب سيارته بدون ماينتبه لها وطلع من الحاره ...
تسندت ريم على الستاره وهي تتنفس بهدوء ماتدري عن سعود انه اذا حب حب بجنون

تـــــــــآآآآآآآآبع <<

الاثنـــين ...باالمستشفى
حس بوجود آحد بجنبه فتح عيونه بتعب وهو يحس بضباب حاول يركز النظر رجع يغمض وبعدها فتح استغرب من البنت الموجوده عنده كان باين عليها القلق ركز بملامحها بعدها انصدم انها هي( ديم )
ديم واقفه عنده بعد مااتصل فيها الدكتور وخبرها كانت غير عن كل مره بملابسها المحتشمه وحجاابها
ديم بهدوء :مابتشوف شر
جاسم عيونه معلقه عليها :ليش انتي هنا
ديم باارتباك :اعطاني الدكتور خبر انك هون
جاسم لف وجهه وهو مايبي يطالعها
ديم :جاسم انا ضميري عن بأنبني كتير مشانك صدقني انا بطلت هيك شغلات انا هلا صرت مسلمه وبخاف ربي كتير
جاسم انصدم لف راسه :مسلمه ؟؟
ديم تهز راسه بأي
استغرب جاسم وهو يطالعها
ديم : انا راح اظل بجنبك
جاسم :ماني محتاجك
ديم : انت بتعرف مين اجا للبيت وعمل هيك فيك هو بابا انا كنت مجبوره بأعمل هيك والابيطردني من البيت وماابعرف وين اعيش لاكن هلا تركته وطلعت مع ماما سكنا في بيت صغير وبعدنا عنه والحمدالله اسلمت وكمان ماما
جاسم سكت وهو يسمعها بعدها غمض عيونه وهو يتجاهل وجودهاا ويرسم صوره ساره في باله..

وصل خالد لفلوريدا
محمد:خالد نرتاح بااي فندق ..؟
خالد بتعب :لا خلنا نقابل فارس الرجال ينتظرنااا
محمد: بس باين عليك الارهاق وانت محتاج ترتاح مو كافي اللي صار لك
خالد طنشه وركب السياره بأتجاه بيت فارس حتى وصل للعنوان كان بيت صغير بداخله حديقه مشى داخل الحديقه بأتجاه البيت لفت نظره الولد الصغير اللي جالس مع امه يلعب كوره وقف وهو يركز فيه
محمد تقدم عنه بعدها وقف وهو يلتفت لخالد :خالد وشفيك
فارس :تفضلوا داخل حياكم
خالد مايرد عليهم وعينه على الولد وقلبه يضرب تركهم واسرع للولد
فارس فتح عيونه مستغرب
قرب خالد من الولد ومسكه مع كتوفه بحنان وهو يتأمل ملامحه نزل لمستواه على الارض
ماريا خافت على ولدهاا ومن غير شعور قربت تمسكه
محمد اسرع لخالد
خالد التفت لمحمد وباارتباك :تركي تركي يامحمد
تركي تضايق وبعد عنه وهو يتعلق بماريا
خالد :هو والله العظيم هو اللي باالصوره
فارس :ايش فيكم وايش تبون منا
محمد بهدوء : اخوي فارس ياليت تجاوب على سؤالي هذا ولدك..؟
فارس بااستغراب :ليش
محمد بجديه:ابي الجواب
فارس يطالع ماريا بلع ريقه :لا لاكن انا مربيه عندي
محمد:من وين اخذته
فارس بعصبيه:وليش تسال انت ايش تبي
محمد : هذا ولد اخوي يافارس
خالد انصدم :لاتقول شي يامحمد حتى نتأكد ..؟
فارس :ولده..؟
ماريا تضم تركي كانه خايفه ياخذونه منها
محمد بجديه : ممكن تطلع معنا للمستشفى حتى تتأكد اذا هو ولده او لا
فارس :بس انا ماخذه من الدرار
محمد بكذب : هو كان ضايع منه وجلس كم سنه يدور عليه
فارس بحزن سكت ولاقدر يقول شي
ماريا :لاانتم تكذبون هذا ولدي
فارس قرب من ماريا يهديها وتكلم معها بهمس وبعدها طلع للمستشفى مع خالد ومحمد وتركي .......

في بيت ام راشد...
هديل عند امها بعد ماودعت عهد وسامي وطلعوا على تركيا ..سمعت صوت الجرس طلعت تفتح الباب وهي تدعي بداخلها لايكون عمــآد
:مين
عمــآد بهدوء :هديل انا عماد
هديل مستغربه من صوته:وايش تبي انت فكنا من شرك
عماد غمض عيونه وهو يسمع هاالكلمه نزل راسه وهو يقرب عند الباب:هديل ابي اقابل امي
هديل:امي ماتبي تقابلك
عمااد:هديل طلبتك افتحي اوعدك مااسوي شي ابي اشوف امي
هديل سكتت وهي حااسه بهدوء غريب بصوته رفعت يدها بتردد تفتح الباب بعد بخوف فتحت ووقفت وهي تتصنع الشجاعه قدامه
عماد دخل وهو يطالعهاا كأنه اول مره يشوفها
هديل مركزه نظراتها وتنتظر منه اي شي حتى تحذر منه قطع عليها تفكيرها ابتسامه عمااد الهاديه وكأن وراها الف مغزا
رجعت خطوه لوراء كانها مصدومه من بسمته قرب عمااد لها وهو يمسكها
هديل تسحب يدهاا بصمت
عماد حس باالذنب انه زرع بقلب اخته الخوف تركها ودخل داخل
ام راشد جالسه باالغرفه كان باين عليها الكبر اكثر العكاز بيدهاا والتجاعيد واضحه على يدها النحيفه رفعت عينها على عمااد الواقف قدامهاا
عماد يطالع امه وهو يتذكر كلام ياسر
ام راشد حست براحه وهي تشوف عمااد قلب الام ماهما يكون يساامح :هلابوليدي
عماد فتح عيونه مستغرب انه امه ترحب فيه بعد كل اللي سواه بدون شعور اسرع وطاح عند رجلها وهو يبوس رجلها ويصيح مثل الصغير
هديل واقفه عند الباب تطالع الموقف بصدمه
عمااد:يمه سامحيني على كل اللي اسويه فيك كنت اظنك مسويه هاالجريمه بخالي ماعاد وثقت فيك ولافي خواتي مادريت ان كل اللي وراء هاالشي ابوي
ام راشد وهي تضم عماد وتشم ريحته وتتحمد ربها :الله يسامحك ياوليدي دنيا واخره الله يساامحك
هديل نزلت دموعها على هاالموقف وبداخلها فرحه ماقدرت تخفيهااا

العصر..
في جناح سعود ..
نط مازن على ظهر سعود اللي كان نايم بعد ماطلع من الدوام سعود فتح عيونه مرتااع لان وجه مازن بوجه :بسم الله
مازن ضحك ببراءه على روعه سعود
سعود يمسك راس مازن :تضحك على عمك هاااا
مازن :هههههههه
سعود يقرص خده: قل ماعاد اعيدهاا
مازن وهو يضحك :ايي خلاص مااعيدها
وقف سعود يغسل وجهه بعدها قرب لمازن ورفعه على ظهره ونزل تحت
يوسف: هلا ومرحبا
سعود: هلابك
يوسف:ماتشاف انت ابد ياالقاطع
سعود:والله انشغلت
يوسف :اجلس ابيك بموضوع قلي ليش ابوي متضايق منك
سعود بضيق:يعني على بالك ماتدري عن ايش اللي مضايقه ولاتبي تسحبني باالكلام
يوسف:سعود قلي السالفه وانا اخوك وااوعدك ماتطلع لاحد
سعود:مافي شي كان عندي شغل خاص خلصته وجيت
يوسف: الله يهديك ياسعود
سعود قرر يقول ليوسف عن اللي في باله:يوسف طلبتك
يوسف:امر
سعود بهدوء:يوسف ابيك تقابل ياسر وتطلبه يقنع ريم بأنها ترجع معي
يوسف:انت صاحي اروح افشل نفسي مع الرجال
سعود:انت رجال كبير وبيحترمك انا طلبتك لاتردني
يوسف بتفكير: لاتحرجني ياسعود
سعود بضيق : تكفى ماابيك ترد لي مافي يدي شي
يوسف بتنهيده رحم حال سعود:خلاص امري لله ابطلع له الحين

في بيت ام ياسر ...ياسر بعد ماضيف يوسف
ياسر :حياك الله زارتنا البركه
يوسف :الله يحييك
ياسر يمد القهوه ليوسف وهو عارف انه جاي يتكلم بموضوع سعود
يوسف :ياسر والله مدري ايش بقولك لاكن والله اني متضايق على اخوي سعود وياليت تنصلح الامور بينه وبين حرمته
ادرري انه غلطان بحق اختك بس امسحها بوجهي هو عنده شغل خاص حتى انا ماندري عنه اقنع اختك ترجع لبيت زوجها يكرمها ويقدرها ولاتخلي الشيطان يدخل بينا
ياسر:والله يايوسف جيتك لعندي فوق راسي لاكن اللي سواه اخوك ماهو بشوي انا تضايقت كثير منه لاكن مااجبرت اختي انه ماترجع له خليتها تاخذ قرارها براحتها وهي ماتبي ترجع
يوسف :ياسر انت رجال وفاهم وهي حرمه ضعيفه ماتفكر الابعواطفها لاتخليها كذا تكلم معها ترجع لرجلها
ياسر : اعذرني يايوسف مااتدخل بها الشي اختي معها الحق تضيق وانا مالي الحق اقنعها ترجع هي حياتها وحره فيها خلي اخوك يعرف يقدر الجوهره اللي عطيناها
يوسف سكت وهو ماعنده شي غير كذا يقوله لان الحق معهم حط الفنجان وقام :الله يصلح اللي بينهم وياليت ياياسر ماتخرب بيت اختك في اشياء لازم نتغاضى عنها علشان نقدر نعيش وبعدها طلع ...
ياسر جلس باالمجلس بعد ماطلع يوسف وهو يفكر بكلامه مايدري ايش يسوي ريم معها الحق تضيق لاكن حس انه خايف يظلم اخته اكثر بعدها قام وطلع لاهله ...
سعود يتصل بيوسف كذا مره ولارد رجع يتصل فيه
يوسف يصكر باب السياره ويرد على سعود :الو
سعود يقله صبر :ها بشرني
يوسف :الرجال راسه يابس وانا اللي بيدي سويته يقول الحرمه رافضه ترجع لك باالمره
سعود سكت بصدمه كان متوقع ان يوسف راح يريحه لاكن زود الهم عليه اكثر
صكر السماعه بضيق بعد ماتحطم من داخله ...غطى يدينه على وجه وهو ياخذ نفس
رفع راسه بتعب وهو يطالع رقم ريم اتصل كذا مره وكل شي متصكر بوجه ارسل لها لعلها تقراها بعد ماتفتحها
(حبيبتي يعني افهم من هاللي يصير انك ماعاد لي بحياتك مكان ابي رد منك يريحني ..؟؟؟)

الســآعه 3 الليل بالاردن
دخل الدكتور يتطمن على جاسم حس جاسم عليه فتح عيونه وهو ياخذ الابره طلع الدكتور بعد ماانتهى لفى جاسم راسه انصدم بوجود ديم اللي نايم بتعب على الكرسي وهي جالسه وبيده مصحف صغير كأنه كانت تقرا فيه ونامت بدون ماتدري طالعه بصمت وهو يتسآئل بداخله ليش ديم رغم انه يهينها الاانها تظل بجنبه تذكر ساره وهو يتنهد كان يتمنى اللي بجنبه هي ساره لاكن خلاص لازم ينسى سااره مايبي يتعلق بشي الحين مستحيل
رجع يغمض عيونه ويرجع لاحلامه اللي بنااه من زمان هو سامر والحين لاحول له ولاقوه ...حتى سامر مايدري انه مساافر ..قرر يعيش المه بصمت ولايقلق احد عليه ...

الثلاثــآء ....المغرب ...
لميــآء بفرحه:يمـآآآآآآآآه بكره رمضاان من تو اعلنو عنه
ام يوسف : الله يعينا على صياامه يارب
لميــآء :يمه سعود ماشفته من امس المغرب
عفـآف :بغرفته مانزل ..
ام يوسف :عسى ولدي مافيه شي
لمياء:ابطلع له واتطمن عليه ...
دخلت لمياء بهدوء لجناحه وخطواتها على البلاط نبهت سعو على وجودها
سعود متسند على الكنب نفس حاله من امس ويده على راسه حاس نفسيته تعباانه
لمياء قربت :سعود ..؟فيك شي
سعود يطالعها ببرود وبعيونه الف اجابه
لمياء قربت بخوف وهي تلمس حرارته :سعود تعباان
سعود يهذري مثل التعبان
لمياء قرصها قلبها:سعود
سعود سكت وهو يطالع السقف
لمياء انقهرت على حاله وريم مب حاسه فيه حست ان كل اللي فيه بسببها
وقفت وهي تفكر ماتدري ايش تسوي طلعت من غرفتها وهي تتصل بريم لاكن مقفل اتصلت بسواق جدتها انتظرت عشر دقايق بعدها بدلت لبسها على السريع و طلعت من البيت بدون مايدري احد وصلت للبيت وهي حاسه بااحراج قربت عند الباب ودقت الجرس ..
ريم باالصاله كانت لسى صاحيه وتشرب قهوتها كاالعاده قامت تفتح الباب بعدها وقفت خافت انه يكون سعود دخلت تنادي على بدر
طلع بدر وفتح الباب ..
بدر يطالعها وذاب على عيونها
لمياء انحرجت من بدر :ريم فيه ..؟
بدر :اي فيه ادخلي من اقولها
لمياء :قول لها لمياء اخت سعود
دخل بدر لريم:ريم في بنت عليها عيون تذوب
ريم :بنت مين..؟
بدر وهو سرحان:تقول انها لمياء اخت سعود
ريم قلبها ضرب:متأكد
بدر :ونصصص
ريم :اقول لاتكثر من احلامك تراها اكبر منك ياالخبل
طلعت ريم للميــآء
لميـآء تقرب وهي تسلم على ريم
ريم:تفضلي داخل
لمياء تمسك يد ريم :ريم انا مستعجله ابيك بكلام
ريم :طيب خذي راحتك داخل
لمياء:ريم تعالي وياي للبيت
ريم بصدمه من طلبها سكتت ماعرفت ترد
لمياء:ريم لاتسوين كذا بسعود هو يحبك لاتكبرين الموضوع
ريم تترك يد لمياء :تكلميني كأني الغلطانه واخوك البرئ
لمياء :ادري انه غلطان وربي كلنا زعلنا عليه لاكن ماهما كان الواحد يسامح اللي يحبه لاجل يبقى معه
ريم بجديه :اعذريني مااقدر
لمياء برجاء:ريم سعود تعبان من امس وربي موقادر على فراقك انتي ماتعرفين سعود اخوي اذا حب اي يسوي ...
ريم بخوف:تعباان
لمياء :تعبان ياريم والله العظيم طلعت البيت لاجل اخبرك بدون مااهلي يدرون طلبتك ياريم عطيه فرصه وربي ينسيك الايام اللي راحت وزعلها
ريم سكتت وعينها على الارض
لمياء : انتظرك بالسياره واوعدك اردك للبيت بس تعالي تطمني عليه
ريم نست كل شي وركضت للداخل لبست فستان اسود ناعم وعدلت شعرها وخذت عبايتها نزلت للمياء اللي تنتظرهاا

وصلت لمياء للبيت :ريم خليك بالسياره انا رايحه افتح باب الشارع اللي وراء ماابي اهلي يحسون
ريم تهز راسها ركضت لمياء وفتحت الباب وصعدت للجناح مع ريم دخلت بارتباك :ريم سعود باالغرفه اخليك الحين تطمني مااحد راح يدخل
ريم تطالع المكان وقفت وفكت عبايتها تلفتت ومشت لخطوات حتى وصلت للغرفه وقلبها يضرب اكثر عرفت انها مجنونه فيه موبس تجبه
طالعت سعود اللي نايم بشكل فوضي على الكنب قربت بهدوء حتى وصلت عند وهي تتأمل ملامحه عيونه تحتها السواد وناحف حتى وهو تعبان يجذبها حست بخوف عليه حركت يدها بارتباك سعود فتح عيونه بتعب طاحت عينه على ريم الواقفه وباين عليها التوتر
حس انه بحلم علق نظراته عليها
ريم انحرجت حاولت تقول شي وببرائه وخوف:تعبان..؟
سعود فتح عيونه اكثر عرف انه باالواقع صوتها رجعه للواقع كان منسدح على الكنب ونظراته مانزلت من ريم مد يده بسرعه وشدها له حتى طاحت على صدره لمها بقووه كانه خايف تروح عنه ونظراته تطالع بفراغ ريم نزلت دموعها على صدره
سعود بصوت مخنوق :تعبان من بعدك والحين لااا ريم سامحيني
ريم رفعت راسها ومدت يدها الناعمه على شفايفه تطلب مايكمل كأنها نست كل شي بهااللحظه ماتبي الاحبه وقلبه وحنانه
:انسى كل شي حبيبي ولاتجيب هاالطاري ورجعت تدفن راسها بصدره ...

ياصاحبي حنا ترانا اتعضنا ليه الزعل مادام قلبك حلالي
افهم ترانا لايقين لبعضنا كنك نهائي الكاس وانا هلالي

بعد نص ساعه..
ندى تطالع رقم غريب على جوالها ردت :الو
ريم بجنب سعود :الو ندى
ندى :ريم بسم الله وينك
ريم بتسامه وهي تطالع سعود اللي ذاب عليها: في بيتي ..
ندى وقفت تركض تفتح غرفه ريم ولاحصتلها:من جدك ولاتخفين بي
ريم :لاحبيبتي طلعت للبيت والله
ندى :شلون فهميني يعني رضيتي
ريم :اي ياقلبي خلاص طلعت بدون مااخبر احد اعطي خبر وياسر وخلي ياسر يكلمني على جوال سعود
ندى حست براحه :ان شاءالله قلبي فرحتيني وريحتيني
ريم :ربي يخليك لي
صكرت السماعه وهي تحط راسها على كتف سعود قرب سعود خدها يبوسها بقوه حتى حمرت خدوها :اح عورتني ههه
سعود وهو يكمل عليها وريم تضحك :تجننت ههه
سعود يقرب اكثر :وانتي خليت فيني عقل علشان انجن احبك احببببببببببببببك
بعدها قام وهو يشيلها من على الكنب وينزل على الارض ريم حاسه بخجل ماهو طبيعي منه
سعود :ياقلب سعودك ابيك تلبسين علشان تنزلين تسلمين على اهلي
ريم نزلت راسها بارتباك
سعود يمسك يدها :يله قلبي تعالي ,,,

ندى :يمه ريم مكلمتني من بيتها
ام ياسر بااستغراب :من بيتها
ندى تجلس :اي الحمدالله تصلحت امورها
ام ياسر :الحمدالله الله يبشرك باالخير والله ان قلبي موجعني عليها بس من اللي موديها
ندى :مدري يمكن طلعت مع سعود وين ياسر
ام ياسر : طالع تعالي اتصلي بجاسم هاللي مايرد علي ..
قامت ندى تتصل بجاسم ولاحصلت رد ....

نزلت ريم مع سعود بعد مااتصل في لمياء تخبر امها باان ريم راح تجي
ام يوسف وبيدها البخور :هلا ومرحبا هلا وغلااا هلابحرمه الغالي
ريم تبتسم وتسلم عليهااا قابلتها عفاف وهي ترحب فيهاا
ريم تجلس وجلس سعود بجنبها انحرجت عندهم لانه قريب مره منهااا
عفاف:شخبارك حبيبتي وشخبار الاهل
ريم:الحمدالله كلهم بخير
ام يوسف :نور البيت بوجودك يابنيتي
ريم:نوركم والله ياخاله
سعود مبسوط من داخله ان اهله متقبلين ريم وهي شكلها دخلت معهم استئذن منهم وطلع يدور على لمياء اللي في المطبخ
لمياء:هلاوالله نزلتم
سعود يبتسم :لمياء يالشيطانه شلون قدرتي تجبين ريم لي
لمياء بضحكه:بشطارتي
سعود :قسم بالله يالمياء مانساها لك واطلبي اللي تبين واجيب لك
لمياء بفرحه:صدققق؟؟
سعود:صدقين ...
لمياء :خلاص اكتب طلباتي بورقه واعطيك
سعود وهويطلع :بس لايكثر عاد ..
لمياء : موعلى كيفك هذ كلامك
سعود يضحك :خلاص فضحتيني عند حرمتي خليني حبيب عندهاا ..

فارس يطالع ماريا اللي طول وقتها تركي بحضنها حس بضميره يعذبه اكثر قرب منها : ميمو
ماريا تطالعه بحزن
فارس : النتيجه بتطلع اليوم حبيبتي ماابيك تتعلقين باالولد اكثر اخاف يكون ولده صح
ماريا تهز راسها كانها رافضه الفكره
فارس :ماريا ادري عذبتك معي ادري ان قلبك على الاطفال وكل من سببي والله مابيدي شي من كم سنه وانا عالج كل شي سويته علشان ابقى معك
بعدها سكت ماريا انتي الف واحد يتمناك لوبغيتي اطفال انا مستعد البي رغبتك
ماريا باستغراب:كيف
فارس بحزن:تخذين واحد غيري
ماريا بصدمه :غيرك
فارس :ماريا انا كل ماشفت تعلقك باالصغار يزيد عذابي اكثر
ماريا : تقول هالشي بسهوله وحبي لك
فارس سكت
ماريا بدموع :انا اتنازل عن كل شي ابيه بس ابقى بجنبك
فارس :تركي راح يروح
ماريا بصعوبه : راح ازوره دايم ماراح اتركه
فارس طالعه وابتسم قطع كلامهم اتصال الدكتور يطلبه يجي
ماريا قرصها قلبها وهي تطالع تركي بعدها غمضت عينها وركضت لغرفتها
فارس فاهم مشاعرها لاكن لازم ينفذ هالشي اخذ تركي وطلع للمستشفى اللي موجود فيها خالد ومحمد
انتظروا الدكتور دقايق ودخلوا عليه جلس خالد باارتباك
الدكتور بااستعجال :من خلال التحاليل تبين ان الطفل طفلك ياخالد
محمد ابتسم براحه اما فارس وقف وهو يطالع تركي وقام يطلع بسرعه
خالد:فاارس
فارس وقف
خالد قرب له ويحط يده على كتفه : ادري هاالشي صعب عليك لاكن
فارس : لالاكن ولاحاجه هذا ولدك لك الحق فيه
خالد :فارس مشكور انك حضنت ولدي وربيته والله ماني قادر ارد جميلكم ابد
فارس : هذا وجبنا ماهما كان هو كان يتيم بس عندي طلب
خالد:امر وانا انفذه لك
فارس :اتمنى ياخالد تجي لنا زياره بين فتره وفتره لاجل ماريا تطمن على تركي
خالد: اوعدك هذا اقل شي اسويه لكم خذ رقمي وبتواصل وياك
اخذ الرقم وطلع بدون مايطالع تركي
تركي ركض لفارس وهو يصيح :بابا بابا
خالد حس باالضيق قرب عنده بهدوء وهو يضمه لصدره حس بااحساس حلو احساس يحس الاب لولده معقوله هذا ولدي معقووله كانت منار صادقه بكل اللي قالته مسح على شعره وهو يتذكر منار كان فيه شبه من منار وخالد حس باالحزن داخله يكبر
محمد تأثر من الموقف كثيرر
وقف خالد وهو يهدي تركي اللي يبكي بين يديه شكر الدكتور وطلع
خالد شكر الدكتور ورفع تركي له وطلع
رجع خالد لواشنطن ودخل البيت وتركي يصيح بين يديه فزت سمر للصوت وركضت وهي تطلع تركي وخالد يهديه بحنان
وقفت باالصاله تطالعهم
محمد:شفيك واقفه بدل ماتقولين الحمدالله على السلامه وتباركين لخالد
سمر فاتحه فمها وهي تطالع تركي وبصوت متقطع:ت ت تركي
خالد يبتسم لسمر ويجلس وهو يز راسه باي
سمر تقرب وهي تتأمل ملامحه كان نسخه من خالد قربت عنده تبوسه وتضمه يارووح عمتك ياحبيبي والله نسخه من ياخالد
خالد طالعها بصمت وهي تلاعب تركي اللي سكت
التفت على محمد:محمد لازم ارجع للسعوديه
محمد:ليش
خالد:ابي اقابل سعود وارتااح هنا باالفله
محمد:بس انت تعبان متى تفهم تحتاج لراحه طويله اتعبت نفسك باالسفر
خالد:راح اكون بخير اذا رجعت للسعوديه ...

الاربعاء المغرب اول يوم برمضان ...
في بيت ام ياســـر..
ياسر ابتسم بداخله وهو يتذكر ريم حمد ربه انها رجعت بنفسها بدون مااحد يضغط عليها صحيح تمنى يأدب سعود اكثر لاكن رحم حال اخته عرف قد ايش تحبه اخذ جواله واتصل بسعود انتهى من الفطور مع اهلها ودخل لجناحه ..مع ريم
سعود:حبيبتي ياسر يتصل
ريم :اعطيني اكلمه
سعود اعطاها ودخل يبدل ملابسه
جلست ريم على السرير :الو
ياسر/:هلاريم شخبارك مرتاحه
ريم :الحمدالله مرتاحه
ياسر:امورك تمام مع سعود
ريم:اي الحمدالله
ياسر : ليش ماقلتي لي انك راح تطلعين خايفه اني امنعك
ريم:لاوربي لاكن كنت مستعجله وطلعت
ياسر يبتسم :طيب اذا احتجتي شي اتصلي فيني
ريم وهي تسمع صوت الانتظار يجووال يدق :ان شاءالله
صكرت الخط وهي تطالع الرقم يدق
طلع سعود من الحمام
ريم :سعود جوالك يرن
سعود اخذ الجوال وجلس بجنب ريم :الو
خالد:الو سعود..؟
سعود فز للصوت :خاااااالد
خالد بضحك:اي يالخبل اذني ابيها
سعود:وينك فيه باالسعوديه
خالد:اي ابي اقابلك
سعود:وتركي بعدها مسك نفسه لاجل ريم ماتنبه
خالد:تعال انت باالفله انتظرك صكر منه وهو يطالع ريم
ريم ابتسمت ببراءه ماتدري ايش السالفه
سعود ابتسم براحه :ريوم انا بطلع الحين ابقابل خالد توه جاي من السفر
ريم :لاتطول
سعود غمز لها:اول مااجي ابيك مجهزه نفسك علشان نطلع سواء حبيبتي قام وباسها وطلع يقابل خالد وهويتمنى ان السياره طياره حتى يوصل له بسرعه ويتطمن عليه وعلى تركي

بالفلــه ..تركي بيد الخدامه وهو يصيح وينادي على ماما عجز يقدر يهديه تكدر خاطره اكثر يحس باالضيقه اكثر كل مااسمعه ينادي على ماما تمر عليه منار
رفع عينه للغرفه وهو يفكر فيها تنهد وهو يستغفرالله بعدها قام واخذ تركي وهو يحاول يضحكه لاكن مافي امل
ادخلت الخدامه :خالد سعود عند الباب
خالد:خلوه يدخل بسرعه اخذ تركي وطلع يستقبل سعود
سعود دخل وقبل لايجلس وقف وهو مفتح عيونه على خالد اللي شايل تركي
خالد ببتسامه يطالع سعود
سعود يطالع شكل خالد اللي متغير واللحيه كاسيه وجهه قرب عند تركي وهو يطالعه اشتااق له تركي اصبعه في فمه ويطالع سعود ببراءه كبر كثير عن اخر مره شافه سعود قرب يضم تركي وايام منار تمر عليه لما كان يوصلها للدار رفع راسه وهو يحمد ربه ركز نظراته على تركي وهو يتذكر الوعد اللي اعطاه منار انه راح يوصل له ابتسم بداخله بحزن بعدها رفع راسه وقام وهو يطالع خالد قرب له وضمه وهو يسلم عليه بحراره

ريم اخذت الشنطه اللي بالزاويه كانت لسعود طلعت الملابس لاجل تغسلها بدل ماتجلس فاضيه على مايجي سعود
جمعت الملابس بيدها وقامت حست بشي طاح على رجلها نزلت راسها وهي تطالع الصوراللي طاحو من بين الملابس استغربت حطت الملابس على جنب ومدت يدها تاخذ الصوره ركزت بملامح البنت الصغيره حست ان الملامح موغريبه عليها حاولت تركز اكثر مر على بالها منار فتحت عيونها بصدمه :منااار..؟ لا يمكن تشبه لها رجعت تركز بالصوره كانت متأكده انها منار مستحيل احد يصير هالشبه منها صحيح صغيره لاكن منار ماتغيرت كثير لما كبرت بس استغربت ايش جابها بشنطه سعود قامت وجلست على الكنب وهي تطالع الصور

عند خالد..
خالد:خلاص ياسعود انا قررت اترك كل شي يكفي اللي صار عطاني اقوى درس بحياتي
سعود:الحمدالله ياخالد كلنا تركنا هاالدرب ومنار ماتبي منك الاالدعاء الحين
خالد يطالع تركي :ماقدرت ارتاح احس اني ظلمت تركي حتى الولد ماهو متقبلني
سعود:هو صغير ومع الايام بيتعود عليك
خالد :سعود ابرجع اكمل حياتي هناا كرهت هذيك الديره شفت العذاب بعيوني
سعود: واخوانك
خالد: سمر راح تجي هناا معي وتكمل دراستها هنا ..
سعود:تدري ياخالد اني تزوجت..
خالد بصدمه:تزوجت..؟
سعود يبتسم :اي كنت اتمنى تحضر زواجي لاكن عجزت القاك
خالد:خذت بنت خالتك
سعود تذكر نوف وتضايق حاول يكون طبيعي ومايبين انها السبب في كل اللي صار :لا ريم
خالد بأستغراب:ريم اللي ...؟
سعود بضحك:هههه اي هي اللي
خالد:اما عاد رضت فيك
سعود وهو ياخذ تركي ويجلسه على رجله:كل شي ربي كاتبه والحمدالله اسعد خلق الله انا

ريم انتظرت سعود والفضول ذبحها مرت نص ساعه وسمعت صوت الجناح ينفتح
سعود : تأخرت عليك
ريم بدون اي رد تبي تعرف سالفه الصوره
سعود استغرب قرب عندها :ليش القمر مايرد
ريم :سعود من هذي ومدت الصوره بوجهه
سعود حس ان احد اعطااه كف وقف متجمد وهو يطالعهااا الشي اللي خايف منه صار
ريم:ليش ماترد حبيبي من هذي
سعود:هاا ايه وين لقيتيها
ريم تأشر على الشنطه
سعود ياخذ الصور ويحطها بالدرج ويقرب لريم ببتسامه وهو مرتبك :بعدين اقولك من هذي خلينا نطلع ياعمري
ريم بجديه :سعود هذي صور منار صديقتي من وين جبتها انت تعرفهااا
سعود خلاص حس انه تورط ولايدري ايش يقول
ريم بهدوء:سعود هذي منار وربي اعرفها انت تعرفهااا ..؟
سعود يهدي ريم :طيب حبيبتي خلينا نطلع وانا افهمك كل شي
ريم :لا ماارح اطلع حتى تفهمني انا ادور عليها من زمان ياسعود انت ماتعرف قد ايش اغليها ..
سعود حس باالضعف وهو يشوف انفعال ريم خلاص مافي مفر لازم يقول لها كل شي جلس على الكنب يفكر بايش تكون رده فعلها لو قال لها
ريم تجلس بجنبه وبرجاء :سعود حبيبي انت مخبي عني شي
سعود يمسك وجهها بيده:ريم انا خايف اني افقدك من جديد
ريم بااستغراب:ايش صاير
سعود ينزل يده :ريم بقولك كل شي كنت متحمله بقلبي بس اتمنى انك تفهميني
ريم هزت براسها وكأنها تنتظر يكمل .......

باالمستشفى ...
جاسم حس انه فقد ديم اللي كانت طول الايام اللي راحت معه مايدري ليش حس انه فاقدها
لف راسه على الباب وهو يطالع ديم تدخل ابتسم بداخله وماحب يبين لها
ديم تقرب عند الكرسي :كيف اليوم
جاسم طنشها ومايدري ليش دايم يتجاهلها وساره مازلت في باله
جلست ديم بصمت وهي تطالعه بعدها اخذت المصحف وتقراء بصمت
طالعها جاسم بهدوء بدون ماتحس عليه ....

في بيت ام ياسر ..
ياسر:ندى ..؟
ندى وهي تطالع التلفزيون :همم
ياسر :ندى ابي اتزوج..
ندى بفرحه :من جدك ..؟؟
ياسر نزل عيونه :ندى تتوقعين حمد بيوافق علي
ندى:حمد وايش دخله باالموضوع
ياسر باارتباك:ندى ابي اتزوج ساره
ندى بصدمه:ساره..؟ مستحيل يرضى حمد
ياسر:هذا اللي خايف منه
ندى بتفكير:ليش تبي ساره ..؟
ياسر انحرج:بس تعجبني هاالبنت
ندى :بس مااتوقع راح يوافقون
ياسر:ندى لمحي لساره
ندى:مستحيل بعد اللي سواه جاسم
ياسر: ندى ماطلبت المستحيل انتي لمحي لها بس
ندى:راح اخبر ريم بهاالموضوع هي اقرب وحده لها
ياسر:خلاص ..

ريم كانت موقادره تتحمل هاالصاعقه اللي يقولولها سعود حكا لها كل شي من البدايه حتى النهــآيه لعله يرتااح واخفى عليها خبر نوف مايبي تكبر المشااكل سكت سعود ومن داخله خوف من الصدمه اللي باينه من وجه ريم اخذ نفس يهدي نفسه مايقدر يقول شي زايد
ريم نزلت عيونها على يدها اللي ترجف وتهمس بصوت حزين:كل هذا صار ياسعود ومخبيه علي كل هذا صار لمنار وانا اقرب الناس لها وساره ماندري عنها اخوها كان يقول انها ماتت لاكن ماكنت اصدقه عندي امل اشوفها نزلت دموعها مااتت منار ماتت ليشش يسوي فيها خالد كذا وبعدها صرخت وهي تركز نظراتها على سعود ليششششششششششش
سعود ارتاع وبلع رريقه مايتحمل ضيقه ريم قرب عندها بهدوء:حبيتي هدي خلاص كل شي صار الحين خالد تاب ومتندم على اللي سواه رجع للسعوديه ومعه تركي ولد منار
رريم غمضت عيونها وهي تتذكر الصوره اللي شافتها بجوال منار حست انها انهارت موقادره تستوعب السالفه جلست تبكي بصوت مسموع ويدها على وجهها سعود خاف عليها وقرب يهديها تركته ريم بصراخ وقامت تركض وتقفل عليها بغرفه الصغيره اللي فيها دولاب الملابس
سعود قام وراها وهو يضرب الباب :ريم انا قلت السالفه كلها بس باقي ماوضحت لك
ريم متسنده على الدولاب وهي تصيح
سعود برجاء :ريم علشان خاطري اسمعيني خليني اقول اللي عندي
ريم ماترد عليه وهي ترتجف حست راسها انشل ماقدرت تهدي نفسها
سعود رجع لوراء وجلس على السرير وهو يلعن بنفسه اللي خذى الصور اكيد ماراح تسامحه على اللي سويناه بمنار وحتى راح تاخذ عني فكره اني راعي بنات وساكن معها صوت ريم واصل خاف عليها وهي باالغرفه قرب عند الباب:قلبي اطلعي من الغرفه تعالي هنا واذا ماتبين تشوفيني ابنزل تحت بس لاتجلسين بهااالمكان انا طالع
نزل تحت وصكر باب الجناح بصوت حتى تسمعه ريم وتطلع من الغرفه دخل على اهله
لميــآء : هلا سعود وين ريم
سعود يجلس :ترتاح شوي فوق
لمياء :ياربي على زوجتك تجنن وربي حبيتها من كل قلبي احسه لايقه عليك
سعود ابتسم براحه وبعدها تذكر اللي صار وسكت

الســـآعه 10 بفله خالد
نام تركي بين حضنه قام ورفعه على صدره وصعد لغرفته مدده على سريره وانسدح بجنه وهو يمسح على شعره بهدها باسه على راسه ونام بجنبه بتعب وارهاق بعد نص قام حاول يرجع ينام ولاقدر قام من السرير وطلب من الخدامه تنتبه لتركي وتتصل عليه اول مايقوم بدل ملابسه وطلع للشقه
الحارس لمح خالد وشك لانه نحف كثير واللحيه مطولها فرح بشوفته:اهلن يااستاز ازيك والهي لك وحشه
خالد ابتسم له ومد يده يصافحه ويساله عن اخباره اخذ مفتاح الشقه وطلع فوق مايدري ليش جاي كأنه جاي يدور طيف منار لعل اللي صار كان حلم فتح الباب وشغل الانوار وقف في الصاله وهو يطالع المكاان وتمر عليه كل مواقفه وايامه مع البنات وربعه ومع منار غمض عيونه بحزن وقرب بهدوء لغرفتها فتح الباب ووقف كانت الغرفه فاضيه بعد ماطلع سعود كل شي حتى سريرها تامل الغرفه بحزن حس ان قلبه يعوره اتصلت الخدامه فيه تخبره ان تركي قام يبكي وهو ينادي على ماما انعصر قلبه بقوه صكر الباب وطلع من الشقه وهو مقرر يبيعها ويبيع كل الايام اللي صارت فيها ورجع للبيت ...
سعود رجع من صلاه الترويح وقف عند باب الجناح وهو متردد يفتحه اولا بعدها فتحه
ريم متسنده على السرير وراسها بالمخده دخل سعود وهو يطالعهاا مشتاق لها بس خايف من مشاعرها تجاهه الحين قرب وجلس وراها وهو ينادي بصوت هادي :ريوم
ريم غمضت عيونها بكذب انها نايمه ماتبي تشوفه
سعود عرف انها تمثل النوم مد يده على يدها :ريوم اسمعيني
ريم ساكته بدون ماتفتح عيونها
سعود:ريم لاتظنين اني لي علاقات مثل خالد لاوربي يشهد ومنار كنت اعاملها كذا لاني ارحمها مالها احد بهاالدنيا من اخليها له مابيني وبينها شي ولاحتى مع اي احد كنت اجي الشقه لاجل خالد وحتى كنت اناصحه واخر شي تهاوشت وياه علشان يرجع يصحح غلطته انتي الوحيده بحياتي منار حاولت اوقف معها لانها ضعيفه لاكن ماني قد المسؤليه حتى انتحرت انا تعبت كثير والحين ابي ارتاح ياريم
ريم حست ان صوته متغير فتحت عيونها وعدلت جلستها وهي تشوف دموعه ارتجفت بداخلها حست انه صادق بكل شي سكتت وهي تطالعه
بعدها نطقت :سعود ابي اشوف تركي
سعود مسح دمعته بسرعه وهو يمسك ريم اوعدك اخليك تشوفينه
ريم نزلت عينها
سعود:ريم انت مصدقه كل شي قلته
ريم هزت راسها بأي
سعود حس بالفرحه وماقدر يعبر عنهااا الاانه وقف مثل الصنم يطالع ريم حتى ابتسمت من شكله

في 15 رمضــآن ...الاحداث اللي صارت جاسم حس انه بدا يميل لديم اللي ماتركته ولايوم كان يفكر يقرب منها ويتزوجها لاكن حس في شي يرده قطع تفكيره اتصال ياسر اللي يخبره ان حمد وافق عليه وان ملكته راح تكون اليوم بساره جاسم ماقدر يفرح له يحس انه اناني وساره مازالت ملكه رغم انه انتهى كل شي تصنع الفرحه وبعدها صكر السماعه وهو مضغوط وحاس بالضيقه دخلت عليه ديم ببتسامتها اللي دوم ماتفارقها وكأنها تعطيه امل في الحياه بادلها البسمه جلست ديم وهي تسال عن اخباره
جاسم سكت وهو يطالعها وبعدها بهدوء :ديم ليش تعامليني كذا
ديم سكتت مو قادره تعبر عن مشاعرها مثل اول من كثر ماشافت الصد منه قطع عليها حيرتها جاسم:ديم تتزوجيني..؟
ديم انصدمت فتحت فمه وهي تطالعه
جاسم حس ان وجهها تغير نزل عينه على اللحاف : انتظر رايك ..؟

العشاء...
ريم تدخلت بموضوع ياسر وتكلمت مع ساره اللي كانت متردده وبعد ايام خطبها ياسر كان الكل موافق الا ام نواف لاكن في الاخير رضت
واليوم الملكه ...وزواجهم رابع العيد ...
ياسر باالمجلس ينتظر ســآره
نزلت ساره من الدرج وبجنبها ريم : الله ياليت ارجع لوراء ياساره واعيد ايام الملكه مع سعود
ساره ببتسامه: الاايام الزعل
ريم :ههههه فديته الحين مابينا زعل ولاهاالاشياء
ساره:يمه وصلت
ريم :بلااستهبال يالله العاشق الولهان ينتظرك
ساره ارتبكت تركتها ريم عند الباب:يله سعوودي جاي الحين .. وراحت وهي تضحك على شكل ساره
تشجعت ساره ودخلت على ياسر
ياسر جالس بوسط المجلس وقف وهو يشوف ساره تدخل ابتسم لها بحب
ساره عينها على الارض حس عليها انها مرتبكه جلست وجلس قريب منها وهو يتأمل بملامحها تغيرت كثير ساره رفعت عينها وارتبكت اكثر من نظرات ياسر قام ياسر وجلس جنبها :ساره
ساره ساكته
ياسر :واخيرا ياروحي تحقق حلمي فيك

في فــله ابو خالد........

تركي يركض ووراه سمر تلعب معه رفعته على الارض وهو يضحك :فديتك يارووح عمتك هههه خالد ولدك مرجوج زيك
خالد يبتسم وهو مرتاح ان تركي تعود عليه وعلى سمر ...:سمر ريم راح تجي ويا سعود بعد ربع ساعه خلي الخدامه تبدل ملابس تركي
سمر :ريم زوجه سعود
خالد:اي
بعد ربع سااعه وصل سعود دخل مع خالد اما ريم مع سمــر
ريــم :كيفك سمر
سمر تبتسم:الحمدالله بخير كنت متشوقه اقابلك
ريم تبتسم :تسلمين سكتت وهي تطالع المكان :وين تركي
سمر ببتسامه :دقايق اجيبه
ريم تطالع سمر حس بقهر كثير من اخوهاا تنهدت وهي تقول بخاطرها كل انسان يغلط ياريم قطع تفكيرها دخله تركي وقفت وهي تطالعه
ابتسم تركي ببرائه لها حست في شبه منار بلعت عبرتها وهي تضمه وتشم ريحه منااار فيه نزلت دموعها ارتبكت سمر وهي تسحب تركي خلاص حبيبي تعال نطلع
ريم :لاسمر تكفين خليه وياي احس بريحه منار فيه وربي نزلت دموعها اكثر وهي تضمه اكثر ...

فــي رابع عيــد ...جاسم وصل للسعوديه لفتره نقاهه من علاجه قرر يحضر زوااج ياسر ومعه ديم بعد ماخبر اهله انه تزوجهااا صحيح كانوا رافضين لاكن مايبون يقفون بوجهه هو كبير وفاهم كل شي
جاسم بحب:حبيبتي نرتاح في الفندق وبعدها نطلع لاهلي
ديم :اوكي حبيبي
جاسم سحب الشناط للسياره واتجهه للفندق
في بيت ام راشد
الكل مجتمع عهد وهديل وراشد وعماد وام راشد وسامي
عهد :خساره ياهديل كان نفسي ارقص بعرس ساره ولااجلس ابد
هديل وهي متغطيه عن سامي:لا علشان تموتين هدوولي
راشد:الارشوودي
عماد:بس انت وهي هذا عماااااد وبس
سامي :ههههههه
عهد حامل بالشهر الاول :هههه بس انت وهم ماراح اسميه عليكم
هديل مبوزه:ها ايش بتسمينها
عهد تغيظهاوهي تطالع سامي:سامي مااختاارههه
سامي بجنب عهد :شرايك نسميهاا هديل احس اني رحمتها
هديل بضيق:مالت عليك انت وياها
عهدوسامي :هههههههههه
عهد:لاانا من كنت صغيره احب اسم رغد راح اسميها رغد
هديل :وااااو احب هاالاسم بعد

الســآعه1 الليل ..في القاعه
الف الصلاه والسلام عليك ياحبيب الله محمد وابتدت الزغاريد خاصه من ريم اللي رجت الحضور هي وديم برقصهم وهبالهم وزغاريدهم اصر ياسر ينزف بجنب ساره وتكون اغنيه الزفه اهداء منه لها كانت الاضاءه طافيه والانوارمركزه على ساره وياسر بطريقه ابداعيه تقدمت ساره والخجل كاسي وجهها تمشي خطوه خطوه وياسر ماسك يدهاا والمصوره تلقط له الصور والاغنيه ماليه صداها باالمكان
ياقمر ارجوك تنشد هالقصيده في فرحها ياقمر احلى لحن
هذي ليله عمرها ليله سعيده والسعد بقلب الهنا قد سكن
فرحتي فيها انا فرحه اكيدا في فرحها حتى عيوني حكن
صكروا الانوار وامشي في دلال ياقمر يمشي على الاض بخجل
وردك بيدك تمنى هالجمال من جمالك غار هالورد وذبل
كل من شافك وشاف الورد قال عايشه ورده وللورده تحمل
ياسر وساره جمعهم الله بها الوصال دامه اله بدون بعد او ملل
وصل ياسر ووقف عند الحضور وهو يمسك ساره مع خصرها ويبتسم للمصوره لقطت اخر صوره بعدها جلس
وهو حااس بسعاده مايقدر يوصفها وشلون وحلمه اللي دوم يحلم به يشوفه جنبه الحين.. قربت ريم بفرحه تبارك لهم وترقص قدامهم بااستهبال
ياسر يضحك عليها وهو يمسك يد ساره بحناان ساره انحرجت من نظراته لاكن ماقدرت تنزل عيونها بدون ماتبادله الابتسامه
عهد وندى واقفين وهم متحمسين مع ريم ..ام ياسر تمسح دموعها وهي تبوس راس ياااسر

مرت الاياااام على ابطالنااااااااا حتى جااء هااليوم وهو بعد تسع شهـــوررر
ريم باالمستشفى الولاده وسعود عند الباب ينتظر الدكتوره بقلق طلعت الدكتووره تخبر انها بخير ان ريم ولدت الحمدالله على السلامه
سعود حس بفرحه الدنياا كلهاا بعد ماخبرتهااا انها جابت توأم بنت وولد وكلهم بخير كاان عنده خبر انها حامل بتوأم بعد سااعه دخل يتطمن عليهاا
قرب عندهاا وهو يبوسهااا ريم بتسامه
سعود :الحمدالله السلامه يارروحي
ريم : ربي يخليك حبيبي
دخلت الدكتوره ومعها الصغاار
سعود انجن عليهم :وربي عليهممم
ريم وسعود كان كل واحد مختار اسم..( ريم البنت )(وسعود الولد) بس اتفقوا مايخبر احد ايش اختار حتى تولد بالسلامه ريم شايله بنتها بحنان وهي ترفع عيونها لسعود:ها حبيبي ايش اخترت اسم الولد
سعود باستهبال:لاانتي اول قولي
ريم وهي تبوس خد بنتها وبحزن :راح اسميها منار
سعود انصدم :مناار
ريم وهي تطالع البنت :مناار وبس وانت ايش راح تسمي حبوبي الثاني
سعود سكت بعدها بهدوء :راح اسميه خالد على صديقي
ريم فتحت عيونها :خااالد؟؟
بعدها سكتوا وابتسموا بصوت عالي على الصدفه خالد ومناار ...

وبكذااا تكووون السعــآده تجمع ابطالنااا خالد و تركي بحياته يكفي عن سعاده الدنيااا كلهااا تسألون عن دلال هي مابعد مامرض رفضته ورفض ابوها اكثر .وياسر وساره وريم وسعود وعهد وسامي وجاسم وديم وام راشد برجعه عيالها وام ياسر بزواج عيالها ..وندى بيجي نصيبها ان شاءالله
ههه
النهـــآيه..